#صوتك_كأنه_نبض_قلبي ١٠
جنت ليّه الاهل انت وجنتلي البيت
وبس انت الجنت بالدنيا عاجبني
وجنت انت التذوّب قلبي لو عدّيت
وأطيحن لو عيونك مرّه تنظرني
جم مرّه الوكت يجرحني متأذيت
بس زعلك عليه الجان يألمني
بشر غيرك أبد بكليبي ما حطيّت
وكل واحد بعد بالدنيا ما همني
(حفل زفاف محمد)
ملاك صلاة الفجر كمت صليتها ودعيت الله يطلعه من كلبي مثل ما دخله ودعيت الله ما يخليني انقهر واغار كافي الي بيه يكفي
ندك الباب عمي اصيل تقبل الله
ملاك اعمالنا واعمالك كعد يمي يحجي وياي
وهو مقهور عمي انت ليش ضايج علي
اصيل مقهور بسببي انا خليتج تتقربين منه جنت محسب هو كد المسؤليه بس غلطان طلعت
ملاك عمي احلفك بالله اليفكد امه وابو بعد يتأذى لا و الله صح مقهوره بس امر عادي ايام وتعدي
انا يوم الراحو امي وابوي خلص ما عاد يهمني شي لا تنقهر مو انت دائما تكللنا الدنيا اختبارات وهذا ختبار
مسح على راسي والله بويه انتي طالبه شاطره يا خوفي يجيج اكثر من هيج
باس راسي وطلع مقهور علي هل مسكين
ليلى مقبلت تروح من صبح تريد تروح العصر بدلنا وطلعنا
ابو عمار تلكانا من الباب بعد سلام دخلنا بوست ام اصيل هل مره دره مالت الله ورانا ب شوي دخلت عائله زوجة ابو عمار وبدت ليلى ذب كلماتها وهذنيج يردن
عمي اصيل صاحلها كلها اذا صارت مشكله ما تلومين الى روحج جايينا ناس من بغداد عيب استحن شوي
ردت مقهوره شون يحجي عليها
كعدت كالت اريد ماي انطيتها
مر اليوم وانا مدري شنو حوالي اصلاً بالي مو يم هل عرس ابدد وحضرت الخاطر الناس لا تحجي
وليلى هم عمي اصيل كله حاجزلك فندق مقبل كله غرفتي اروح اكضي اول ليلى بيها
وزفوهم للبيت واحنا هم ردينا بس عرف دخلنا بده يعلي صوته انا نسحبت بساع الغرفتي بدلت وتحممت و كعدت اقراء قرأن صليت بعدها نمت
ثاني يوم تكسلت اكوم سمعت صوت عمي اصيل يصيحني لبست حجابي وصحت من المحجر اجيت عمي
نزلت والعروسه كاعده صباح الخير
الكل صباح النور
مبروك يا حلوه ربي يجعلها زواجة دهر
هي بتسمت وكالت يوم الالج
اصيل اريدلها زلمه حوك يخاف الله بيها
ليلى......
بمرور الايام كتشفت خوله ورده مالت الله
لو صعدت الغرفتي ضوج هي ب عمري
نكعد نسولف ونخلص شغل سوه هي صبح بالجامعه
بليل تنضف كلشي وتطبخ هم وانا اكمل من اكمل الصبح
حسيت الله دزها رحمه تواسيني بهل بيت تونسني كشكوليه
من يدخل محمد بعد انا اصعد
جيران بيت اصيل خطبني ورفضت ليلى ك العاده
عمي اصيل كلها رايح ل جواد واشوف شنو يكول
وهي قنعته شايفته يشرب بالشارع وهو خايف علي سكت عن الموضوع
مفري الوحيد منها زواج بس هي مستحيل تقبل
صار عيد ميلاد وليد سوينا بالمطعم سوته بطاوله خاصه حيل فرح صار عمره حبيبي ٥
اعتبره طفلي لئن ع طول يمي
ع طول يلعب وياي و ندرس سوه وصلنا للحرف ج
يا بويه قصه هل جيم
الحد ما كتله سويله كرش ياله كدر يتعلمه ويعرف جيم بكرشه نقطه و الحاء ما بي نقطه رايحه البيت اهلها و الخاء نقطه كاعده فوك سطح يووو سوالفه تخبل
