【𝖴𝖭𝖨𝖢𝖮𝖣𝖤】
ရှီးနဉ် အလေးအနက်ထားပြီးပြောလိုက်တယ်။
“ငါ့မှာ ရည်းစားမရှိဘူး နင်လူမှားပြီးဖမ်းလာတာမဟုတ်ဘူးလား?”
ချူယင်းကျယ်က သူ့ရဲ့လက်ကောက်ဝတ်ကို မြှောက်ပြလိုက်တယ်။
“ဒီဒဏ်ရာကို တွေ့လား?”
ရှီးနဉ် လှမ်းကြည့်လိုက်တော့ သွားအကွင်းလိုက်ရာကိုတွေ့လိုက်ရသည်။
“ခွေးကိုက်ခံရထားတာလား?”
ချူယင်းကျယ် က သူမကို အော်ငေါက်လိုက်သည်။
“ဒီလိုဖြစ်အောင် ကိုက်တာက မင်းလေ မင်းကိုယ်မင်းခွေးလို့ သိသွားပြီဆိုရင်တော့ ငါဝမ်းသာပါတယ် ဒီလိုဖြစ်အောင်ထိ ကိုက်နိုင်တဲ့မိန်းမကို ငါတစ်ခါမှမတွေ့ဖူးဘူး”
ရှီးနဉ်: “.....”
မူလခန္ဓာကိုယ်ပိုင်ရှင်ရဲ့ တိုက်ရည်ခိုက်ရည် အစွမ်းကတော့ တကယ်ကို အံ့မခမ်းပဲ။
သူဒီအကြောင်းကိုပြောပြလိုက်တော့ ဒီခန္ဓာကိုယ်ပိုင်ရှင်ရဲ့ ပျောက်ဆုံးနေတဲ့ မှတ်ဉာဏ်တချို့က ရေးတေးတေး သတိရလာပြီး ရှီးနဉ် နောက်ဆုံးတော့ ဒီလူက ဘယ်သူလဲဆိုတာကို သိလိုက်ရသည်။ ထို့နောက် ကောင်းမင်နဲ့ တခြားသူတွေ သူမကို ပြောကြတဲ့ ဒီနေ့ နန်ရှောင်း တောင်ပိုင်းကျောင်းရဲ့ခေါင်းဆောင်နဲ့ ရန်ဖြစ်မယ်ဆိုတဲ့အကြောင်းကို တွေးမိလိုက်သည်။
ဒီတော့ သူမရှေ့ကရပ်နေတဲ့သူဟာ အဲ့ဒီခေါင်းဆောင်ဆိုတဲ့တစ်ယောက်ဖြစ်နိုင်တယ်ထင်တယ် →_→
ဘဝမှာ သေခြင်းတရားနဲ့ ကြုံဖူးထားတဲ့သူဟာ...
ဒီလိုမြင်ကွင်းမျိုးကတော့ သူမကို ကြောက်ရွံစေမှာမဟုတ်ဘူး။ရှီးနဉ်: “ဒါဆိုရင်တော့ နင် လူမှားဖမ်းလာပြီပဲ ပြီးတော့ နန်ရှောင်းနဲ့ ငါကလည်း ရည်းစားတွေမဟုတ်ဘူး”
ချူယင်းကျယ် သူ့လက်ကိုထပ်မြှောက်လိုက်ကာ
“ချစ်သူတွေမဟုတ်တာတောင် မင်းက သူ့အတွက်နဲ့ ငါ့ကို ဒီလိုမျိုးဖြစ်အောင်အထိကို ကိုက်တယ်ပေါ့?”
ရှီးနဉ် : “.....”
သူမက ဒါကို ယုံကြည်အောင် မဖြေရှင်းနိုင်ဘူးထင်တယ်။
ВЫ ЧИТАЕТЕ
Mary Sue ဇာတ်ကောင်အဖြစ်သို့ကူးပြောင်းလာခြင်း || COMPLETED ||
Подростковая литература《 𝖲𝗍𝖺𝗍𝗎𝗌: 𝖢𝗈𝗆𝗉𝗅𝖾𝗍𝖾𝖽 // 𝖾𝖽𝗂𝗍𝖾𝖽 𝗏𝖾𝗋𝗌𝗂𝗈𝗇》 𝖬𝗒𝖺𝗇𝗆𝖺𝗋 𝖳𝗋𝖺𝗇𝗌𝗅𝖺𝗍𝗂𝗈𝗇 𝗈𝖿 ❝穿成玛丽苏文里的女配❞ . 𝖮𝗋𝗂𝗀𝗂𝗇𝗂𝖺𝗅 𝖺𝗎𝗍𝗁𝗈𝗋: 一夜从灯 𝖤𝗇𝗀𝗅𝗂𝗌𝗁 𝗍𝗂𝗍𝗅𝖾: 𝖳𝗋𝖺𝗇𝗌𝗆𝗂𝗀𝗋𝖺𝗍𝗂𝗇𝗀 𝖺𝗌 𝖺 𝖬𝖺𝗋𝗒 𝖲𝗎𝖾 𝖢𝗁�...