صوتك كأنه نبض قلبي ٢٤
بسم الله الرحمن الرحيم
(في قلوبهم مرض فزادهم الله مرضاً)
صدق الله العظيم
خوله _ تصلت ع ملاك هلووو ياب
ملاك_ هلا بيج
_يابه تعاي يمي ضايجه
_حاضر تدللين هسا بس يجي جواد اكله واجي
_مو تتأخرين
_لا ما اتأخر
بس اجه جواد كتله وخذانا الها
دخلت شفت اختها الصغيره اذكرت الي صار وياها صار وياي
بوستها ودعيت بكلبي ياخد حقي وحقها
خوله عدها خوات بعد بس مزوجات وهاي الوحيده الي باقيه
بس تخبل احلى من خوله الجمال العليهن مو طبيعي
خوله _ لج ونبي طاك كل عليج ضايجه بوحدي
_الله يشتت الفركنا
_امين ياررب
اجتي رضاب يا حلات البنات بوستها
كلتلي عندج حلويات
خوله _ هاي نضامها حلويات نههههه
جبت حلويات لج العلاكه الي جانت بيدي وينها انطيها الها
ذكريات ضاجت تريد هي هم حلويات
طلعتهن الهن خوله وخلتهن ياكلن
خلخل بيج شي
خوله _زميل وياي بالجامعه متقدملي
بالله انا اضل معلكه وي هذا العار
_شسوين يا اختي اصبري بلكي الله يفرجها
كعدت ضايجه تحجيلي بحركه خطيه هل بنيه شافت الضيم وياي
_لج كارهته ابدي الزمه انتفه
_يجي يوم لا تخافين
_طول حيل هل يوم
_انا هم هيج جنت اكول واجه هل يوم
_ تدرين ريم واهلها سافرو
_شون عرفتي
_ من اجه عمار جابلنا المصرف حجالي
_الله ياخذها ان شاء الله ام سحوره
_دمرتنا الله يدمرها هي واختها
_حسبي الله عليهن شعجب اجه عمار
_ابو عمار جان بالنجف يزور واجه عمار جايب المصرف
_ورده ولده عكس امهم الله يرحمها
تدرين من جنت اصغيره اكول اسراء ماكو منها انا فد غبيه وفطيره ياهو الاشوف يضحك وحباب اكول عنه زين
خوله _هههههههه هسا بعدج غبيه
_هههههه لا ضليت اعرف وادمي
_شخبار الحب
_يبووو يا خوله ما اريد احجي
_ليش ولج والله ابو وليد ورده
_ورده بس ما بيها ريحه لج نسيتي الي سوا بيه كل ما اغير ملابسي اششوف اثر الطلقه الي انا مالي ذنب بيها احقد علي اكثر
_يمعوده زلم كلشي سوي وعذري بالموقف الي شافج بي
_اي عادي يتحمل الي يجي مني
_الحجي بيناتنا تردين ترجعين البيتج
_اممممم اي بس مو هسا
_هههههههه يمته
_الحد ما اخلي يكول كرهت نسوان انا الحد هسا اختبره اصيل ميعرف يعيش بدون مراه
لج صارله ٨ اشهر بدون مراه
اي بس مثل المدمن يريد ويا وحده بالبيت اذا قاوم ينولني واذا لا اطلعه من حياتي وانتهى الابد
_اخوانج شنو موقفهم
_جواد يكلي ردي منو الج غيره
علي يكلي بكيفج
_هنيالج على اخوتج هلبت عدي اخو يحاميلي
_يا عمري انا للزعلان شو تعاي قهرتيني
_اتمنا عندي اخوه ياخذون حقي من الحقير محمد
_لا جا هو ميفيد الواطي يبقى واطي
_ههههههههههههه
عمار_ رديت للبيت خابرت ابوي ها يابه
وصلت لفلوس الام رضاب
ابو عمار _ عاشت ايدك وليدي انا اليوم ارد ان شاء الله
عمار _ توصل بالسلامه
حطيت راسي ع مخدتي وايدي على عيوني اووف اخت خوله والله شايله جمال
هسا من اطك راسي بالحايط ٧٠٠ مره ابوي ميقبل ازوج هسا
بس انت كبرت
اتخرج بابا هاي اخير سنه وازوج
بس ازوج هاي الي عمي....
