#صوتك كأنه نبض قلبي ٣
قطعتها بطنها معجنه خرب بالحظ خرب بعيشتج يا ليلى هسا صخمها علي
العصر نزلو
اصيل ترا شميت ريحه كيك
ملاك الله يخليك عمو لا تسألني عليها
ليلى هي هاي كيكتج ثول بطنها معجنه
اصيل ههههه سباعيه هي لازم تخرب اول مره
ملاك سويت كلشي مدري شبيها بس و الله طيبه تكدر ضوك
اصيل جيبولي قطعه اكلها وصاح حيل طيبه والله عاشت ايدج وشرب جاي
محمد انا هم اريد اضوك
انطيته قطعه محمد كلش طيبه مره ثانيه سويها احسن متأكد
ملاك شكراً فرحتوني
ليلى بعد ماكو مره ثانيه جيبولنا جاهز
اصيل تدللون
صاحلي بويه ملاك
اجيتله ركض مالج شغل بأختج وقت ما تردين سوين بس انطيني خبر كلشي اجيبلج بويه الانسان يغلط مره ومرتين و ١٠ هم بس بالاخير ينجح
ملاك تسلم عمي والله بس انت واخوك تجبرون بخاطري
اصيل هههه ليلى طيبه بس هي شوي شريره
ملاك هههههههه
اصيل خليني اروح لا تسمع بويه وانا مالي حملها
طلع عمي اصيل وهي تصيح من راسها سويتلها جاي وشربت حبوب
العصريه اجت ام اصيل بيت اهل اصيل بالفرع الي ورانا
امه حلوه تخبل وحبابه مره خيره
تلكتها ليلى بالصلوات
كعدت سويتلها جاي وسولفلنا شلونج يمه
ملاك بخير
الام عسا دومج بخير خو لويله ما تأذيج
ملاك لا ابد
العمه ادري بيها اخيتج لا ترحم ولا تخلي رحمة الله تنزل ليلى انا هيج
العمه اي انتي هيج انا ما احجي وجهين ديري بالج على هل يتيمه تراها توكفلج يوم القيامه
ليلى والله عمه ممسويتلها شي مو يا ملاك
اول مره صيحلي ملاك كله هلاك هسا صرت ملاك
اي خاله صحيح
العمه يمه تعاي لينا وزوريني
ملاك ان شاء الله
العمه امج مراه طيبه جنا من نروح ليها تتلكانا لوجه ضاحك
ملاك تنهدت والله يا عمه امي جانت لو يجيها خطار طير من الفرح تكول احباب الله اجو
العمه الله يرحمها معدله جانت
ملاك ويرحم موتاكم وكعدت سولفلي عن امها وابوها وعن ابو اصيل الله يرحمه وشون جانت عايشه وي. عيالها ومراويها الويل
حجيها كله حلو تنهي بكلمه الله يسامحهم الله يغرفلهم الله يرحمهم
مراه طيبه لليل اجه اصيل من شافها
رويحة الجنه هنا باس راسها خو ما محتاجه شي
الام لا ابد بس زعلانه
اصيل افا تزعلين علي جا ما تنقبل صلاتي امريني ليش زعلانه
الام صار سبوع ماكو شبيك يمه جيب عويلتك وتعال
اصيل حقج بس يا يمه مرات انشغل واتعب اجي بس اريد انام
ربتت ع فخذه حقكم يا يمه هاي دنيا بعد شنسوي
اصيل بعيني باجر اجيبهم واجي اتعشا وياج
الام هلا بيكم وجيبلي هاي الحليوه وياكم
اصيل حاضر
رادت تروح خذاها بالسياره ورد سوينا العشا
ليلى باجر نروح للسوك نشتري ملابس عكب باجر عرس تماره
اصيل تمام
ليلى جواد اليوم اجه وجايب فلوس ال ملاك
اصيل انا شكلت
ليلى والله اذا نا تريدهن انا اريدهن اشتريلي بيهن شي وانت اشتريلها
اصيل هذا هو بكيفج
ثاني يوم طلعنا وشتريتلي فستان حلو اسود قصير وبي وشاح اسود مطرز و شتريت حذاء بيج عالي
وبليل رحنا البيت اهل اصيل
تلكتنا المراه بالسلام والكلام
هي عايشه وي اخو اصيل الجبير ابو عمار
انسان هم خلوق اصيل بس شافه باسه من راسه
كعدنا تونسنا وسولفنا عنده بنات بعمري
ردينا للبيت نمنا ثاني يوم العصر لبست الفستان وسرحت شعري وخليت مكياج خفيف
سمعت صوت ليلى اصيحلي لحضه ليلى بس البس العبايه لبست عباتي هاا
