كرونيك: 💕انتقام_البنات 💕

07

#الحلقة7:
في فرنسا :
نضال : هياا يما نباتو هنا واقيل هيااا البلاد يا ماما توحشت ريحتها و صحابي و الجدة
امينة : خلاص احنوني دوك طريق غير نغلق الكوزينة
نضال :ياااو خلاص بعناها واش حابة تسيقيلهم ولا تفرشيلهم
امينة : ههههههه روح برك اني جيت يا لبهلووول
نضال عقد حواجبوا : احم كامل هاد الصدر و طابليطة شوكولا لي فتراباس و العضلات و القوة تقوليلي بهلول
امينة : حوحو يشكر روحو يا لبقلاوة تاعي خايفة يتخاطفوك فدزاير لبنات ههههه
نضال : انت حبيبتي الوحيدة فدنيا و حياتي يا ماماتي
امينة : اممم روح برك تحشليلي
**********
خارجة و تعيط (اسيل ) : ماما وين روحتي ماماااا وينك يا ماما علاه هكا ديريلي طول تهبلي فيا .... زادت شويا لقاتها عند الجارة : اففف انت هنا و انا نحوس
ام اسيل : علاش يابنتي واش صرا ولله ماني مهبولة يا بنتي صح ننسا روحي و الوقت بصح نرجع لدار ماتخافيش
اسيل : صحا ماما هيا انا نروح نخدم و شويا ارجعي لدار اوك ... باستلها راسها و خرجت
اسيل بنت بزاف محترمة ... و لا مرة خممت فزواج بحكم انها تخاف على امها و حياتها مكىستها بين المدرسة و رعاية امها ... زينها و انوثتها بالرغم من انها هاملتهم لكن زلة صح و روووعتها فلكلام و التعامل طغاة على كلش تقول ملاك في هيئة انسان ... النور يبان على وجهها ...