The Last Petal

Chapter 11

"Yeah," tipid kong sagot sa kaniya. Hindi ko alam kung ano pa ang dapat kong isagot o sabihin sa kaniya. "I thought you hate someone giving you flowers." Lumingon ako sa kaniya pagkatapos niya itong sabihin.

"You hated me because of that but Enzo is an excemption? Pati na rin ang lalaking kakabigay nun sayo?"

Naningkit ang mga mata ko sa sinabi niya. Don't tell me nagseselos siya? Imposible naman siguro dahil wala namang namamagitan sa aming dalawa. Pero hindi ko ito naiwasang itanong sa kaniya.

"Nagseselos ka ba?" Lumingon siya sa akin at masama ang binabato niyang mga titig. Sabi ko na nga hindi eh. "Why would I? I just find it unfair." Naramdaman kong huminga siya ng malalim at pinaharurot ang kaniyang sasakyan.

Paano kung sabihin kong gusto kong makatanggap ulit galing sayo?

Nakasimangot akong lumabas ng sasakyan at dumiretso sa maraming tao. Hindi kami nagpapansinan ni Kean simula ng sumbatan namin kanina. Sabi ko na nga ba, masisira ang mood ko ngayon at hindi pa nakakalahati ang araw.

Nakisalamuha kami sa mga tao pagkatapos naming magperform ni Cel. Mas lalong umingay ang mga tao nang tumugtog na ang White Rose. Napansin kong nagsilapitan din ang mga iba at dumami ang nanonood.

"Hi, ate. Ang galing niyo po pala kanina." Nilingon ko ang batang babaeng may hawak-hawak na camera. Lumuhod ako at hinaplos ang buhok niya, "Salamat. Gusto mo rin bang tumugtog ng ganun?"

Tumango siya at inilahad ang camera niya kaya kinuha ko agad para magpicture kami. "Ate, ano po pangalan niya? Magaling din siya tsaka gwapo rin." Itinuro niya si Kean na nasa stage.

"Siya si kuya Kean at ang pangalan ng banda nila ay White Rose." Pinisil ko ang pisngi niya at nginitian siya. Ang cute cute niya kasi. Ilang sandali pa ay natapos na silang tumugtog kaya tumakbo agad ang bata palapit sa kanila.

"Kuya Kean, pwedeng papicture?" Naglakad ako papalapit sa kanila at lumuhod si Kean habang nakahawak sa balikat ng bata. "Paano mo nalaman ang pangalan ko?" Nakangiting tanong niya sa bata kaya agad akong hinanap ng bata at itinuro ako, "Si ate na maganda po."

Nagkatama ang mga mata namin ni Kean habang papalapit ako sa pwesto nila. Binawi niya agad ang tingin bago niya nginitian ang bata at tumango.

Tsk. Ano? Galit siya dahil sinabi ko ang pangalan niya sa bata? Sulpado talaga!

Iniabot ni Kean ang camera kay Dylan at kinuhanan niya sila ng litrato. Ilang saglit pa ay narinig akong tinatawag ng bata. "Ate! Sama ka, idol ko na po kasi kayong dalawa eh." Nanlaki ang mga mata ko at itinuro ang sarili ko.

Jusko, itong bata talaga, hindi ko alam kung ano ang binabalak niya. Wala na akong magawa kundi lumapit at tumabi sa kanila. Sa gilid ng mata ko ay nakita kong nakatitig si Kean habang yumuko ako para sa bata.

"Say cheese!" Nagulat ako dahil biglang hinila ng bata ang braso ko palapit sa kaniya at gayundin ang ginawa niya kay Kean.

Pagkatapos, umayos ako agad ng tayo at ginulo ang buhok ng bata bago niya nilapitan si Dylan para tingnan ang litrato. Kean cleared his throat kaya nailang ako at inayos ko ang damit ko. Awkward!