كرونيك: 💕انتقام_البنات 💕

19

#الحلقة19:
المجهول طلب من ليليان يتلاقاو فملهى ليلي و ليليان قبلت بلا ماتخمم (حنا البنات قلبنا دافعنا و مانخمموش خلاص غير نزدمو ووقت الصح نبكو ) لبست لياس بيض شفاف و تحتو كما اللباس يبرق و نعالة نواغ و خلات شعرها على كتافها .... دخلت للبار و قعدت حاكمة البورطابل و تستنا وصلها مساج :T 'où ردتلو على البلاصة لي كانت قاعدة فيها .... وقف قدامها شافت فيه و نتفضت : واش خاص جدك ماشبعتش من الكف لي ديتو ... رفد البورطابل و حل آخر مساج من عندها ... شافت فلبرطابل و فيه : اااا... انت .... ادم : وشبيك مفجوعة ايه انا ... ليليان عوجت فمها و قلبها وجعها ممكن تكون تحبو و ظهر الرخيس هو : و المعنى ... ادم : عادي وشبيك ماراحش نقتلك كما رانا اصدقاء فلفيس ممكن نكونو اصدقاء فالواقع ... نسفت بالقاوي خممت شويا : اوك بشرط .... ادم : و يا ربي أمر من عيوني ... ليليان : أصدقاء وعد ... ادم فقلبوا (وعد الرخيس غير خيط و قيس ): وعد الحر دين عليه ... ليليان زادت ثقتها فيه سهرو مع بعض فرحت بزاف و رجعت لدار كملو سهتهم و حكاباتهم فلفيس ... ليليان زادت تعلقت بيه و حست روحها تعشقو خاصة و انو كان كل يوم يديها تحوس و يلعبو ... لكن نواياه كانت خبيثة و الدليل انو ماقدرش يصبر كثر و بان وجهو الحقيقي (يقولو لي يجبك صح لازم تستنا تقولو نبقاو اصدقاء و تبعدو ديما عليك اذا قبل و بقا كما عرفتو يحبك لكن اذا ماكانش يحبك مايقدرش يصبر و يبينلك نواياه الخبيثة من جيهتك ) ..