" မှန်ကြောင်။ ငါ့မှာ ကိုယ်ဝန်ရှိနေပြီ "
သူ က အေးရာအေးကြောင်းပဲ ပြောလိုက်ပေမယ့် ပြာယာခတ်သွားတာက ငါ။
"ဘာ! ဘယ်နှလရှိပြီလဲ၊ ဘယ်သူနဲ့လဲ၊ ကလေးအဖေရောသိပြီးပြီလား"
"တွဲခဲ့တဲ့ ယောက်ျားတွေမှ အများကြီး။
ကလေးအဖေတော့ ငါလည်း အတိအကျဘယ်သိမလဲ"
သူက ငါ့ဘေးက ထသွားပြီး ဆေးလိပ် ကို မီးညှိ ရင်း ပြန်ဖြေလေရဲ့။
"နင် လာနောက်နေတာလား"
" အဟတ်။ ငါ့မှာ ကိုယ်ဝန်ရှိနေတာကို နင့်ကို နောက်စရာလား ။
အရေမရအဖတ်မရ"
သူက ပြောရင်း ဆေးလိပ်ငွေ့တွေကို မှုတ်ထုပ်လိုက်တယ်။
ငါနည်းနည်းတော့ မျက်မှောင်ကြုတ် မိပေမယ့် သူ နောက်နေတာပဲထင်နေတုန်း။
" ကလေးအဖေမသိပဲနဲ့ နင်..."
ငါ့စကားမဆုံးခင်မှာပဲ သူက အိမ်တံခါးပေါက်ရောက်နေပြီ။
"ငါသွားပြီ ။ အပြန်နောက်ကျမယ်"
သူက ငါ့ကို စကားအဖြစ်ပြောသွားတာလား အသိပေးခဲ့တာလား
နောက်နေတာလား ။ ငါတကယ် မသဲကွဲတော့ဘူး။
သူနဲ့ ပတ်သက်ရင် ငါ့ဦးဏှောက်တွေက အမြဲတမ်း ထုံထိုင်း သွားတော့တာပဲ။
" ဆု၊နင် တကယ်ကိုယ်ဝန်ရှိနေတာလား"
သူ ရာသီမမှန်တာ ငါ သတိထားမိလာတယ်။
ပြီးတော့
အရင်က အနံ့ဆိုးလို့ မစားတဲ့ ငါးပိရေတွေကို ထမင်းနဲ့ အရေဖျော်ပြီး ငရုပ်သီးမှုန့်အများကြီးနဲ့ စားရတာ သဘောကျလာတာလည်း ငါသတိထားမိလာတယ်။
" ခေါင်းလာမစားစမ်းနဲ့ ။ နင့်ကို ငါ ဘယ်တုန်းက လိမ်ဖူးလို့လဲ"
"ဒါ ဒါဆို "
"ဘာလဲ ဘာပြောချင်နေတာလဲ "
ထမင်းအစားမပျက် သူက အမေးလာတယ်။
" နင် ငါးပိရည် တွေ ငရုတ်သီးတွေ အရမ်းမစားသင့်ဘူး။
ကလေးအတွက် အန္တရာယ်ရှိတယ် ဆိုတာ မသိဘူးလား"
သူ့စားလက်စ ပန်းကန်ကို ငါ ဆွဲလုလိုက်တယ်။
သူက ငါ့ကို မျက်စောင်းလှလှနဲ့ မော့ကြည့်လာတယ်။
ထမင်းစားပွဲ ကနေ သူက မတ်တပ်ရပ်လာတော့ အရပ် ငါးပေ ၇ လက်မ ရှိတဲ့ သူ့ကို ငါ မော့ကြည့်နေရတယ်။
သူ့ကို ငါသဘောကျတဲ့အထဲမှာ အဲ့ ခက်ရှည်ရှည် အရပ်လည်းပါတယ်။
