#صوتك_كأنه_نبض_قلبي ١٢
مازلت بتلك العاده الطفوليه ، أبڪي عندما يحدّثني أحدهم بطريقه سيئه
جواد صحت ملاك وينج
ملاك اجيت
جواد تعاي شوفي جبتلج
طقم كامل حذاء و جنطه
ملاك نزلت من شفتهم فرحت بيهم
بوسته يجننون
سناء جا انا شبيه مجيبلي
جواد مو امس راويتجياهن كلهن وكلتي ما عجبني
سناء بس هذا عجبني
ملاك مو شكال اخذي وانا جواد يجيبلي
سناء لا يعيوني انا مو مجديه
اذا مذب كلمه تنجلط باوعلي جواد ختولي غلسي شرايج بيهن
ملاك يجننون
صعدت فوك اللحضه صفنت و الله وبعدني مثل طفل اذكر من والدي جان يشتريلي شي هيج افرح بي واركض اقيسه واكعد اشوفه كبال المرايه واذا ملابس اكعد ارقص بيهم ما اعرف ليش بس هيج اسوي
الطفل الي بداخلي بعده يفرح اووو نسيته احس عمري ب ٧٠ ع هل ضيم الي عندي
اصيل
_____
والله ما ادري يا خوله
خوله واذا اكلك اكو بنيه معدله وهي الوحيده الي تعتني ب ابنك
اصيل ومنو هاي
خوله ملاك
اصيل.......
محمد شجاي تكولين انتي وكام
خوله ستغربت من رد فعل محمد بالله هذا شبي
اصيل وانتي شتكولين هي ممكن تقبل
خوله بتسمت اذا تريد احجي وياها
اصيل ما اتوقع تقبل البنيه هم من حقها تزوج ويصير عدها اطفال وانا موضوع ليلى بعدني ممجاوزه بس ابني كاسر ضهري
خوله وانسب وحده الابنك ملاك وبمرور الايام
تتعايش وياك مثل اي زوجين
اصيل......
كمت لفراشي اجه وليد يمي
اصيل تريد خاله ملاك ترد للبيت
وليد اي خاله ملاك درسني احسن من المعلمه
اصيل بس علمود دراسه
وليد لا وتشتريلي لعبات وهواي تحبني
اصيل.....
حطيت راسي ونمت ما اكدر افكر بهل موضوع ما اتوقع تقبل ملاك
ملاك يوم عجاج ودنيا صارت حمره حمر
ركضت اجيب الملابس من الطرمه كلها طايره
هل يوم يصير كئيب و كهر باء طافيه
جريت ملابس وردت ادخل سناء سدت الباب دكيت الباب
سناء خليج بره ما دخلين
ملاك وحق الحق يا سناء اكسر الباب
سناء متكدرين
الباب خشب حطيت بي دفرتين انفتح
جريتها من شعرها للحوش بعد متحملت فاض صبري شياطيني تجمعت فوك راسي وصعدت فوكها ودك ع وجها مالخ مالخ
جواد
____
كاعد بالشغل واجاني اصيل الله يساعدك
جواد ويساعدك
اصيل تفضل مصروف ملاك
جواد لك والله مناقصها شي
اصيل تاخذه لو ادفرك
جواد ما تقصر والله
جواد عندي موضوع وياك
اصيل الي هو
جواد لحضه اخلص شغلي ونطلع للبيت
اصيل تمام
لحضات خلصت البيدي وطلعت للبيت
بالسياره شوف اصيل يشهد الله لو ما احبك ما احجي وياك بالموضوع
اصيل ياله خوفتني صاير شي
جواد كل خير بس نتغدا ونحجي بالبيت
لحضات وصارت دنيا حمره كلبت عجاج. اصيل انتبه
جواد شوي شوي اسوق
وصلنا للبيت دنيا تطاير
فتحت باب المنضر شفته صدمني
ملاك فوك سناء وطايحتلها كتل
اصيل لج سودنتي وجريتها
ملاك وانا ابجي اي اي سودنت موتتني لكم هل بنى ادميه
ما بكلبها رحمه كامت وهي كل وجها يخر دم وتصرخ
جواد تخبل خويه جا هيج
ملاك ابجي وانا مكفشه حجابي مدري وين
اصيل اصار دخلو يلا
دخلت وهي تصرخ من ضهرها ما اضل بالبيت اختك مجرمه
ملاك هدوني خلوني اريح كلبي بيها لج اليوم احركج بالنبي
اصيل اصاير احجي
ملاك طلعت اجيب ملابس من الحبل وقفلت علي الباب
اصيل استغفر الله
جواد انتي ما جوزين
سناء جذابه
ملاك شوفو باب كسرته
عمو والله تعبت منها احير شون اصرف وياها زهكتني
اجي بالسكوت تكثر
اضربها تتفرعن شنو اسوي وياها كلولي
شفت حجابي ع الكرسي جريته وغطيت راسي
جواد.....
