يوم جعل حياتي جحيم

الُبْآرتٌ 38 ﴿ مفاجئه ﴾🥳

# يوم جعل حياتي جحيم
# حنين الموسوي
# بارت * 38 *

مهاا::// طبعا بقيت بغرفت عمتي بالعشر ايام حيدر خايف عليه حيل مايقبل اتحرك ابد وخبلوني بالاكل
كل شويه وجايبيلي اكل شكل وني كوه اكل كرهت الفاكهة عله اطلاقهة وهمه يجبرون بيه كوه
مرت لأشهر وصرت بالثامن  وبطني صارت گربونه هههه
طلعت حامل بولد الحمد لله
وطول هاي السبع اشهر اكلاص الماي مايخلني اشيله
والدرج اذا انزل الصبح بعد ما اصعد لليل
رحت جهزنه لابني غراض كومه وسويناله غرفه اله تخبل جهزناهة من كلشي

بس الصراحه من راحت ام علي
لليوم عايشين احله حياة
لامشاكل لا اي شي كلمن مصافيه وي رجلهة جانت ام علي حايستنه حوس

طبعا ام علي تغير وضعهة اهواي
حيدر سجل بيته الي بالحله بأسمهة
وكعدت بي علمود  تصير قريبه عليهم يرحون ويردون عليهة يحبونهة حيل وعدهم محنه عله اخواتهم مو طبيعيه مصرفه هيه وجهالهة وابنهة
عله اخوتهة جابولهة وحده  تساعدهة بالبيت وهيه عليهة بس
رجلهة بس بعد ابد ماشفناهة ملتهيه بيهم
بس همه يرحون ليهة

وبهاي الفتره شفت اهتمام حيدر بي مثل اهتمام ام لبنهة ايخاف عليه من نسمه الهوه
احس اني طفله يمه
الحمد لله والشكر الله ماقصر وياي
عوضني بحيدر واهله

مره جنه العصر كاعدين نشرب جاي
ندك الباب كام رسول فتحه تفاجأنه بأم علي اول تالي خفنه عبالنه عدهة شي
طبت سلمت علينه وكعدت مدنكه متغيره هواي رايح نص منهة وصايره سمره وضعيفه خطيه ضجت عليه مدنكه

حيدر::// هااا خويه ام عليوي أمرني محتاجه شي

ام علي؛؛// اي ولله خويه جايتكم بشغله

حيدر:://أمري خويه مكضيه ان شاءالله

سيف::// كولي ام علاوي عيونه كدامج

ام علي:://رحمله والديكم ماتقصرون ونعم لاخوه ابد ماقصرتوو وياي
رفعت عيوني باوعت المهاا وبجيت

ـ خويه حيدر وني الصار بيه وبرجلي وبأبني هاذه الله عاقبني
اني جابني تأنيب الضمير خويه اني جايه المهاا اريدهة تسامحني وتبريلي الذمه اني ضلمتهة هواي ماخفت الله بيهة هاي يتيمه وطفله
اني تكابلت وياهة وأذيتهة وسويتلهة هواي مشاكل سامحيني مهاا طلعت حوبتج بيه كلهم حذروني بس اني ماتبت لمين هسه الله عاقبني اهئ  اهئ  اهئ 

مهاا:://ضجت عليهة حيل مكسوره خاطر وتبجي ومدنكه راسهة حيل متغيره الدنيه هيه التكسر الوحد جنت كاعده يم هاجر كمت ليهة كوه امشي بطني حيل جبيره
كعدت بصفهة وحضنتهة

ـ ليش ادكولين هيج خيتي شاهد الله مافد يوم شلت بكلبي عليج ولا كرهتج وداعت ابني الماشيفته عيني مبريه الف ذمه ليش ادكولين هاي مو حوبه بالعكس هاذه امتحان من رب العالمين انتن اخواتي احبجن عله حب حيدر لاتبجين خيتي كولي يالله الصار بعد راح وانتهة.