رواية «غَرام الصِبَا» "كاملة"

اقتباس 💞

#غَرام_الصِبَا
      #اقتباس_من_الفصول_القادمة
تململت على الفراش بضيق ، فقد مر اكثر من ساعتان ولا تستطع النوم! التفتت الى "ادهم" النائم بجوارها وظلت تتطلع له بتفكير الى ان حسمت امرها وقررت فعل ما تفكر به..حركته برفق وهى تهتف بأسمه :
- "ادهم".." ادهم"
استيقظ "ادهم" على صوتها فأردف قائلاً :
- فى ايه يا "مليكة"؟
ثم تطلع للساعة المعلقة على الحائط واستدار لها مرة اخر بتعجب :
- الساعة اربعة الفجر انتِ لسه منمتيش!.
ثم اكمل بقلق :
- فى حاجة تعباكى؟؟
اشارت له نافية وهى تقول بإرتباك :
- لا مفيش..انا كنت بس...كنت عايزة....
هتف" ادهم" بحيرة من ارتباكها :
- كنتِ عايزة ايه؟؟!
نبست بحرج :
- كنت عايزة مانجة....
تطلع لها بدهشة من طلبها الغريب ولكنه تفهم حالتها تلك ، فهتف بمرح :
- ده الوحم صح؟؟
اجابته مُبتسمة :
- ايوة..دى طلبات ابنك او بنتك مش انا
تمتم بسخرية :
- اه منا عارف
ثم استطرد قائلاً بتفكير وهو يعتدل بجلسته على الفراش :
- بس فيه مشكلة واحدة بس
انكمش وجهها بتعجب فتسائلت :
- مشكلة ايه؟؟
اجابها بسخرية :
- ان مفيش مانجة فى الشتا
جلست بجانبه وهى تقول بترجى :
- اتصرف يا "ادهم".. يرضيك ابنك يصحينى فى نص الليل عشان عايز مانجة وانا ما اجبهالوش؟!!
"ادهم" بمزاح :
- لا ميرضينيش
ثم نهض قائلاً وهو يتطلع لها بحب :
- هنزل يا ستى اجبلك اللى عايزاة
توجه ليبدل ملابسه وبعد ذلك قام بتوديعها وغادر المنزل ليحضر لها ما ارادت..
بعد ثلاث ساعات...
قام بفتح الباب وولج للداخل وبيديه الاكياس.. اتجه لغرفتهم فوقف محله بإستغراب عندما وجدها مستغرقة فى سبات عميق..
وضع الاكياس اعلى المنضدة واتجه ناحيتها موجهاً حديثه لها بتعجب :
- "مليكة" انا جبتلك اللى عايزاة..مش هتاكليها؟!!
فتحت اعينها بنعاس ونظرت اليه وقالت بخفوت :
- جبت ايه؟
تحدث بذهول :
- هو ايه اللى جبت ايه؟!..مش قولتيلي عايزة مانجة؟
ووضع الاكياس امامها، فتطلعت لها بإشمئزاز قائلة وهى تعود لنومها :
- لا مليش نفس انا عايزة بيتزا
طالعها بذهول مما تتفوه به وبداخله يقسم بأنها ستصيبه بالجنون حقاً..!! 
********__________********__________********
ده اقتباس تصبيرة لحد ما نكمل باقى الرواية 🤎 والفصل الجاى هينزل يوم 15/6 عشان اكون خلصت امتحانات وافضي للرواية 😘❤❤