يوم جعل حياتي جحيم

آلح ـلقه آلثـآلثـه وعشـࢪون

بــآرت _ 23_

# يوم جعل حياتي جحيم
# حنين الموسوي

مها:  وينك حيدر اريدك يمي وتشووف حالي
ماعندي غيرك ياريتك ماطلعتني من السجن وعفتن هنااك اموووت وياريتك مانسيتني
اتمنا اگدر اطلع منا واروح للعقيد حيدر 
....بس خاف هوه مو بحالي ولا راح يستقبلني متروم عليه يستقبل وحدة  خريجة سجون عله گولت سماح وبناتهة واني وحده فقيره واهلهة فقره وموحلوه بشعه حيل وهوه  شخص حلوو وغني  وعنده رتبه عاليه بحالي ميت عليه اكيد من طلع مناا نسه الموضوع  مايدري بيه نساني وعاش حياته هوه الرجال مجرد شي انساني سواه وياي ويمكن يسوي واي أي شخص جان
كافي مهاا اصحي من اوهامج واحلامج هذا واقعج البائس

... بقيت النص اليل ابچي وافكر صرت مثل الخبله اسئل واجاوب نفسي افكر بأهلي العافوني وبعد حتى ما اتأمل يرجعون واشوفهم لو مره وحده
وبالعقيد حيدر الي تندمت مارحت وياا لو ابقه خدامه عنده ولا هالتعذيب والعيشه العايشتهة
والاحلام التخوف وكل شويه متخيله شي يمي 

... كوه نمت فزيت الصبح روحي تلعب گبل اتقيئت ومعدتي توجعني تعصر بيه عصر وأحس بطني سچاچين وتكطع بيه لزمت بطني وكمت ابچي
... ولكم بعد ما اتحمل راح اموت ولله زحفت اخذت البطل الماي يجوي حار صاير شربت اشويه والمخزن اضلم يطب ضوه شويه من الرازونه صافنه ؏ نفسي  شسوي اخنگ روحي وارتاااح شسوي
رجعت تمددت الدود يكرص بجسمي دابي عليه ( ملتم عليه )
انكث بي مشبعني كرصات وجسمي منغير كلشي مورم من الدك والبگ ماكلني اكل
ورجلي تحركني حيل لان الشگ البيهة جبير يرادله خياط بقيت ابچي واشكي حالي لله اريد اموت واخلص گمت افقد ساااعات ما احس بروحي واصحه وحدي چانت لحضات منازعه وي الموووت...

..... بده الضلام يقوة بالمخزن عرفته صار اليل انتهيت من الجوع والعطش والحر والدود الاكلاني والجوع كتلني رحت للعلاكه لكيت العفن تارس الخبزه ذبيتهة لان بعد ماتنوكل
اخذت الطماطه لكيتهة خايسه كوه اكلت شويه منهة بعد ما اتحمل من الجوع شربت مي
حطيت راسي بالكاع ابچي واونن
ماكدرت انام الخوف كاتلني الدنيه ضلمه كل ساعه اتخيل شي يمي متت من الخوف بس اغفه اشويه اضل اتفزز احلم كوابيس تخوف لحضات رعب موتتني

..... شويه نمت ومن نمت حلمت كأنهوا حاطيني بغرفه العذبوني بيهة بالسجن ويذبحون بيه
ويظحكون بصوت عالي
فزيت مرعوبه وعرگانه وارجف
عبالي بعدني بالسجن اتلفت منا ومنا 
بس بعدين اذكرت هوه اني هم بسجن
ماكدرت انام من الضلمه تخوف حيل ضليت اقره ايات وابچي.....  لحد مانمت من السهر والتعب ما ادري بروحي
... فزيت الصبح معدتي موتتني من الالم اتقيئت اله ارتاحيت لان اكلت خبز معفن وطمامه خايسه
بطني تكطعني تكطع  توجعني حيل

تعبت واني انازع وي المووت غير ياخذني ويريحني
متت من العطش ادورلي ؏ اميه ماكوو البطل مخلص ماي
تعبت حيل جسمي تعب بعد مابي طاقه اشيل راسي  اليوم ثلاث ايام واني بالمخزن اباوع من الرازونه شويه ضوه يطب نايمه وابچي 
الاهي ارحمني وخلصني من ضلم عبادك
صار الضهر  واني العطش يزيد عطشت حيل ومتت من الحر والعرگ كتلني ورجلي المجروحه توجعني حيل زحفت وتقربت ؏ الباب اريدهم يجون  ايكتلوني خل اموووت واخلص كمت اصيح واجر نفس گوه