كرونيك: 💕انتقام_البنات 💕

22

#الحلقة22:
قمر لقات خدمة عند قاضي رجعت نشيطة و ماكانتش تخمم في حاجة اخرى من غير باباها ... كانت ديما تحكي مع جهاد و رجعوا اصدقاء مقربين كان كل مرة يعرضها يفوتو اوقات شابين فالبحر ...
************
اسيل ناضت صباح رايحة لشمبرا تشوف امها ... لقاتها طايحة فلرض مشات تجري
اسيل : ماماااا وشبيك و تبكي عيطت لومبيلونص داوها ....
نضال يعيطلها تلفون مغلوق تهول عليها بزااف ... راح لدارهم و قق يطبطب مكانش طلت جارتهم من التاقة
حنان : يا وليدي ماراهمش هنا
نضال : و ماعللابالكش وين راحو
حنان : جات لومبلونص و دات اسيل امها لسبيطار
نضال لونو نخطف و راح يجري قلع لوطو طول لسبيطار ...
دخل سقسا الممرضة وين يلقاهم يجري حتان وصل للكلوار لقا اسيل قاعدة فلرض و تبكي كي شافتو ناضت تجري و حضناتو باقي مزير عليها و يمسح على شعرها
اسيل : يا نضال ماما راح تروح و تخلني راح ضيع من يديا
نضال : لالا اسيل بعيد شر راح تبرا و ترجعنا ششششت
خرج طبيب من غرفة العمليات وجهو مخطوف نحا الشاشية تاعو و حط راسو
اسيل راحت تجري تخبط فيه و هو مبكش : قولي وين راها ماما واش صرا
الطبيب : دعيلها برحمة
نضال نخلع.. و اسيل شافت مليح فطبيب و طاحت مغاشية ......
فاتو يومين و اسيل فطنت و نضال قاعد قدامها
اسيل : نضال قولي بلب كذب ماما وين راهي
نضال : ششششت اسيل خلاص مكتوب ربي
اسيل طرطقت بالبكا و بقات تعيط من الصدمة السبيطار تقلب ... و نضال حاضنها و هيا تعيط و تخبط فيه حتان بعدها عليه ضربها بكف ... نخلعت و بقات تشوف فيه حضنها و زير : ششششت راني معاك ......