" මගේ පුංචි සුරංගනාවී...ඔයා කොහෙද ඉන්නේ..?මම දන්නවා මම කලේ ලොකු වරදක්.මට එකම එක අවස්ථාවක් දෙන්න...ආයෙම රිදවන්නෑ කවදවත්ම.."
මම මට ම මුමුණන ගමන් පාක් එකේ කොනක තිබුන ලී බංකුවක වාඩි උනා...සුදු පාට හිමෙන් වැහිලා තිබුන පාර්ක් එකේ සීතලට තුරුල් වෙලා යන ආදරවන්තයින් දැක්කහම මටත් නොදැනීම මගෙ හිත අතීතෙට දිව්වා..
" ජන්ගුක් ඇත්තටම මට ආදරෙයි නේද..?"
" දේ මැණික....මාව විස්වාස නැද්ද...?"
" අනී....ගොඩක් විස්වාසයි..."
" පොරොන්දු වෙනවද කවදාවත් මාව අතාරින්නෑ කියලා..."
" ප්රොමිස්..කවදාවත්ම අතාරින්නේ නෑ..."
මුලු හදවතින්ම මාව විස්වාස කරලා, මගෙ ලඟ උනුහුමට ගුලි උන මගේ මැණිකව මතක් වෙනකොට මගේ පපුව පැලෙන්න තරම් වේදනාවක් දැනුණා...අතීත මතක අස්සේ ගිලිලා ඉදපු මම එකපාරටම ගැස්සිලා පියවි සිහියට ආවේ නොදන්න නම්බර් එකකින් ආපු කෝල් එකක් නිසා...ඒ හනා වෙන්න කියලා හිතින් සිය දහස් වාරයක් හිතන ගමන් මම ෆෝන් එක ආන්ස්වර් කලා....
" යොබොසොයෝ.....? "
මම කතා කලත් එහාපැත්තෙන් කිසිම කෙනෙක් කතා කලේ නෑ..
" යොබොසොයෝ....? "
මම කීප සැරයක්ම කතා කලත් අනිත් පැත්තෙන් කිසිම ප්රතිචාරයක් ලැබුණේ නෑ...ඒත් එකපාරටම පුංචි ඉකියක් එක්ක ඇහුන හුස්ම හෙලන හඬ නිසා මම තේරුම් ගත්තා ඒ ඉන්නෙ හනා කියලා..
" මැ.....මැණික...ම...මගෙ මැණික..."
මම කතා කරනකොට හනා මහා හයියෙන් අඬන්න පටන් ගත්තා...මම එතනින් එහාට වෙන මුකුත්ම නොහිතා ළඟ තිබුණු ටැක්සි එකක නැග්ගා...
"මැණික...ඔයා ඉන්න තැන කියන්න.මම එනවා..මම එන ගමන්..මට ඉක්මනට කියන්න...අඬන්නෙ නැතුව ඉන්න තැන කියන්න මැණික.."
" ම...මම...මම ඉන්නේ මෙල්බර්න් වලමයි ජන්ගුකා....ඔයාට පුලුවන්ද ෆිට්ස්රෝයි පාක් එකට එන්න....මම එතන ඉන්නේ..."
" එන්නම් මැණික එන්නම්...ඔතනම ඉන්න.."
කෝල් එක කට් කරලා ඩ්රයිවර්ට යන්න ඕනි තැන කීවම ඩ්රයිවර් මාව විනාඩි 5 කින් විතර පාක් එක ලඟට එක්කගෙන ආවා...පපුව ගැහි ගැහී මම වාහනෙන් බැස්සේ කියාගන්න බැරි හැඟීම් ගොඩක් හිතෙ හිර කරගෙනයි...වාහනෙන් බැහැලා මම මුලු පාර්ක් එක පුරාම ඇස් යැව්වේ මගේ සුරංගනාවි ඉන්නෙ කොතනද කියලා බලන්න. සීසීකඩ දුවපු ඇස් එකපාරටම මට හුරු පුරුදු ඇස් දෙකක් ළඟ නතර උනා..කඳුළු බෝල පුරවගෙන මා දිහා බලාගෙන ඉන්න හනා දැක්කම මට දැනුනේ වාවගන්න බැරි වේදනාවක්...
YOU ARE READING
🍂 Mr.JK 🍃 || JJK ||( Completed )
Fanfiction"වෛරයෙන් මත් වුන සෙල්ලක්කාර ආදරවන්තයෙකුගේ සෙනෙහෙබර ආදර කතාව..."🖤🥀 "වේදනාවට පුලුවන් ආදරණීය හදවතක් අමු අමුවේ මරලා දාන්න.හරියට JK , ජන්ගුක්ව මරලා දැම්මා වගේ 🍃🍂"
පසුවදන
Start from the beginning