صوتك كأنه نبض قلبي
يا دنيتي ليه أنا حالي غريب؟
القلب يشكي جروح من دون أسباب
أجلس وفي قلبي طعون وتغريب
والعين كلّ الوقت تبكي من الأحباب
يا دنيتي تكفين لاصرت عايش طول عمري بتعذيب فالموت أرحم من زمن ما به أحباب
نقمه طركاعه مصيبه واجت على راسي وينج
ملاك ما لحكت ارد اريد اركضلها عثرت بعتبت الحمام اجيت اجيت
ليلى وين وليتي هاااا
ملاك غسلت ايدي اجيتج
ليلى ولي روحي غسلي المواعين و سوي جاي
ملاك تمام
محضره جاي قبل الغدا بس غسلت مواعين وصبيت جاي
اصيل عاشت ايدج
ملاك وايدك عمو
محمد عاشت ايدج
ملاك شكراً
ليلى سمعي امس شتريت وجوه مخاد روحي ركبيهن وخيطي الطرف ورديهن للنضيده ( مكان خاص بالفراش)
ملاك حاضر صعدت وبلشت اسويهن سهلات كلش
اصيل هلا هلا بيها ترا يتيمه واخيتج
ليلى ساعة سوده الماتو بيها وعافوها الي كله منك انت كله
اصيل ولج كلبج جلمود اخيتج وهيج تحجين
ليلى وشسويلها بتليت بيها هذوليج نكبرو وانا طايحه بيها
محمد كمت ما تحملت كلامها
ملاك حطيت لطميه الملا باسم وكعدت اخيط وابجي
اوووف يميمتي عفتيني ورحتي هانت روحج علي
كل دلال دللتينيا بجالج اخيتي طلعته من روحي
وانت يا بويه ما كلت هاي بنيتي اضل وحدها
تولوني يا بويه لا رحمني اخو ولا اخت الغريب يحن عليه وهمه لا
وامنتهم وما دارو امانتك والغريب يوم الامنته حطني بعيونه
عيوني يصبن ما ضليت اشوف الابره جان تدخل بصبعي خرررب كمت مسحت صبعي بكلينسه دخلت ليلى شبي صبعج
ملاك بزتني الابره
ليلى غبيه وثوله وما تعرفين اي شي صوج مو بيج ب امج وابوج دللوج وخربوج وشمروج على فركي هسا لو ميته وياهم جان رتاحيت
ضليتي عاله عل كلبي
اجاها صوت اصيل لفي السالفه ليلى
ليلى سمعي لج رايحه لعيالي ارد الكاج مخلص البيدج والبيت نضيف وغاسله ملابس واضح
ملاك واضح
طلعو ضليت وحدي اصلاً ملابس غاسلتهم ورتبت بيت وخلصت المخاد وخليتهم بالنضده فتحت قرايه ملا باسم وكعدت بجيت وانا اذكر
اذكر ايام عزي ودلالي اذكر ايام سعدي وهناي ايام فرحي
ايام راحتي وسعادتي
قبل ٥ سنين يوم خميس مجتمعين والدي مسوي ثواب الامه وابو اليوم دورة سنه جدي فاا سوالهم ثنينهم سوه وبليل يطلع للنجف
الام يمه ملوكه كملتن الحلاوه
ملاك اي يمه حطيناها بالسفري
الام حطو فوكها جرك وجيسوها والعصر نوزعها
حاضر كمت سويت مثل مرادت وياي بنات عماتي
ابوي مسوي اليوم باجه جدي جان يحبها كل ٣ بصينيه جبيره ومتروسه لحم ووزع للفقره من راس جدر
ياله احنا وودزعو الحلاوه كعدنا بالحوش نغسل المواعين نسولف ونضحك وفلانه نخطبت وفلانه زوجت صغار بس هذا حجينا جنت بصف ٣ متوسط و الاوله ع صفي ذكيه وشاطره مجان عندي شي بس اكل واشرب وادرس ابوي لو كلت اريد شي يجيبليا
ولو دخل وصاح ملاك كلبي اوووف الف رحمه. ونور تنزل على كبرك يا اطيب اب بالدنيا
جانت لو تجي ليلى امي تحطها بعيونها
وترد البيتها محمله وهسا ليلى طب تطلع اسب امي وابوي تخليني اشتعل واطفى
سمعت صوت باب كفيت دموعي وكمت. السلام عليكم
الكل وعليكم السلام اصيل تفضل يهاي حلويات الج
ملاك شكراً عمو
صعد محمد وليلى شايله خشمها
اصيل بويه ملاك رحمه الذاك الاب طيب ستكان جاي
ملاك تدلل
كل ما يسخرني اصيل يكلي رحمه ذاك الاب طيب لو يكلي رحمه الوالديج يخليني اطير من اسمع واحد يترحم الامي وابوي احبه كد ما بكلبي حب
سويت جاي اجيت سمعته تكله رتاحيت من شتريتلها حلويات
اصيل ولج الله وكبر هنا ب الف شنو قيمته كلبج حجر دخلت العلاكه يمهم ضلت فتحتها بيها اجباس ونساتل فرغت جبس بصحن ونساتل خليتها وجبتها سوه ناكلها
ابن ليلى شكراً خاله
ملاك تدلل عيوني انت
هذا طفل وياي ع طول ليلى الشي الوحيد شاطره بي ٢٤ ساعه تهتم بروحها ومدلله نفسها
بس ابد ممهتمه بشي ثاني حتى ابنها عليه يعني ابدل واغسل واوكل
اصيل محتاجه شي بويه
ملاك تسلم عمي ما تقصر
بعدها رحنا نام انا انام يم وليد ابن ليلى
عوده قبل ٥ سنين
اصيل سلام عليكم
الكل كام سلم علي اجه باس راس ابوي
جواد خويه اصيل انا باجر صبح اجباري اطلع للكوت ما تروح وي الحجي للنجف
اصيل بعيني لو اكدر بس باجر تجي بضاعه للمحل و ما اكدر اتركهم
الاب كل مره اصيل يروح وياي هل مره معذور
علي وانا عندي جامعه محاضرات مهمه والبيت
الاب اصلاً هل مره اريد نروح وحدنا اريد اونس مريتي
الام يا حجي عيب
اصيل العيب بجيب خلي يغازلج عمه
ليلى هههه جا شنو متروح ملاك
الام لا ما اخليها تروح ما اربدها تدخل كبور وهي تتعب من الطرق طويل
ليلى اي تكضيها تتقياء اتعبج خليها يم بيت جواد
ملاك بجيت ما اريد اضل اريد اروح
الاب لا تبجين يا روح ابوج مره ثانيه وعد اخذج
سكتني بكلامه المعسول جن كلبهم يدري ما راح يردون بعدلي خبزه بهل دنيا
بليل طلع ابوي وامي والدي الي يسوق والدي بكامل صحته ما بي شي حتى نضره حبيبي اووف اروح فدوه الكلشي بيك
كضيت صلاحيه الماي انتضرهم يحركون واطشها
ابوي امني يم جواد
امانه يمك بنيتي
جواد بعيني حرك ابوي سياره مشه ورد النا
اصيل
اصيل ها عمي
الاب امنتك ملاك ذمه بركبتك يا اصيل
اصيل افا عليك بعيني اطلع وتردلها سالم
امي اوووف امي امي يا نضر عيني امي الحد هسا اذكر نضرتها من باوعتلي هي نضره بس حجت وباست و حضنت و سولفت وامنت
