كرونيك: 💕انتقام_البنات 💕

11

#الجزء_الثالث:
#الحلقة11:
طاح ليل جات الممرضة عند قمر
الممرضة : آنسة باباك لازملو يبات هنا لضمان رعايتو ولازملو واحد يبات معاهو
قمر : ايه راني هنا معاه
بقات قمر حتى رقد باباها ... قاعدا تشم فريحتها : بععععق راني نعيف تقول خنزير نخرج شويا للهوا نزيد ننشف
خرجت تتمشا فلجنينة تاع السبيطار و تشم فلهوا و تشوف فنجوم : ايه يا ماما و تشوفي شحال توحشتك اعمري ... دمعت عيونها هبطت راسها شافت جهاد قاعد و يتكيف ... راحت قعدت قدامو ... شاف فيها و كمل يتكيف
قمر : علابالك مرات نحير طبيب يكمي الدخان
جهاد : علاه الطبيب كائن فضائي
قمر : نووو يعني عارفو مضر للصحة تنصح ناس و ناسي روحك
جهاد : مانكميش بزاف غير كي نحب ننسا
قمر : واش تنسا
شاف فيها مليح : حوايج من حياتي انساي برك مترجعيش كما يما تزني عليا و باينة عليك امك معلماتك النصح
قمر : ربي يرحمها
جهاد : بففف سمحيلي هاذي المرة الثانية
قمر بلا متحسطاحو دموعها و بقات تحكي : كانت مريضة بسرطان خلاتني و فعمري 4 سنين ماشبعتش حنانها خلاص
جهاد جبد بابيي موشواغ و عطاهالها ... مسحت خنانينها و طلعت راسها تقولو مارسي مالقاتوش .... تنهدت و رجعت لعند باباها .... قعدت قدامو و حطت يدو على وجهها : ايه يا بابا اهملت حباتك و انت فعز شبابك و ربيتني و رجعتني مرا و نص .. كفاه نخمم فراجل من غيرك انت حياتي و دنيتي نبقا معاك حتى ربي يدي امانتو بعد عمر طويل نحبك يا اغلى اب فدنيا و رقدت قدامو .....