وهي شدخلها بعمك النذل
كمت على حيلي استغفرت ربي وطلعت يم بيبيتي
(حبوبتي =جدتي)
بست راسها وكعدت اسولف وياها حجيه انا اريدج ساعديني بموضوع
يااا مدام موضوع سالفه بيها مراه
عمار _ ههههههه شون عرفتي
_معروفين انتم يلا يمه كلي منيه
_اخت خوله
_يمه شوف البنيات حلوات وصاحبات اخلاق بس انت شوف وضعك اذا بس علمود جمال يمه ابعد خطيه بنات ناس
مثل محمد الله يسامحه دمر بنيت ناس ترا بنات الناس الهن حوبه يا يمه وانت عندك اخت
عمار _ لا حجيه والله اريدها زوجه الي البنيه مبينه حبابه وانا مشفتها بس خطف هي ركضت ليكلك غزال
_يا ولك فلك طرك تتغازل بنات ناس حرام
_حجيه هسا ساعديني لو شون
_لا اساعدك بس يجي ابوك نكعد ونحجي ويا بس شد حيلك بالكليه مدري شسمها
عمار _بست راسها اروح فدوه الج
اصيل _ كاعد بالمحل ارتب بالملابس
اجن بنات يشترن ملابس ووياهم وحده مشالت عينها وانا كاعد بيدي الفون كالت بلا زحمه شكد سعر هذا
باوعت ٢٠
_جا شبيك تحجي ويانا معلك
_لا يابه تدللون امريني ضحكت بوجهي ما يامر عليك ضالم
_ اشترت بالاخير وكلتلي ممكن رقمك اذا اريد نشوف بضاعتك ع وتساب او توصيل
اصيل _ اسف خويه معندي توصيل اعتذر منكم
طلعت وهي ضايجه
والله لو تدري ملاك ههههههههه
الظهر قفلت المحل وخذيت العاب الاطفال وخذيتلهم حلوييات واكل جاهز ورحت الهم سلمتهم الغراض هي مطلعت ولا شفتها من الباب رجعت
دخلت للبيت البيت هوسه بيت بدون مراه ما يراد
كعدت ارتب شوي اكلت لكمه و نمت للعصر
طلعت البيت اخوي اشوفهم شلونهم
الله يساعدكم يابه
عمار _ ويساعدك
_ابو ك يمته يجي
_بالطريق
_محتاجين شي
_سلامتك يابه اكلك عمي انا رايد ازوج
_وابوك
_هو قافل بس انا اريد ازوج اريد مراه يابه انا مو صغير
اصيل _بتسمت هذا طالع عليه
_يابه هسا شنو
_خاب مو كتلك احجي ويا بس هي منو
_اخت ام رضاب
_كول والله
_والله
_اذا انطوك تعال كابل هل وجه
_ ليش ما يطوني
_بعد سوايته عمك الدوني
_خرا بعمي انا شلي دخل
_ههههههههه دكوم كوم لا اهفك
لليل اجه ابو عمار ارتاح وسسوله اكل وكعد يسوللف وياي
اصيل _ السفره شون جانت
_معدله والله
_الحمد لله
ابو عمار _ وجوهكم ما اطمن صاير شي
شهيد _ههههههههه بويه عمار يريد يزوج
ابو عمار _ بويه خلص هل سنه وتدلل
اصيل _ يابه انت ساكمنا بالدراسه خلي الولد يزوج اذا باله وحيده شون يدرس
_يدرس غصب عن راسه حتى ينجح لئن اذا ما نجح سنه كامله ياله يزوج
عمار _ اخاف تروح مني
ابو عمار _ومنو هاي
اصيل _يريد اخت ام رضاب
_ابو عمار نهههههه امشي هسا اخطبلك واذا انطوك اعتب عليه
اصيل _ ههههههههععه
عمار _يابه لا تلعلعلوني البنيه اريدها واريد اخطب اروح واشوف شنو يردون طلعت وانا ضايج كلش
اصيل _يابه خطيه زوجه البنيه
_هذا يشبهك
_غير عمه
ابو عمار _لك سكط تعال
عمار _اذا ما تخطبلي بالعباس ما اضل بالبيت
ابو عمار _ ترا اكوم انطيني مجال هل يومين اشوف وضعي دوامي اذا عندي وقت فراغ نروح الهم
عمار _باجر
ابو عمار بطلت
_لا لا خلص وقت متحب
ابو عمار شو تعال والله وكبرتو يابه
اصيل _ ان شاء الله اشوف احفاد احفادهم
ابو عمار _والله زواج يكسر الظهر يا بويه
اصيل _يابه خلي الولد يزوج هم بنيه تعاون صبا
صبا _اي عمي حجيت كلمه ع كلب اي بويه ترا شغل البيت كسر ظهري مثله مثل زواج
ابو عمار _ههههههههه حاضر بويه حاضر
