صغيرة فى عالم الأغنياء

الفصل _السادس عشر

إميرة بإبتسامة : هو انت متعرفش معقولة ...رودينا اللى عملالى مؤدبة كانت عند الظابط زين بس اللى قاله يبقى ...أنا
كان برا البيت وأول ما شوفت رودينا خارجة من القصر أتصلت فورا بجاسر وقولتلة ...واكيد فاهم الباقى

محمد : لو هو شافها ازاى جات قبله البيت

اميرة : هيا أعتقد كده استخبت منه هناك ولما خوفها اعترفت ...بس مين اللى خنقها كده متقوليش جاسر

محمد بفخر : جاسر ده اى ....حد تانى تفتكرى مين بيكرهها قدى

أميرة بفهم : أها فهمت ... انت اللى عملت كده

محمد : اه فهمتى بقا المهم هنعمل اى عشان نخفى كل ده لو رودينا عاشت احنا هننتهى

أميرة : انت اللى هتنتهى انت و

قاطعتها هنا بحده : اميرة يا تقولى حل يا تسكتى

أميرة : اممم أعتقد لازم تموتوها قبل ما تصحى وتتكلم

محمد : فعلا لازم تموت ...انا هروح المستشفى

هنا : وهتعمل اى

أميرة : لاء أستنى مش انت اللى هتروح لها او انا ..انتى يا طنط هتروحى لأنك ملكيش عداوة مع رودينا ووقت ما جاسر ينشغل تموتيها

محمد : صح معاكى حق يا اميرة من امتى كنتى ذكية كده

أميرة : انا دايما ذكية يلا روحى

هنا : اوكيه

أتجهت هنا للمستشفى وأوقفها الجد قائلا : استنى يبنتى انا كمان هاجى معاكى

هنا بإبتسامة مكلفه : حاضر يا عمى

وأتجها الجد وهنا للمستشفى حيث رودينا

اما فى جانب أخر

توقف معتز بسيارته امام عمارة قديمة فى منطقة شعبية وكانت جنة بجانبه

معتز : هيا دى العمارة

جنة : أيوا عليك نور هيا دى ... تشكر انا هطلعلهم

معتز : طيب روحى

جنة بهمس : حتى مفيش افتحلك العربية اى قله الذوق دى

معتز : اى هنفضل لبكرا ولا اى مش كفايا وصلتك بنفسى

جنة : مكنتش عاوزاك توصلنى بنفسك اصلا الطريق كله خنقه معاك ...ييييى انت عقد

معتز : تماام نرجع تانى

وكاد ان يمشى بسيارته لكن أوقفته عندما وضعت يدها على يده لينتبه ليدها ...سحبها بسرعة وخجل

جنة : انا اسفة بس اوقف هنا متمشيش هنزل تماام

معتز بعصبية : يلاا روحى

جنة بخوف : حاضر

صعدت جمة لشقتها وما إن فتح الباب وجدت رجل خمسينى يشرب الخمر وينظر عليها بتفحص وهو رضا ...نظرت له جنة بإحتقار شديد