غسلي ل وليد وصخ روحه
نزعت عباتي ورحت اغسله اصيل ومحمد بالصاله
شوي وسمعت صوت محمد بالحديقه يخابر
هنوب عباتي ضلت بالمطبخ خرب
صحتله محمد
محمد هاا
فدوه عباتي ع الميز مالت مطبخ جيبها
محمد ههههههه حاضر انطيتها العبايه
لبستها نزلت خليت شال ع وجهي استحي من عمي اصيل عيب هسا شيكول
اصيل هاا ولج يا حلوه مغطيه وجهج
ليلى مو خاله مكياج وتستحي
اصيل مو شكال بويه غير رايحه عرس
شكراً عمو
وصلنا وبنات عمتي اجن حضنني وبوسني ومشتاقيلج وصايره لعابه اي كلش من دلال ليلى صايره لعابه
عمتي حضنتني وضلت تبجي مسحت دموعها اليوم عرس بنيتج لا تبجين شغلو ديجي ركصت وياهم شوي مدري ليش تخايلت امي وابوي وكعدت ضجت الله يرحمهم
اجه العريس حلو شفنا وتماره متونسه
بعدها سمعت صوت عمتي ثانيه تكلها يا هاي بت اخوي المرحوم
المراه فدوه الله تخبل يمه انتي مزوجه
باوعت ليلى ما بدر منها رد فعل لا خاله ممزوجه
كالت غير الولد عميان هههههه
بالبدايه من يردون يخطبون الامايه سوي الجنه بس هي وبس تالي تشعل صفحته اهلها بس مو كلها هيج اكيد والعكس صحيح
طلعت بالحوش يم البنات واجه عمي اصيل حيل ستحيت ملابسي قصيره ضليت اجر بيهن
اصيل ها بويه تصيحليينا ام الوليد نروح
ليلى جايين عمري جاين دخلت ركض لبست عباتي و حجابي ونطلقنا للبيت
وليلى تحجي بالعرس شون حلو وتونسنا صدك تونسنا
واحلى شي صار عماتي كل وحده انطتني مصرف انا مو بحاجته بس احس عندي اهل يذكروني ويحبوني تفرحني
بدلت ونمت الصبح مثل كل يوم كعدنا نضفنا البيت وحضرت الريوك
اصيل جواد عازمنا الجمعه بيتهم
ليلى همزين والله طلعت منه عزيمه
اصيل هسا فرحي يا بت ناس
ليلى فرحنا اريد اروح اشوف هل علي بعد ما ماتو اهلي ما شفنا شنو نسا تبرا من عدنا
اصيل الي ما يهتم بيه فلا اذكره
ليلى الي عدها مثل ابو الوليد ما تحتاج احد بس اريد افشله
اصيل المهم خبرتكم يلا اودعناكم
عمو نسيت سويجك انطيته اله وكمت حضرنا الغدا مسوين دولمه اليوم ليلى تلف ما اعرف وانا اطبخ اعرفلها هي علمتني وتخلي بيها ضلوع تموت اصير
كملت دولمه
دخل محمد سلم ودخل الغرفته شوي وطلع هاي جبتها الج باوعت علبه حلويات شكراً كلش حلوه
محمد بالعافيه رفع راسه وكلي اريد رقمج اريد احجي وياج بموضوع
ملاك والله ما اكدر ليلى متقبل وانا اخاف
اصيل دخلت وسمعت حديثهم لا بويه انطي رقمج اخوي
يريدج بموضوع مهم
ملاك خجلت حيل
اصيل انا ادزه الك
طلعو من يمي وانا خايفه كلش هاي اذا دزت سويها ليله مصخمه علي
بليل اجيت انام لكيته رساله هلو ملوكه انا محمد
هلا محمد امرني كول
محمد انا حاب اخذ رأيج اذا اتقدملج توافقين
ملاك قريت رساله مسحت رقم و حضرته ونمت رأستن والله اذا ليلى شوف رساله تعدمني باب شارع
محمد متت ضحك عليها حضرتني
صلاة الفجر كعدنا نصلي توضيت وصعدت الغرفتي
اصيل بويه ليلى انا جوعان ماكو شي منا منا
ليلى تدلل حبيبي سويتله جاي وجرك كعدت تاكل وياي
شعجب جوعان
اصيل كعدت جوعان و عطشان تدرين حلمت ب ابوج
ليلى شحلمت
والله مدري شكلج خوفني الحلم شوي
ليلى اسم الله لا سولفه الي
اصيل هو ما راح احجي الاحد عسا خير
اكلج شو صايره حلوه
ليلى عيونك الحلوه
