كرونيك: 💕انتقام_البنات 💕

31

#الجزء__السادس:
#الحلقة31:
اسيل تمشي فطريق حتا حست يد حكمتها ... جبدها عندو و حصرها فلحيط يشوف فعينيها و هي مامصدقاش
نضال يقلب فوجها : واش راهو حبيبك جديد تزوجتو ولا سمح فيك
اسيل تسلك فيديها : نضال اطلقني راك توجعني
نضال : الوجع هذا مايرد والو من وجع قلبي ... دمرتيني و هنتيني و حرقتي ذكرياتنا ولله ماحق عليك
اسيل فلتت يدها : حياتي و انت ماعندك حتا حق فيها و جات رايحة و عاود تلفتت ليه : ايه حقا قالولي راح تزوج مبروك عليك تبسمت بكبرياء و كملت طريقها
نضال فقلبو : يا ريت تلفتي و قلتيلي نحبك كنت راح نسمح فدميا و نؤكع عند رجليك يا حبيبتي ... علابالي بكلش علابالي بلي حبيتيلي الخير لكن عاه قاعدة تضلمي فحبنا علاااه حنا لزوج ولينا فيكتيم من دلعشق وين دانا وين .....
*********
اسيل تتوجع رايحة للوطو تاعها ركبت و فتحت البورطابل تشوف فتصويرة تاع ادم : علاه يا ادم علاه ضلمتني علاه قستني كنت راح نجيب ولدنا لي حلمنا بيه ... كنت راح نسامحك و نرجعو كما بكري و نزوجو و نربو ثمرة حبنا علاه ...دموعها نازلين و تسوق ماعارفاش بعد هاد شي دنيا وين راح تديها ... حتى شهرتها خلاصت و جسمها ماولاش بمقاييس عارضة الازياء كرهت كلش من غير ادم لي ماقدرتش تكرهو حاولت تخرجو من عقلها تنساه تنسى كلش لكن كل ذكرى تفكرها بيه ....