اصيل اليمتى هيج ضلين بهل عرايك
ملاك الحد مموتها والله نجنيت مبقه عقل براسي
منها استغفر الله واتعوذ من شيطان وهي تكثر
اصيل ردي وياي للبيت
ملاك وناس شتكول عليه
اصيل خويه جواد اذا تسمحلي انا رايد ملاك على سنة الله ورسوله
ملاك.....
جواد وانا موافق ويشهد الله علمودها
خويه انا ما اكدر اطلك هل انسانه
واختي شابعه ضيم منها
ملاك تركتهم وصعدت ما تحملت هل حديث
لحضات وندك باب تفضل
دخل اصيل ها عمي تفضل
اصيل صايره بروسلي
ملاك ههههههه فاض صبري سامع بالسكت دهر ونطق كفر هاي انا
اصيل بويه ملاك انا حسبت ابوج اخوج
انا جاي احجي وياج ويشهد الله ما رايدلج غير الخير
واذا فكرت انا ب انانيه بس الخاطر وليد صدكي
هل طفل فقير وذكي واخاف اجيبله زوجة اب اضيعه وانا رجال لابد من اطلع للشغل وامور الحياة كثيره
ما اكدر اكابله
وهو طفل يرادله مدارات
ملاك صح
بويه انا جاي واعرض عليج العرض ان رضيتي احطج فوك راسي وغير زواج بالورق كلشي ماكو
انا رايدج ام الوليد وبس واحطج بطن عيني
ملاك....
اصيل فكري صدكي صعب علي بس شسوي كليلي اكو حل ثاني انتي امانتي ابوج وصاني بيج
وانا اشوفج هنا تعبانه
ملاك وناس شنو تكول
اصيل هل امر عادي عد ناس
ملاك وليلى ليلى جانت تحبك هواي والله تزعل علي
اصيل بتسمت الردودها لا تفرح هي تريدج تربين طفلها
ملاك وامي وابوي شنوويكولون خذت رجل اختها. اصيل بويه والله ما ادنالج ليش خايفه
ملاك.....
اصيل اكو شي تردين تحجي احجي
ملاك بجيت اي اريد احجي ادري عيب بس احجي
عمي كووومه ناس مثلنا زوجت وكلها بالبدايه تكول علمود الاطفال بس تالي يصير عدهم اطفال شون بقدرة قادر مثلاً
اصيل هههههههه لج وانتي معصبه حلوه
ملاك عمي فدوه لا تضحك علي
اصيل سمعي بويه كل ثنين يزوجون ويعيشون بيت لابد
من الله اصير بينهم موده ورحمه
ولابد اصير مواقف تقربهم من بعض
ملاك اي وشنو يصير
اصيل انا اوعدج يابه ما اتقربلج
ملاك واذا صار هل شي بيوم انا شنو موقفي كبال ليلى وامي وابوي
اصيل خلي كلشي للزمان
ملاك......