اصيل عكب باجر عزيمه اخوج مو تنسين يلا بويه خلي نرد نام ردينا للفراش حطيتها بحضني ونمنا للساعه ٧
فزيت بدلت ونزلت للشغل
محمد ابو وليد
اصيل هاا
هاي الخبله امس كتلها اريد اتقدملج حضرتني
اصيل هههههههه ترا ملاك خوافه تخاف من ليلى انا ارد واحجي وياها
محمد داخل على بختك بويه لا تتفرهد البنيه من ايدي
اصيل ههههههه ولك انت مستوي
محمد ع الاخر يلا اودعناكم
اصيل الله وياك
ملاك كعدت ومثل كل يوم نضف البيت وسوينا الغدا اجو الولد تغدو ونامو العصر اجو نسوان ثنين انا جنت فوك صاحتني ليلى عر فتها هاي المراه سألتني بعرس تماره
سويت عصير و كيك
اصيل بويه هذولي منو
ملاك هاي مراه سألتني بعرس تماره اذا انا مخطوبه لو لا
اصيل اها اضاهر كبرتي بويه
ملاك هههههههه والله خايفه من ليلى
اصيل لا تخافين خليج قويه ترا الي يخاف بساع ياكلو ويكدرون علي خلي شخصيتج قويه
ملاك ان شاء الله كعدت يمهن شوي وهي تباوعلي وتكول ابني مخلص هندسه وعنده بيت وحده
وتباوعلي وليلى تكول الله يقدم البي الخير
شوي وطلعن النسوان وليلى كلبت دنيا
اصيل شو خذيتي سالفه صياح شبيج
ليلى ما تزوج تكعد يمي احسن
اصيل ليش مو ٢٤ ساعه تعاركيها
ليلى بكيفي وصعدت
ملاك حيل نقهرت اتمنا اخلص منها
اصيل تقربت من محمد الله يعينك ع هل طركاعه
بويه ملاك تعاي شوي
ملاك ها عمي فتحي الحضر من الوليد مسكين ينتضرج من امس
ملاك ما شفت ليلى سوت عمي والله تذبحني بنص الشارع
اصيل اضحك مدري انقهر عليها بويه فتحي الحضر ومالج شغل
ملاك حاضر
هسا بداعة اميمتج سويلي جاي وجيبي للطرمه
تدلل
محمد انت شوف ضلم ليلى
اصيل اي
محمد ليش متوكفها عد حدها
اصيل كل ما اقسى على ليلى تقسى على ملاك هيه
لا عبالك تجيب نتيجه انا خال ليلى هيج سوي اذا ادخل زيد خليها بس صيح و تغلط لو شديت وياها توصل للضرب
محمد يمته صير حلالي واخلصها من ليلى
اصيل اصير اصير بس اصبر
يوم جمعه رحت البيت جواد وزوجة ستقبلتنا من ورا خشمها
جواد حضني وباسني هلا بريحه امي وابوي جان مسوي عزومه ثواب الامي وابوي اكلنا وقرينا سوره الفاتحه وكعدو يسولفون ما تخلون اليوم يمي ملوكه
زوجة ياا ليش تأذيها خليها يم ليلى
ليلى خايفه عليها كلبج حنين
اصيل خويه جواد شفتها انت ترد وياي اذن
احنا منكدر بدونها هناك تعودنا عليها
رديت ودمعه بعيني
محد يريدني
#عريان_يكول :
- من شفنه الحجي مكاطف ♥️"
- عرفنه وجوهنه نملت
لفيت راسي ونمت
زارتني امي بالحلم وطول هل سنين كلها امي ما زارتني
يمه هلا بجيتج يمه وجهج ما تغير وهي من بعيد تباوعلي ومبتسمه بوجهي
جان تكلي ليش يمه لابسه اسود
باوعت روحي صدك لابسه اسود يمه ايامي بدونج كلهن سود
الام لا لا يمه هاج لبستني ثوب ابيض يخبل وسلمتني قطعه قماش بيضه شميتها ريحتها تخبل
فزيت وانا اكول اللهم اجعله خير
اسمع صوت الاذان كمت توضيت وصليت صلاة الفجر
سمعت صوت مسج محمد واخيراً شلتي الحضر
شلونج
ملاك بخير
واخيراً رديتي علينا
اخاف من ليلى سويلي مشكله
محمد ان شاء الله فتره وتعدي
ان شاء الله
محمد انا معجل بيج واريد بس تخلص هاي سنه اخطبج
ملاك فرحت حيل بلكي اخلص من ضيم ومحمد ولد حلال
وين رحتي يمعوده بس لا حضرتيني
ملاك هههههه لا
اروح فدوه للضحكه
ملاك خاف ليلى تدري
ولج عليتني بهل ليلى
يتبع.......
راوني تفاعلكم
