"မင်းရဲ့ဘော့စ် ဒီနေ့အလုပ်မလာဘူးလား''
"အဲ့ဒါက မနက်ကဖုန်းဆက်တယ်ဘော့စ်က၊ ဒီနေ့သူနားမယ်တဲ့၊ အလုပ်ကိစ္စတွေကို မနက်ဖြန်အထိရွေ့ထားဖို့လည်း ပြောတယ်''
"အင်း ငါဖုန်းဆက်တော့မကိုင်ဘူးလေ၊ အဲ့ဒါကြောင့်ဘာများဖြစ်နေလဲလို့''
သလင်းက တွေးတွေးဆဆပြောလိုက်သည့်အတွက်
နေ့သစ်ကတစ်ခုခုကိုစဥ်းစားနေဟန်ပြုပြီး"မနက်ကဘော့စ်ဖုန်းဆက်တော့ အသံသိပ်မကောင်းဘူးဗျ''
သလင်း စိတ်ပူသွားသည်မှာအမှန်။
ကိုယ်နဲ့၆နှစ်ကျော်အလုပ်အတူလုပ်ခဲ့တဲ့ ကိုယ့်ရဲ့အလုပ်ရှင်ပဲမဟုတ်ပါလား။
"မင်းကတော့ ဒါကိုမနက်ကတည်းက မပြောဘဲနဲ့၊ကဲ ရပြီ အခုသွားတော့....''
နေ့သစ်ကို အလိုမကျစွာပြောလိုက်သည်။
ခပ်အေးအေးနေတတ်သည့် နေ့သစ်ကတော့ အခန်းထဲကထွက်သွားလေရဲ့။
အလုပ်စားပွဲတွင်ဆက်မထိုင်နိုင်တော့သည့် သလင်း။
ဖုန်းကိုကောက်ယူလိုက်ပြီး ချက်ချင်းပဲ ဘုန်းသာလျှံဆီသို့ထွက်လာခဲ့သည်။
-----------------------------------------------------------------------
အိမ်မက်ကောင်းမက်နေတုန်း လာဖောက်သည့်သကောင့်သားကြောင့် ဘုန်းသာလျှံမကျေမနပ်ဖြစ်ကာနိုးလာရသည်။
ညကအိမ်မက်အတိုင်းဆို သူနှင့်သလင်းသည် အကြင်လင်လင် ဘဝသို့ရောက်ခါနီးနေလေပြီ။
သကောင့်သားသာဝင်မရှုပ်ခဲ့ရင် အိမ်မက်လေးကစိုပြေနေမှာအမှန်ပင်။
ဦးခေါင်းတစ်ခုလုံးကျိန်းနေအောင် ကိုက်ခဲနေသည့်ဝေဒနာကို အံတုကာနိုးထလာခဲ့သည်။ကုတင်ဘေးက စာကြည့်စားပွဲပေါ်မှ နာရီလေးက၈နာရီသို့ခရီးနှင်လျက်။
ကိုက်ခဲနေသည့်ဦးခေါင်းနှင့်နာကျင်နေသောကြွက်သားတွေကြောင့် နေမကောင်းဖြစ်နေပြီဆိုတာ ဘုန်းသာလျှံအတပ်သိလိုက်သည်။
မလှုပ်နိုင်သည့်ကြားထဲက အားကိုညှစ်ထုတ်လိုက်ပြီး သူ့ဖုန်းကိုယူကာ အတွင်းရေးမှူးနေ့သစ်ဆီသို့ ရုံးမတတ်ဖြစ်ကြောင်းပြောပြီး ပြန်အိပ်နေလိုက်သည်။
YOU ARE READING
ချစ်သူ့ရင်ခွင်ထက်ဝယ် (မောင့်ချစ်သူ) [ Complete ]
Romanceကိုယ်ကအားလုံးအတွက် ဧည့်လမ်းညွှန် ဖြစ်ခဲ့ပေမဲ့ မင်းအတွက်တော့ နှလုံးသားလမ်းညွှန် ဖြစ်ပါရစေ.....။ (27.1.2021) - (27.6.2021) ( ဇာတ်လမ်းပါအကြောင်းအရာများသည် စာရေးသူ၏စိတ်ကူးသက်သက်သာဖြစ်၍ တစ်စုံတစ်ဥ်ိးနှင့် တူညီခဲ့သည် ရှိသော် တိုက်ဆိုင်မှုသာဖြစ်ကြောင်း ကြ...
အခန်း (၉)
Start from the beginning