صوتك كأنه نبض قلبي ٣٠ الاخير
احبك جدًا كموسيقة اللّيل ، كلون القَمر ،كشغف الحُب كرعَشة قلبي عندما أتذكر مَلامحك 💛😌✨ .
"ملاك"
اجتلنا بليل خوله تطمن عليه
كعدت يمي وحجتلي اصار بيها
_جنت خايفه من هل روحه كلت راح اصير مصيبه
_ولج مفكر انا بعدني اريد محمد
_ما تواصل بعد وياج
_ابد ولا حتى بحرف و لا اتصل
واحنا جاي نحجي سمعنا صوت ابو عمار
جايب العائله وجايين يتحمدولي ب سلامه
كعدنا بالصاله خوله طلعت وسلمت هو فلا باوعلها
ابو عمار _شلونج ام خوله
_بخير يمه الحمد لله
_ان شاء الله دوم
ملاك _باوعت الخوله نزلت راسها للفون
هو يسو لف ومنطلق وابدد ما باوعلها
رادو يطلعون عمار كلهم انا اوصلكم
شمائل خلي اروح وياك ونرد
_ههههههه امشي
طلعت خوله
_اصيل شنو وضعك ما ناوي تحجي بموضوع خوله
_لا صرفت نضر
_ليش
_هيج يا خوي افضل
ملاك _سمعت الحجي بس ما وصلت لخوله خطيه تنقهر
"ابو عمار"
بعد الي صار ما كدرت اتخذ خطوه خلي البنيه تروح ب حال سبيلها افضل
انا شنو رجال كبر ابوها شنو تحبني حتى عيب عليه احجي بهل موضوع
"خوله"
رديت للبيت وانا طالعه روحي صعدت للغرفه مختنكه ما اعرف شسوي كتبت مسج اله وترددت ادزه مسحته
رجعت كتبت اووف يا خوله شجاي سوين عوفي خلص خلص تركت الفون ونزلت يم امي كعدنا نسولف
_شبيج يمه مو على بعضج
_لا ماكو شي هيج شوي ضايجه
_ترا يا بعد امج انا صح كبرت بس بعدني اشوف مساع ما شلتي عينج عن الرجال
_يمه انا مالي حظ بهل دنيا
_يمه ان جان من نصيبج لو شما يصير هو الج وان جان مو نصيبج افضل لا تعلقين امالج بي
_ هو هيج افضل كعدت اسولف وياها لليل صعدت الغرفتي
كعدت اكلب بالحالات وشفته حاط صورته هو واصدقائه
سديت التليفون ونمت
"ملاك"
نايمه بالغرفه بس كلش ما رتاحيت اكره هاي الغرفه
اسمع حسه بالصاله يباوع فيلم واسمع ضحكته
شوي وصار هدوء نفتح باب الغرفه غمضت عيوني
حسيت بي قريب يمي ملاك ما رديت انا رجع صاح ملاك ما رديت غطاني وطلع
اوووف انا كلبي رهيف وهو حنين بس اووف منه من يعصب
شوي واجه فرش فراشه يمي
كتله ها شو اجيت يمي
_مو جنتي نايمه
_لا منايمه
_ادري منايمه وين اكو واحد ينام وبؤبؤ عينه يتحرك هههههههه
_هههههه شتريد هاا
_شنو يمج انا بكرباج اجيت انام
_روح نام بغرفتك
_اي والله افضل بس انا ستوني بالطرمه ومدري شنو شفت كلت خاف تخافون اجه يكوم
_ليش هيج سوي تدري بيه اخاف رد بفراشه وحط ايده فوك راسه
_ملاك انا صح اصيح واعصب بس لئن احترك من داخلي بس انا لا اكدر على فراكم وما اطيق البيت بدونكم
بويه تردين زعلين زعلي بس مو بره البيت
_مو انت طردتني
_وطردتج شنو يعني بويه انا اهذري هيج زين جاي اكلها يا بت ناس ما اكدر بدونكم اطلعون من البيت ليش زعلي وضلي بيتج
_كلامك يجرح
_تردون اصيل بس حلو بس يغازل ويحب ما عنده اعصاب وفعايلج الغمه وين اصرفهن
_لا و الله فعايلي مو غمه طكت روحي انا منها ما تستحي ما تستحي
_انا رحت وشفت وجها ولج معالم ماكوو
_هههههههه سناء ما قصرت ايدها ليكلك كرك تفتح ايدها وتصفكها ب راجدي
_خرب شرفجن بالعباس مو نسوان زلم متنكره
_هههههههههه خوله من تتعب توكف ع صفحه مو يرتاح كلبها ترد وتكلها كلبي كلبي من وراج وتهبد بيها
_هههههههههه والله فلم
_شنسوي غير هيه لازكه فد نوب وانا جاي احجي حط ايده على بطني شلون وليدي
_والله بيد الله
_ونعم بالله لا تتحركين بويه ما عولت يصير طفل
_اريد اعوضج ع صار اول مره
_هل مره هم ريم وسوالفها
_بس انا يمج وبكل لحضه تحتاجيني تلكيني يمج
_وحجيك
_اذا بس ترديني حلو هاي هيج طمع
_لا مو بس حلو بس لا تأذيني بكلامك
_ان شاء الله مره ثانيه ارزلج ع الخفيف
_هههههههه
_الله يخليج الي
