يوم جعل حياتي جحيم

البارت 28

# يوم جعل حياتي جحيم
# حنين الموسوي
# بارت * 28 *

*

*
يله نبلش ****

مها // نهضمت حيل من فشلتني
ضليت عله وكفتي والدموع تجري
عفتهم وطلعت رحت غسلت وجهي وصعدت للغرفه سمعت عمتي تحجي عليهة وراي
بس ميته من المستحة فشلتني كدام الولد حيدر وحسام
وين ما اروح سوده مصخمه اووف ياربي بس مايهمني مادام حيدر يمي ووياي اتحمل كلشي علموده

ام حيدر // ولله ماتستحين لونج تستحين جان ماحجيتي هاي الحجايه
تتمظحكين مثل الفروخ عيب عليج راح اطخين لاربعين
ولج طفله شمسويتلج ومتكابله وياهة فوك ضيم الله عليهة ولج جان استحيتي من الله هاي يتيمه
ولله انتي الخطار سمعتي مهاا هاذه بيتهة واليحجي چلمه وياهة اكسر ظهره نصين
ماستحيتي من اخيج وكفت الكمه بزردومه حتركت روحه وعاف غديه وراح
وهوه مخبوص خبص عليج من البارحه واليوم بس ما اكول شي بس اكول امده البطن النكلتج

هاجر // عمتي خوش رزلت ام علي رزاله ناشفه بس نقهرت هواي عله مها استحت هاي ثاني مره تفشلهة گدامنه
شكد خبيثه يارسل بعد الله شيسوي بيج وجفين شرج عن الوادم
مارحت وره مهاا عفتهة براحتهة خطيه خليهة تبقه وحدهة شلنه الغده
.... وللمغرب مها مانزلت خطيه تستحي منه اجه حيدر باليل جنه انصب عشه وطب حيدر

حيدر // سلام عليكم

نور وهاجر // وعليكم السلام

حيدر // اكولج ام رسول مهاا وين

هاجر // ولله خويه بغرفتهة بعد ماشفتهة من صعدت الضهر منزلت

حيدر // هاا ماشي

طبيت للبيت ردت احجي وياهة عله حجي ام علي الحجته وياهة الضهر
كالت هاجر بغرفتهة صعدت
صعدت ليهة دكيت الباب

مها // جنت جاعده يم الجربايه ومنتجيه عله الكنتور وابجي اندك الباب عبالي فرح لان اني وياهة جاعدين سوه

مها // مسحت ادموع وكتلهة
... فوتي فرح

حيدر // دخلت لكيت مها كاعده يم الجربايه وجانت تبجي اعيونهة حمر كعدت عله الجربايه وباوعتلهة

احم احم هااا عيني شو مختفيه من الضهر لسه شبيج ليش كاعده هنا وحدج ماتنزلين يم البنات

مها// تفاجأة من طب حيدر عبالي فرح كتله

.... لا مابيه شي بس راسي جان يوجعني
جنت مستحيه منه لان ام علي عيبت عله حجي گدامهم

حيدر // مهاا باوعيلي مها
مو  دا احجي وياج رفعي راسج وباوعيلي

باوعتلي عيونهة حمر مهضومه والدموع تجري ماتكدر تسيطر عله نفسهة
نزلت من الجربايه كعدت بصفهة