# يوم جعل حياتي جحيم
# حنين الموسوي
# بارت * 24 *
*
*
يله نبلش ***
أبتهال // مهااا حبابه ابريلي الذمه خيتي اني هواي اذيتج خاف اموت ولله مراح يسامحني عله السويته وياج ؟
مها // ابتهال ليش تحجين هيج خيتي ولله وكفتج وياي بحياتي ما انساهة انتي وغيث مبريه الف ذمه سلميلي عله غيث ابد مراح انساه
{ من كالتلي ابريلي الذمه صدك انقهرت عليهة حسيتهة هواي متغيره ومكسوره
كسرهة المرض حظنتهة وبجيت وكتلهة مبريه الف ذمه }
ابتهال // الله يوفقج بحياتج مهاا ويبعد عنج اولاد الحرام يله مهاا روحي اجني روحي بسرعه
امي وأيات ونرجس جوارينه مطبباتهن لبيتهن حته يهدئنهن
جنت احجي وي مهاا وشفتهن طلعن جايات لبيتنه
اني كلت المها روحي بسرعه خطيه مها كامت تسحل بروحهة سحل وتمشي حيل خاف يشوفنهة
مهاا // بعدني احجي وي ابتهال طلعن سماح وبناتهة الجوارين جانن مخلياتهن يمهن
همزين ماشافنه اني وابتهال لان جنه بظلمه
رحت دست عله رجلي حيل وكمت امشي حته ابتعد شويه احنه ارياف
يعني شارع العام بعيد عليه
واني رجلي مجروحه وراسي
متأذي بس نسيت الالم ماعوكني امشي ابتعد شويه طبعا احنه مو ريف يعني المنطقه شويه ظلمه واكثريتهة بساتين
وزرع وگيعان مزروعه شلب
اخاف امشي بالبساتين خاف اكو چلاب ( تكرمون ) يركضن وراي لو يعضني
ضليت امشي اتجه عله الحياطين صيف والوادم اكثريتهة اتنام من المغرب عله السطوح
مشيتلي هفه شويه
جعدت يم محل معزل استراحيت بيت عمي صار بعيد عني
والدنيا ليل اخذت البطاقه
البيهة عنوان حيدر
صريتهة بشالي ( ضميته بشالي )
شديتهة حيل خاف تضيع مني
ورجعت كمت امشي وين فتره مشيت وصلت الشارع العام بي اظويه ومحلات مفتحة
وكهاوي ( كوفي شوب )
جنت ميته عطش والخوف ماكلني اكل ابنيه بنص اليل تمشي وحدهة شدكول الوادم وخايفه ولد الحرام يسولي شي وصلت يم ابو اسواق
طبيت واني ارجف بس
تنكبت بشالي غطيت وجهي بي
مهاا // سلام عليكم عمي
ابو لاسواق // وعليكم السلام بويه تفضلي
مهاا. // عمي ولله ميته عطش انطيني اميه بثواب الحسين
ابو لاسواق // صدك جذب بويه تدللين انتي شنوو مجديه
مهاا بستغراب // هاااا ايي عمي
ابو لاسواق // محتاجه شي بويه
تره الدنيه ليل والدنيه مو أمان ياعمي ولد الحرام هواي ومبينه بعدج زغيره لا تطلعين بليل يابويه اطلعي بالنهار جدي
مهاا // اي عمي صحيح رحمله ولديك
اخذت بطل المي وطلعت ارجف وابجي عباله مجديه
صدك شكلي يشبه المجديات لا ولله هنه احسن مني
رحت شويه مشيت جعدت يم محل مال كصاب معزل اشربلي اميه
ياربي وين اروح واني بنص اليل
الاهي ارحمني وحفظني
وين اروح هسه حته العقيد حيدر مو بالنجف واگول اكدر اوصله
اذا هوه بالحله منو هسه بنص اليل يوصلني للحله واني لاعندي افلوس ونطي كروه زين ويامن أمن واصعد
خاف شو شيسولي
ياربي دليني عله طريق الصح ماعندي غيرك
جاعده واتراجف اول مره ابقه وحدي بنص الشارع وبليل وبهاي الدنيا الماتتأمن
كمت امشي واتلفت وانتخي با اهل البيت ولله اخاف
جنت امشي وأعرج احس الناس كلهة تريد تاكلني لان وظعيتي وعباتي المشككه
مشيت وين هفه بعيده
تعبت رجليه بعد ما اتحمل ادوس عليهة
واخاف من هاي الوادم بيمن اثق
جنت امشي بالشارع جوعانه حيل
بعد حته ماعندي طاقه امشي
من الجوع اريد اي شي واخاف اطلب من واحد خاف يستغلوني لان الوقت تأخر مشيت شويه شفت قفص مشمور
اخذته وكعدت يم باب مال مدرسه فتحته لكيت بي تفاح خايس وذابي
اخذت التفاحه وخرت الخايس حيل واكلت الباقيه
التفاح حيل لاعب
بس اريد اي شي اكله حته يصير بيه حيل واكدر امشي لان دخت من الجوع
اكلت اثنين بس حشه نعمت الله
ولله الحيوان ماياكلهن تلعب نفسه
منهن خايسات وبيهن ريحه
بس شسوي
أنت تقرأ
يوم جعل حياتي جحيم
Randomفتاة بسيطه الحال شاء القدر ليغير حالها وتهب الرياح بما لاتشتهي السفن.. وينتهي بها في مطبات ضيقه ويصعب الخروج منهاا... فتعاني وتعاني لتخرج ع واقع جميل يستحق الجهد والمشقه وهكذا يكون العوض الرباني 🦋
