Unicode
အလွန်လှပတဲ့ နှစ်ထပ်တိုက်အိမ်လေးရှေ့သို့ ရောက်လာတဲ့အခါမှာတော့ အဖြူရောင် ကားလေးတစ်စီးရပ်တန့်သွားပြီး ကားပေါ်မှ အမျိုးသားတစ်ဦးနှင့်အတူ ခွေးလေးတစ်ကောင်ကို ပွေ့ပိုက်ချီထားသော အမျိုးသမီးတစ်ဦးတို့ ဆင်းလာကြလေသည်။
ခွေးလေးကတော့ ဝိုင်းစက်နေတဲ့ မျက်လုံးလေးနဲ့
ဟိုဒီတောင်မြောက်ကြည့်ငေးရင်း နေရာသစ်အား စူးစမ်းလျက်အနေအထားဖြင့် ။ကျွန်တော် ဘယ်ရောက်သွားတာလဲ ...
မဟုတ်မှလွဲရော
ဒါ... ဒါ ... ကျွန်တော်နေရမဲ့ သခင်တို့ရဲ့ အိမ်လား ။
Wow... မိုက်တယ် ။
သဘောကျလိုက်တာ လွန်ပါရော ။လှပလွန်းတဲ့ ခြံဝန်းကျယ်ကြီးထဲ
ခုန်ဆင်းပြေးလွှားဆော့ကစားချင်စိတ်ကလဲ
တဖွားဖွား ။သခင်မက ကျွန်တော့်ကို သူ့ရင်ခွင်ထဲ ပိုက်ထွေးထည့်ထားရင်းနဲ့သာ အိမ်ထဲသို့ ဦးတည်သွားနေတာမို့ အသာငြိမ်နေခဲ့ရတာ ၊ မဟုတ်ရင် ခုချိန်ဆို မြက်ခင်းစိမ်းစိမ်းတွေရှိတဲ့ ကွင်းပြင်ကြီးနဲ့ အပင်စုံရှိရာ ဤခြံဝန်းထဲ အနှံ့ ကျွန်တော် ပတ်ပြေးပြီးနေလောက်ပြီ ။
ခုနကတော့ ကျွန်တော့အရင်နေရာဟောင်းဖြစ်တဲ့ Pet Shop ဆိုင်လေးထဲကထွက်တော့ အိစိအိစိနဲ့ ရွေ့နေတဲ့ ဟာကြီးပေါ်တက်ထိုင်ပြီး မကြာခင်ပဲ အခုနေရာအသစ်ကို ရောက်လာခဲ့တာ။
အဲ့ဟာပေါ်ထိုင်နေတုန်းကတော့
ကျွန်တော့်သခင်မက မေးနေတာ ကြားမိတယ်။"အခုမှ ပထမဆုံး ကားစီးဖူးတာဖြစ်မယ်...
ကားစီးရတာ ပျော်လား" ... ဆိုလားပဲ ။ကြည့်ရတာ အဲ့ အိစိအိစိကြီးကို
ကားလို့ ခေါ်တယ် ထင်ပါတယ်။အဲ့တာဆိုရင်တော့ ကားစီးရတာ
တကယ် သဘောကျတယ်။အဲ့ပေါ်မှာ ထိုင်ပြီးလိုက်လာရင်း အပြင်မှာ သွားလာလှုပ်ရှားနေတဲ့ လူတွေ ၊ မြင်ကွင်းအသစ်တွေ အားလုံးကို တွေ့ခဲ့ရတော့ စိတ်ဝင်စားစရာ ကောင်းတယ်။
အခုချိန်ကစပြီး ကျွန်တော်နှစ်သက်တဲ့အရာထဲမှာ ကားစီးခြင်းလဲ ပါတယ်လို့ ထပ်တိုးမှတ်ယူလိုက်ပြီ။
YOU ARE READING
Tannie In Love [ Completed ]
Short StoryTannie ပြောပြမဲ့ အချစ်ဇာတ်လမ်းလေး တစ်ပုဒ်ကို သိချင်တယ်ဆိုရင်တော့ မင်းကို ဒီစာအုပ်လေးကနေ စောင့်မျှော်နေပါတယ် ....။ Tannie ေျပာျပမဲ့ အခ်စ္ဇာတ္လမ္းေလး တစ္ပုဒ္ကို သိခ်င္တယ္ဆိုရင္ေတာ့ မင္းကို ဒီစာအုပ္ေလးကေန ေစာင့္ေမ်ွာ္ေနပါတယ္ ....။ Main Character ~...