A Flirt's Unrequited Love

Chapter 43

Pagkatapos ng gabi kung saan nalaman ko ang buong katotohanan tungkol sa pagkawala ng aking ama mula kay lolo, ay nagdesisyon akong bumalik muna ng hospital para makausap si mom, at pumayag naman si lolo. Nangako akong babalik kinabukasan kasama si Kent sa kanyang tahanan dahil may pag-uusapan pa raw kaming mahalaga. Pagkarating namin sa hospital ay agad kong inaya si mom sa labas ng kwarto ni Dad Tomo para sabihin sa kanya ang nalaman ko. Dahil masyadong maselan ang topic namin ay minarapat niyang umuwi muna kami ng bahay para doon makapag-usap at si Kent muna ang nagbantay kay Dad Tomo.

Nalaman ko mula kay mom na kaya pala siya nag-Japan noon ay dahil ipinatawag siya ng aking lolo para sabihin ang nangyari sa aking ama. Nalaman ko rin na ang stepdad ko pala ay bestfriend ng aking ama noong nabubuhay pa siya at apprentice ng aking lolo. Nagkakilala sila sa mismong puntod kung nasaan kami ngayon ni mom noong unang beses na bumisita si mommy dito. Nagkataon na bumibisita rin si Dad Tomo noong araw na iyon. Aniya, bago nawala si Dad Haru ay nag-iwan ito ng sulat para kay Dad Tomo na hinahabilin kami ni mom sa kanya in case na may mangyari sa kanyang masama. Doon nagsimulang maging malapit sa isa't isa si mommy at Daddy Tomo hanggang sa nagka-igihan na sila. Naging sandalan nila ang isa't isa sa panahong naghihinagpis silang pareho sa pagkawala ni Dad Haru- ang isa'y nawalan ng matalik na kaibigan, habang ang isa nama'y nawalan ng ka-ibigan. Marahil ay kagustuhan na rin ng aking tunay na amang nasa langit na pagbuklurin si mommy at ang aking stepdad.

Bukod sa mga nalaman kong iyon, ay sinabi na rin ni mommy ang dahilan kung bakit tinago nila ang tungkol sa totoong pagkatao ko at sa totoong ama ko. Kaya raw nila inilihim ay dahil na rin sa pakiusap ng aking lolo. They wanted to protect the only child the Mori Heir left from the person who was also after my father's life. Wala silang ibang inisip lahat kung hindi ang kapakanan ko, at hindi ko tuloy mapigil ang sarili kong mainis sa taong may kagagawan ng lahat ng ito.

----🌸----

"Ayos ka lang ba, Labs? You look pale... If you want, tatawagan ko na lang si Gramps para i-reschedule ang pagpunta mo sa bahay niya. You need to rest-" Kent worriedly uttered and I interjected. Nasa backseat kami ngayon ng aming SUV na minamaneho ng aming driver dito sa Japan.

"No, I'm okay Kent. Ngayon na tayo pumunta, at isa pa naiwan ko rin doon ang box na galing kay Dad. Hindi ko pa napapanood ang mga video tape sa loob noon kaya kailangan natin iyong balikan." I said and Kent sighed before nodding his head.

"Okay Labs kung mapilit ka talaga. Pero after ninyong mag-usap, magpalipas na muna tayo ng gabi doon para makapagpahinga ka. Huwag masyadong matigas ang ulo, alright? Don't get me so worried at nababawasan ang kagwapuhan ko. Kiss mo nga ako para mabawasan itong pag-aalala ko." malambing at pabirong tugon ni Kent and I sniggered. Ipinulupot ko ang aking mga kamay sa kanyang leeg at hinila siya para halikan.

"Kahit pumangit ka pa, at kahit maging kasing gaspang ng dos por dos iyang mukha mo, mahal pa rin naman kita." I whispered against his lips, and he grinned from ear to ear and bit his lower lip.

"Huwag ganyan, Labs. Nanghihina ako. Sige ka, baka hindi pa matuloy iyang paguusap niyo ni Gramps, iuwi kita sa bahay ng hindi oras." hirit niya at napahalakhak ako. Sa sobrang gigil ko sa pacute kong asawa ay mariin ko siyang hinalikan and nibbled his lower lip. Gustong-gusto niya naman ang panghaharot ko, at naglandian lang kami hanggang sa tuluyang makarating sa mansion ni Lolo.

"Alodia, my grand daughter, welcome home! I missed you..." bati ni Lolo at sinalubong ako ng yakap pagkarating namin ni Kent sa kanyang tahanan. Bumati rin siya kay Kent at yumakap.

"I missed you too, Gramps! It's so good to see you." ngiti ko at ngumiti rin pabalik si lolo.

"I'm so glad the both of you are here. So, shall we? Let's have tea inside as I discuss to you some important matters." aya ni Lolo habang iminumuwestra ang pinto papasok ng kanyang tahanan at tumango ako. Hinigit ko si Kent at pumasok na kami sa loob ng bahay.