سكن البنات

البارت السابع عشر

هيثم برجاء ... عندك حق فى كل كلمه بتقوليها وعايزه تقوليها مش هنكر و عارف انى انسان وضيع وكلمة انسان كتير عليا  بس ارجوكي يا دكتوره انا عايز اعرف دلوقتى الحل انا مش هاقدر اتخلى عن اميره ولو ابني حصل له حاجه اميره هتدمر بجد ، احنا لازم نشوف حل ثاني وانا مستعد اعمل اي حاجه مستعد اقلب البيت كله مستشفى عشان خاطرها وحضرتك تفضلي تتبعيها ، قولي اي حاجه انا مستعد اعمل اي حاجه اسفرها بره المهم تبقى اميره كويسه وابنى يكون كويس اللى عايزاه حضرتك بس تساعدينى ارجوكى

الدكتوره بعد ان احست الصدق من عينيه..... بص يا استاذ هيثم الحاجه الوحيده اللي اقدر اعملها معك دلوقتى ان احنا نحاول نخلي اميره على قد ما نقدر انها تبقى كويسه لغايه ما تكمل الشهر الثالث وبعد كده هنعمل لها عمليه غرزه وبرده بعد ما تعمل عمليه لازم تبقي مرتاحه خالص المطلوب منك ان انت تحاول توفر لها الراحه على قد ما تقدر وتبعدها عن اي توتر وتبعدها عن اي زعل و لو انت هتقدر تعمل كده انا مستعدة اساعدك بس خلى بالك الموضوع مش سهل

هيثم.... انا مستعد اعمل اي حاجه عشان خاطرها انا عايزه اعوضها باي طريقه كفايه الحزن اللي انا سببته لها وكفايه القهر اللي هي كانت في بسببى انا تحت امرك يا دكتوره شوفي ايه المطلوب وانا معاكى و دلوقتى هبعت حد تبعى يأخذ منك كل الطلبات وهجهزها على طول

الدكتورة... تمام يا استاذ هيثم لأن التأخير مش فى صالحنا نهائى

☆☆☆☆☆☆☆☆☆

استمر يوم أبطالنا على هذا الحال ياسين يطمئن على اخيه من الحين الى الاخر وهيثم يطمئن تاره على ادهم وتاره علي اميره ، اما اميره قد اقنعتها الدكتوره بانها يجب انت تظل في المستشفى يومين واتفقت مع هيثم علي الاحتياطات و اعطته التعليمات اللازمه لكي يهيئ منزله لاستقبال اميره و حالتها الصحيه

وفي صباح اليوم التالي

وصلت همس الى مصر لم ترتاح لحظه وتوجهت الى المشفى لكي تطمئن على ادهم دلفت اليه وهي في حاله خوف وذعر خوفا من ان تفقده مره اخرى اقتربت اليه ولكنه كان نائما التقطت يده بحزن وألم  وجلست بجانبه وتذكرت ما حدث من قبل

فلاش باك من ست شهور
كانت في اجازه العام الدراسي  والتقت مع ادهم بصدفه مقصودة من ترتيبها بعد أن شعرت بشئ ينمو بداخلها فى هذا الغياب ليكشف لها خبايا القلب المدفونة

ادهم باشتياق ... ازيك يا همس عامله ايه بقالى فتره ما شوفتكيش مبسوطة ومرتاحة فى حياتك الجديدة

همس... الحمد لله يا ادهم انت عامل ايه ، انا بحاول اتأقلم وانت عارف كان لازم أبعد عشان اعرف أقيم كل الأشخاص اللى فى حياتى ، بس صحيح لسه زعلان مني يا أدهم

ادهم بمحبه.... ما اعرفش ازعل منك ابدا يا همس و لو حاولت مش هقدر غصب عنى

همس ..... انا مش عارفه اشكرك ازاي يا ادهم بس صدقني انا في حاجات كثيره تغيرت جوايا في حاجات ما كنتش شيفاها شفتها لما بعدت فعلا في حاجات بتبقى قدام عينينا مبنحسش بقيمتها غير لما بنبعد عنها و ده اللي حصل معايا يا ادهم كأنى كنت فى غيبوبة و تصرفات الطفولة مسيطرة عليا بس الحمدلله انا اتغيرت و حاجات كتير اتغيرت