اصيل اعتبرها موافقه
ملاك بس اريد جواد يعرف انا وانت ميصير بينا شي مجرد ام الوليد
اصيل رجف كلبي الها اول مره احس بشي تجاها
يابه يمعود البنيه قافله مراهقتك ضمها
ضليت احجي وي روحي
اصيل هذا هو يابه مثل متردين
ملاك انا خايفه
اصيل ليش
ملاك هسا ناس تكول باكت رجل اختها
اصيل يابه هسا قابل اختج موجوده
ملاك ناس تحجي
اصيل انتي كلتيها تحجي ع كلشي تحجي اذن خلص
ملاك عمو اصيل
اصيل عمو عيب بعد تكوليها كولي شنو تردين
ملاك اريد طلب ثااني
اصيل امري
ملاك ما نام بغرفه وحده
اصيل ليش اكل انا
ملاك دنكت راسي
هذا هو مثل ما تردين
طلع عمي اصيل لحضات وصعد جواد صدكي هذا افضل قرار
انا اخوج بس كلنا ما نفيدج بس اصيل هو سندج صدكي
حضنته وضليت ابجي اليوم ليلى بكبرها اكيددد مقهوره
جواد.....
بليل علي اجه وباركلي وكلي هذا افضل قرار صدكي احنا خوانج ونكلج افضل قرار
ملاك ساعه ١ بليل افتر بالطرمه اي يا ملاك شضامتلج بعد دنيا
جبرتج تاخذين زوج اختج
اذتج وذلتج خلت اليسوه والما يسوه يحجي عليج
يارررب رحمتك
اصيل
_____
طلعت من يمهم كلش فرحان كبل البيت اهلي
دخلت بست راس امي وراس ابو عمار
اصيل انا قررت ازوج
ابو عمار افضل قرار الخاطر ابنك بس منو هيه
اصيل ملاك اخت ليلى
ابو عمار زين ما ختاريت
الام هاي البنيه ورده والله راضي عنك لو خذيتها
ابو عمار وهي شنو رايها
اصيل موافقه
ابو عمار الله يسعدكم
اصيل اريدكم ترحون وياي الهم
ابو عمار تدلل باجر العصر يناسبك
اصيل اي هذا هو كمت وطلعت منهم رديت للبيت
وخبرت الي بالبيت نتبهت محمد ضاج
وليد كلش فرح
انا اليوم احس روحي مرتاح تفكيري كله ب وليد
بليل تصل تلفيوني فتحت الخط
هانت عليك شنو بيه ناقصني وما تاخذني
اصيل ريم
ريم اي ريم ليش يا ابو وليد اذا ع الولد و الله احطه ب نص كلبي
اصيل انسي الماضي ريم انا اريد بنيه تربي ابني وهو يحبها وافضل حل خالته
ريم والله احبك
اصيل الي فات مات يا بت ناس
سديت الخط منها مقهور عليها اووو اول حب بحياتي هي
ملاك ثاني يوم العصر اجو اهله حيل ستحيت ردت ابطل هسا شيكولون متستحي تاخذ زوج اختها
كعدت يمهم وسناء مطلعت وجها مزورك
الام تبوس بيه وتكلي اصيل يحطج بنص عينه
وتفقو ع المقدم و المؤخر
جواد كلهم انا ما اشرط شنو يخلي ابو وليد انا اكمل اختي من اصغر شي الاكبر شي
ملاك فرحت حيل بداخلي
اصيل الي تريده تامر
ملاك اريد مقدمي قرأن ومؤخري حجه
اصيل وفوك القرأن هديه مني الج ٥ مليون
ملاك.....
جواد بالنسبه للعرس يتم بس عن طريق سيد وياخذها لكربلاء وهذا هو
ملاك وهو يحجي حط ايده بأيدي
ستغربت انا كتلهم ما يتقرب مني وهو يدري
اصيل هذا هو شفت البنبه صار وجها ازرك من سمعت نروح ل كربلاء
ابو عمار باجر عقد السيد تمام
اصيل لا اليوم بليل باجر نطلع ل كربلاء
ملاك خفت حيل شنو موضوع كربلاء محد كلي
طلعو وحجيت وي جواد
جواد بس مجرد كبال ناس شكليات فقط
ملاك....
بليل اجه سيد وتم العقد
