يوم جعل حياتي جحيم

👰🏻 36

# يوم جعل حياتي جحيم
# حنين الموسوي
# بارت * 36 *

*

*

مها // وصلنه للمركز تقريبا با 11
بس بعد وكت لان الزفه بليل بس رحنه علمود الحجز ساعه وبدن يشتغلن بيه وني الفرحه ماوسعتني
ساعتين وكملني بس طلعت حيل حلوه سولي تسريحه تجنن
بس نص شعري نازل ومكياج حيل حلوو ولبست بدله فضيه
طلعت اخبل اجت هاجر

هاجر// اللهم صلِّ على محمد وآل مُحَمَّد شنوو هالاميره هاي اويلي الله يعين كلبك ياحيدر شلون راح تتحمل كل هاذه الجمال هههه اليوم مابيهة مجال راح ياكلج اكل

نسرين // يمممه فدوه الهاي العابه الحلوه  عيني بارده عليج
حبيبت كلبي الله يهنيج

مهاا // صدك من شفت روحي ضليت صافنه طالعه شكل ثاني عن حفله الخطوبه

المهم كملنه بدن نسرين وهاجر هم سون مكياج وتسريحه
وكملن با 3 ونص
طلعنه من المركز اجه حسام
اخذنه ودانه للقاعه وصلنه نزلني من السياره طبيت للقاعه تخبل احله  من مالت الخطوبه سولي استقبال لدوخلي يجنن
ولكيت نسوان هواي يعني قاعه حيل جبيره وضخمه اله ماخذتهن
جايبين ثنين ملالي يسولي مولد وجلوه.

حيدر//التهينه بالخطار وهوسه تارسه البيت النسوان راحن با 3 ونص للحنه البيت بقه بس الزلم كلمن يحضر
بده الركص وبدلولوي حته جماعتي صعدو وياي للغرفه ويركصون
جنت حيل فرحان بدي الوكت يخلص بسرعه واحط أميرتي  بحضني.

مها // شويه اجن نسوان اهواي  فوك الذني جانن موجودات بدت الحنه والمله بدت تقره وسولي جلوه بدلت بدلتين
ام علي بس تخازر ماعجبهة الوضع جايباتهة كوه عليهة

والباقيت كلهن يركصن حته ساره صح اول ماشفتهة ماحبيتهة بس اليوم تركص وماعدهة شي
بس هاجر ونسرين ذبن لحم ههه
اني عايشه احله لحضات بعمري
فرحانه كومني اركص ركصت شويه ما اعرف جايبين  مصورات
يصورن الحفله
صارت الحفله تجنن تقريبن راد يصير اذان المغرب هنه سدن الاغاني وره ساعه شغلن وكملن ردح واني هلكت من التعب
كسرتني الكعده با 9 عشو النسوان بالقاعه وبا العشره الزفه
اني متت كاعده من 3 ونص لسه عله فرد كعده
شويه وراح تجي الزفه
اني سمعت بالزفه لو رجليه كامن يطكطكن وثلجّـن صرت اختض من كل اكتاري اووف ياليله العمر اليوم
متت فرحانه وخايفه ومتوتره
اليوم راح انجمع با اغله انسان بحياتي بس شعور الخوف والخجل من هاي اليله لابد منه
شويه سمعنه صوت سيارات عالكه

حيدر// اليوم حنه وزفه فخلصنه الحنه من وكت اذا همه مسويهة 
من العصر طربكه  بدت الحنه والركص والخبصه بالقاعه عزمت اهواي لان جماعتي حيل هوايه وگرايبنه هم اهواي المهم
عشينه الزلم وطلعنه بالعشره بليل
طلعت الزفه رحنه للقاعه انجيب الغاليه طبعا اليوم ما اكدر اوصف الفرحه الي دا أمر بيهة مهاوي اموت عليهة صارت حبيبتي ومرتي وشريكت حياتي
طلعنه وصلنه سياره الزفه وكفنه باب القاعه
دخلت اني عله رويحتي
اول مادخلت رحت للغاليه امي بوستهة وبست اديهة اهم شي رضاهة عليه
انوبه رحت المهاوي يبعد روحي الذيج الشوفه الحلوه