روايـــــــــــــة ✍🏼 { كئيب الليل ياطفلة يغيب الكل لا غبتي }مكتملة

.72.73.74.75

عزام ابتسم: لا تخافين تباتين اليوم عند عمتك ويزن وتركي معك وبكره تروحين معي
يزن: وين تروح
عزام : اقولك شوي المهم اخذ نور بمكان أمن مايقدر الكلب اللي جوا يوصلها
تركي تكلم بسرعه: مافيه الا بيت عمي سعود
يزن التفت: صح
عزام :لاااااا
الكل التفت عزام: مجاننين انتم مستحيل
يزن: ليش
عزام: تبات هنا ويزن اجلس معها
يزن: طيب
تركي : طيب اشرح لنا وش صار
عزام :نور اطلعي ارتاحي وتأكدي مايقدر يقرب لك
نور طلعت التفت عزام وجلس وهو يشرح لهم وش سوا
يزن : كيف يعني بتتزوج نور
عزام : كم لها معنى هاذي
تركي : من جدك انت
عزام :ليش ماني قد المقام
يزن:لا مو كذا بس ما توقعت ابدا
عزام: لا توقع وبكره الصباح اجهزوا بتكونون شهود
تركي ضحك :ههههه والله صادق
قرب له وهو يضمه: مبروك
عزام وقف يضمه: الله يبارك فيك
يزن قرب : عزام اذا بتجبر نفسك لا تسويها
عزام قرب منه وهو يشد على كتفه: انا محد يجبرني كنت اقدر اطلعها من دون اتزوجها بس انا ابي نور
يزن قرب وهو يضمه : اقدر اقولك انا مرتاح
ضحك عزام وطلع : انا بروح لثامر اخاف يرسل احد او شي
تركي :مع السلامه ي عريس
عزام: فمان الله
طلع عزام واخذ تاكسي وراح لبيت ثامر
٠٠٠

عند نور كانت غلا ضامتها وتبكي معاها كانت نور تبكي فرح وترجف بفرحه اخيرا بتتزوج عزام يالله قد ايش حلمت في هاليوم ما همها لو عايش على بساط المهم انه معها غلا ماكانت فاهمه شي ابدا بس اشتاقت لنور اللي تغيرت كثير حسوا بالباب ينفتح التفتوا شافوا سمر اللي جات تركض ونطت عليهم وهي تضم نور وتبكي بعدها دخلت سميه اللي قربت لها وضمتها وبعد بكى تعب بكى دخلت ام يزن : نور يمه
نور نطت من حضن غلا وركضت تضم امها وهي تبكي :يمه وحشتيني
كان الكل يبكي بدون استثناء وتجمعوا الكل ببيت العمه حنان عشان نور
ياسر اللي اشتاق لنور وجاء لها وهو يضمها مع انه زعلان عليها بس تطمن لما قال يزن انه هو مخبيها
نور ضمته وهي تبكي
ياسر: وين كنتي خوفتينا عليك وقفتي رحلتي العالميه
نور:هههههه الله يهديك
ياسر: شسوي لك هاه قلبتي الدنيا ورحتي ما توقعت يطلع منك كل ذا
نور ابتسمت وهي تبعد : بتاخذني رحله معاك ترا
ياسر : من عيوني اهم شي رجعتي نشفتي قلوبنا ي شيخه
يارا: لا احد يزعلها وتهرب بعد
نور : ايوه انتبهوا
والكل كان مستانس برجعة نور الا الجد اللي كان واقف بقهر وهو يشوف الكل رايح لبيت حنان ضرب بعصاه وهو يتحلف في عزام
٠٠٠٠٠

عند عزام وصل لشقة ثامر وصار يدق الباب بطريقه موسيقيه
ثامر فتح بإستغراب :عزااام
عزام ابتسم : تركنا العنان ي ثامر
ثامر ابتسم : بالله عليك وش صار
عزام سحبه : اول شي هات لي نسخه من كل الادله اللي عندك احتياط وبعدين اقولك
ثامر بسرعه البرق نسخ كل شي واعطاه عزام والتفت : وشو قول عزام : بتزوج نور
ثامر: في ذمتك
عزام :ايوه
ثامر نط عليه وضمه: مبروك اخيرا اخذت قرار لنفسك
عزام : تقدر تقول انه مو عشاني عشانها انا مو في حال الزواج الحين
ثامر: ياخي انت نفسيه انقلع بس
عزام ضحك وقام :انا بروح البيت هناك قايم عزا عشان نور مو فيه
ثامر: اتوقع مو بس انت قايمه قيامتك
عزام : والله رعد جنني عجزت فيه يبكي بكي مو طبيعي
ثامر:هههههههه ي رجل انت لو في يدك بكيت
عزام شاف ان الكلام معه ضايع طلع وتركه وهو يضحك
٠٠٠