يوم جعل حياتي جحيم
« بقلم حنين الموسوي»
(( البارت 8 ))
مها : وره ماصاح للشرطي وگللهم ياخذوني السجن انفرادي اخذوني ودخلوني بغرفه وحدي صح خفت لان اول مره ابقه بمكان وحدي بس ع لاقل محد يضربني ومايعذبوني وخلصت من عدهن اووف
الحمد لله بس ياربي شوكت اطلع واخلص من هاذه الجحيم اووف يايمه شصاير بحالكم هسه جعدت ابچي بحرگه گلبي
ام مها : وره ما اخذو بنيتي للسجن عشنه اسوء ايام بعمرنه اني تهسترت ضليت بس اراقب الي يروح واليجي بلكت تطب عليه بنيتي صار بيه سكر ابو مهاا نجلط جلطه بالدماغ وصار ممدود ب الفراش اني ما اعرف شسوي احتار بي مدري احتار بروحي مدري احتار ببنيتي صارلهة شهرين ما اعرف احوالهة ابني أمير بعد مايطلع للشغل الوادم تحجي عليه وتعيره بأخته
زهوره عافت المدرسه وجعدت حته مسواك ماعدنه ام قصي بعد ماتكدر تجيني رجلهة منعهة عنه ادمرت حياتنه وصرنه نتمنه الموت .....
حيدر : بعد ماحجيت وياهة وسمعت كل كلامهة اقتنعت بيهة لان هيه وحده فقيره حته ماتعرف تحجي امبينه أصلا ماطالعه ولا منجمعه بناس تحجي وترجف والدموع اتصب جانت حيل خايفه من ذني السجينات الي وياهة اني اعرف البنيه من تدخل السجن خل تغسل ايدهة عله شرفهة بس هيه مو مثل البقايات بس تبجي وتريد تطلع من السجن لاواحد يتقربلهة بعدين خليتهة بسجن انفرادي وحاجيت الكل الي اسمع بي داخل اعليهة او متقربلهة انفي وخليت عله السجن شرطيات بس اذا طلعت بكلمه وحده مكذبه عليه قسماً بالله اسحب ايدي منهة و ارجعهة اخليهة بيدهم وشيصير بيهة خل يصير
بس راح انطيهة هاي الفرصه بس وكون فعلاً تطلع صادقه مو تكذب عليه ....
مها : بقيت بالسجن وحدي اخاف كلش وحته اليل كله اتفزز والخوف ماكلني اكل اضل احلم بس كوابيس واجعد اضل ابجي مشتاقه لمي حيل و لبويه ولاموري وزوزه ومرت لايام هيج لا واحد يدخل عليه لا واحد يجي يضربني ويعذبني ولا حققو وياي بعد بس بوقت لاكل يطوني اكل ويطلعون جنت متأكده العقيد حيدر مراح يعوفني وراح يضل وياي ويساعدني الله هدى عليه وجنت احسب يوم يوم شوكت اطلع واخلص من هاذه جحيمي وهسه صارلي شهرين واني بالسجن صار بالنسبه اليه گبر مو سجن ....
حيدر : ضليت احقق وره القضيه وقررت لازم اعرف منوو الورط مها ومرت العشر ايام بالدوام لمين اجه اليوم لاخير الي بالدوام جنت كاعد بالمكتب اجه الضابط
الضابط : سيدي بعد التحقيق صارلنه عشر ايام نحقق بالقضيه واثناء التحرير شفنه مره بالكامرات قبل لا تدخل التفتيش مرتبكه وخايفه وتتلفت وعدهة شي تحاول تخفي وشكلهة مشتبه بيهة
حيدر : زين وهسه شصار ماحاولتو تقربون الصوره وتعرفون شكلهة زين شكلهة واضح بالتصوير لو لا
الضابط : اي سيدي الصوره حاولنه نقربهة ونحصل عله الشكل ودزيناهه للمكتب راح يحاولون يوضحون الصوره ونشاءلله نكدر نتعرف ونوصل الشي يفيدنه بالقضيه .....
JE LEEST
يوم جعل حياتي جحيم
Overigفتاة بسيطه الحال شاء القدر ليغير حالها وتهب الرياح بما لاتشتهي السفن.. وينتهي بها في مطبات ضيقه ويصعب الخروج منهاا... فتعاني وتعاني لتخرج ع واقع جميل يستحق الجهد والمشقه وهكذا يكون العوض الرباني 🦋
