أميرة بتعب و وهن ... انا فين ؟! ايه اللى حصل ؟! و ابنى كويس
الدكتورة.. اهدى يا اميرة انتى تعبتى ونقلناكى هنا
أميرة... بس ابنى كويس صح يا دكتورة
الدكتورة... انا قلت لك من البداية أن الحمل صعب يا أميرة و انتِ مش هتستحملى الحمل
اميرة بعند ... انا كويسة يا دكتورة مفيش حاجة صدقينى
الدكتورة بحزن ... لا يا اميرة انتى تعبانة وحياتك فى خطر والحمل صعب يكمل لازم تعملى إجهاض عشان كده انتى بتنتحرى يا بنتى
أميرة بخوف... ارجوكى يا دكتورة انا مش عايزة اخسر ابنى انا هعمل اى حاجة بس ابنى يبقى بخير مش مهم حياتى المهم هو ارجوكى هو آخر أمل ليا فى الدنيا
هيثم بحزن و هو يقترب بعد أن فقد السيطرة فى الصمود وعدم الاقتراب ... الدكتورة عندها حق يا اميرة حياتك فى خطر و كده انتى بتموتى نفسك
أميرة بانهيار... انت إللى قلت لها تقول لي كده مش كده انطق ابوس ايدك يا هيثم بلاش ابني انا استحملت كل حاجه عشانه، بلاش ابنى انا لو ابني جراله حاجه انا هاموت ده الحاجه الوحيده اللي انا عايشه عشانه حرام عليكم عايزين تحرموني من اخر امل لي في الدنيا انتم بتعملوا كده ليه انا عملت لكم اى عشان تعملوا فيا كده ، اسمع يا هيثم انا مستعدة اعمل اي حاجه اى حاجة استنى انا مش عايزه منك حاجه اساسا مش عايزه حاجه والله و مستحيل فى يوم من الأيام هقولك حاجة بس كله الا ابني سيبوا لي ابني بالله عليك لو لسه فى قلبك رحمة شوية
هيثم بوجع أقترب منها وضمها لم يستطع ان يمنع دمعه من الأنسياب وهو يلعن نفسه ألف مرة فهو السبب الأكبر فى حالتها و قال بحنية... اهدى يا اميرة محدش هيأخذ ابنك منك وابننا ان شاء الله هيفضل موجود اطمنى بس و اهدى عشان كل ده هيأثر بالسلب
أميرة ببكاء... اوعدنى يا هيثم أوعدني تحافظ عليه
هيثم بحب ... اوعدك يا حبيبتى أحافظ عليه ويكبر بينا و...
لم يكمل كلامه بعد أن دفشته أميرة بعيدا وقالت... انت تانى بتوعدنى اطلع بره يا هيثم اطلع بره انت السبب انت السبب و....
لم تكمل كلامها من آثر المهدئ الذى أخذته لتغرق فى أحلامها مرة أخرى
هيثم نظر للدكتورة بوجع و قال برجاء... الحل يا دكتورة اى
الدكتورة بشك... هو حضرتك مين ؟ ممكن اعرف
هيثم بخجل... انا زوجها بس كان فى مشاكل بينا و اخويا اللى فضل معاها عشان يحميها عشان كده هى رافضة وجودى
الدكتورة بضيق.. انا فهمت دلوقتى سبب حالتها النفسية المتدهورة على طول و أن العلاج بيبقى مؤقت معاها لأن الحالة الجسدية من الحالة النفسية و واضح انها عانت كتير
البارت السابع عشر
Start from the beginning