ادهم بمكر.... قصدك ايه يا همس بحاجات كتير اتغيرت زى اى مثلا

همس بخجل ....انت فاهم قصدي يا ادهم بس صدقني انا عارفه انك تستاهل افضل منى و مش بقولك الكلام ده عشان تعطف عليا بس بجد يا أدهم انا ندمانة  وانا هحاول اكون الافضل اللى انت تستحقه بس يا ترى هتستناني يا أدهم و لا فرصتى خلصت خلاص و المفروض اتعاقب

ادهم بلهفة ... اكيد اكيد يا همسه هستناكى و  انا متأكد انك اتغيرتى و صدقيني انا هافضل جنبك على طول مهما حصل و هكون اسعد انسان فى الدنيا لما اشوفك ناجحة

همس ....عارف يا ادهم مش فاهمه ازاي كان قدامي وقصاد عيني اللي بيحبني وبيخاف على وما عرفتش اشوفه ازاي ما شفتش الصدق اللي في عينيك بس صدقني كل حاجه هتتغير القدر بيلعب معانا لعبة غريبة بس انا اكتر حاجة فرحتنى ان كان فى قدرى أميرة تكون أعز اصحابى وانت تكون ...

ادهم.... انا اى با همس كملى

همس بخجل .... انت عارف يا أدهم الله

أدهم.... انا مبسوط قوي قوي ان انتى اتغيرتى للاحسن

همس... وانا كمان مبسوطه بالتغيير واكيد ماما الله يرحمها لو كانت عايشه كانت هتبقى مبسوطه قوي الفضل كله يرجع لربنا ثم اميره انا مش هاقدر انسى جمايلها عليا ابدا وبجد اميره دي ملاك و كان نفسي هي وهيثم يفضلوا مع بعض على طول هى الوحيدة اللى كانت هتقدر تعدله و تغيره زى ما عملت معايا

ادهم ....للاسف ياهمس حكايتهم انتهت بعد ما اميره اتخطبت لواحد ثاني خلاص مبقاش فى مجال كلها أمانى و انتهت

همس... انا مستغربه اى اللى يخليها ترتبط بحد ثاني بعد ما وافقت على هيثم و كمان انا متأكده انها بتعشقه مش بتحبه

ادهم بضيق..لان اساسا من البدايه كان في حاجه غلط كان لازم هيثم يصارحها بكل حاجه وكان لازم يقولها على علاقته باختها قبل ما يعرفها كان لازم كل حاجة تبقى على نور يا همس اللى بيتبنى على الباطل عمره قصير

همس... بس انا عارفه انا بقول لك ايه العلاقة بين هيثم ورحمه كانت علاقة من طرف واحد وياريت كانت حتى من طرف واحد هيثم كان لسه صغير وكان لسه شايف ان كل حاجه تعجبه لازم تبقى ملكه وبتاعته لوحده يعنى عند مش حب الوحيده اللي حبها هيثم بجد هي اميره وانا متأكدة من كلامى ولازم هى تفهم الكلام ده

ادهم.... خلاص يا همس هنعمل ايه ده اللي حصل حصل و بلاش ندخل مش عايز اكلمها و انا الصراحة مستحيل اضمن هيثم نهائى

همس.... مش عارفه يا ادهم بس حاسه ان في حاجه غلط بكره الايام هتثبت لك كلامى وان انا اللى كلامى صح بس خايفة الأيام تثبت بطريقة بشعة ربنا يستر يا أدهم

ادهم ....المهم دلوقتى خلي بالك من نفسك ياهمس و خليكى عارفة ان أدهم هيفضل فى انتظارك على طول اما بالنسبة لأميرة و هيثم مش هكذا عليكى اه اتمنى أميرة  تكون من نصيب هيثم بس الصراحة اخاف عليها من غدر هيثم

همس... خلاص بقى يا أدهم خلينا فى أدهم و همس دلوقتى احنا اتقابلنا بعد فترة كبيرة

أدهم... و أوعدك على طول اكون فى انتظارك بس لازم اكون اول واحد يعرف هتنزلى امتى

همس بمحبة... اكيد طبعا انت اول واحد لازم اشوفه اول ما ارجع يا....

أدهم... يا اى ؟! انطقى

همس بمداعبة... لما ارجع اقولك

انتهى الفلاش باك