Door of Happiness (Agravante Series #1)

KABANATA 30

"Pasensya na po sa nagawa kong gulo..." ako na ang naunang nagsalita. "Hindi ko po sinasadya--"

"Oh come on! Wag ka nang magpa awa. Pumunta ka talaga rito para manggulo!" putol ni Elizabeth sa akin.

"Eli..." marahang boses ni Michelle.

Yumuko ako. Alam ko naman na may kasalanan rin ako. Dapat hindi ko na siya pinatulan. Dapat nanahimik nalang ako at umalis. Wala na sanang nangyaring gulo. Hindi ko sana nasira ang party na ginawa ng mga Agravante. I'm sure they will have problems in the media because of me.

"See? Natahimik ka. Kasi totoo!"

Amelia smirked.

"That's enough, Elizabeth," Theodore Agravante said in a calm but also cold voice.

Natahimik si Elizabeth at matalim nalang ulit akong tinitigan.

"Cassandra, hindi ko gusto ang nangyari ngayon. Everything went awry and now the party can't go on," si Theodore.

Nangilid ang luha sa mga mata ko at tumango. "Pasensya na po..."

"Anong magagawa niyang sorry mo? Sira na ang party ko. Sinira mo!"

"Elizabeth," mariin na ang boses ni Theodore Agravante.

"Ano ba ang ginagawa mo rito, Cassandra? Why did you come here?" tanong ni Marvino Agravante, hindi ko inasahan na magiging marahan ang kanyang boses sa akin.

Magkatabi sila ni Pauline Agravante. Nakatitig sa akin si Pauline at kahit gusto ko rin siyang titigan pabalik, natatakot akong baka makita ko rin sa kanyang mga mata ang galit dahil sa ginawa ko.

"G-Gusto ko lang po sanang makita ang party na... gaganapin... W-Wala po akong balak manggulo k-kaya pasensya na po kung--"

"Walang balak manggulo? Eh, ano itong ginawa mo, huh?" si Elizabeth ulit.

"Eli," si Louissa.

"Ginulo niya ang party ko, Issa. Sinira nya! At tinulak niya pa ako! Siya pa rin ba ang kakampihan mo? Ninyo?!"

"I didn't do anything to you. Hindi kita tinulak," singit ko at nag angat na ng tingin sa kanya.

"Will you please stop this?" nangibabaw ang boses ni Kylina Agravante.

Napatingin ako sa kanya.

"Gusto naming makipag usap ng maayos kaya sana maging maayos ka rin, Cassandra."

Yumuko ako.

"You messed up Elizabeth’s party and you even pushed her. What if something bad happened to her, huh?"

"Hindi ko po siya tinulak..." umiling ako.

"Sinungaling! Nagsisinungaling siya, tita! Tinulak niya ako!"

Kinagat ko ang labi ko at mas lalo pang nangilid ang luha sa mga mata.

"Gusto mo lang masira ako sa pamilya ko kaya mo ito ginagawa. Gusto mong lumabas akong masama para magalit sila sa akin at ikaw ang paniwalaan nila!"

"Hindi ko gagawin iyan," nag angat ako ng tingin sa kanya. "Ikaw mismo ang gumawa niyan sa sarili mo!" pilit kong sinabi kahit sobrang nanginginig na ang boses ko.

"Shut up! You're just messing with our family! You just want to be in my place kaya kung ano anong kasinungalingan ang sinasabi mo! Mom! Dad! Please! Let's stop this nonsense! Wag kayong maniwala sa babaeng yan dahil ako naman talaga ang tunay niyong anak! Bakit ba pinagdududahan niyo ako?"

Her voice broke, she was crying too. Tumulo ang aking mga luha sa lahat ng galit at sakit na nararamdaman habang pinagmamasdan siya.

"Naniniwala kami sayo, hija. Of course you are our family. Hinding hindi namin paniniwalaan ang babaeng iyan," si Kylina.