𝐑𝐄𝐕𝐄𝐍𝐆𝐄 ( 𝐒𝐞𝐚𝐬𝐨𝐧-𝟏 ) ( 𝐂𝐨𝐦𝐩𝐥𝐞𝐭𝐞𝐝 )

Part- 22 ( end )

[Unicode]
အဆောင်တော်ရှေ့မှ လှည့်ပြန်ခဲ့ရသော မယ်တော်ကြီးသည် ဒေါသအလွန်ထွက်နေခဲ့၏။

စော်ကားလိုက်လေခြင်း။

မိမိ၏အကျိုးအတွက် မိမိမဆောင်နိုင်သော သန္ဓေသားကို မင်းကြီးနှင့််အတူ မှားယွင်းအိပ်ခဲ့မိသည့် အပျိုတော်က ကိုယ်ဝန်ရတာကြောင့် ကလေးကိုလုယူကာ အသက်နှင့်ခြိမ်းခြောက်ခဲ့၏။မင်းကြီးလန်ချီရန်သည်လည်း သံသယတစ်စွန်းတစ်စမျှမဝင်ခဲ့ကာ အိမ်ရှေ့စံတင်မြှောက်စေ၏။

မိမိသည်လည်း မိဖုရားငယ်အဆင့်မှသည် မိဖုရားခေါင်သို့ တစ်ဟုန်ထိုးရောက်ရှိလာခဲ့သည်။ထိုကိစ္စကို မိမိနှင့် အထိန်းတော်အိုကြီးအပြင် မိန်ရှင်းဆိုသော ထိုမိန်းမသာ သိ၏။အထိန်းတော်အိုကိုတော့ အသက်ကြီးလှပြီမို့ အဆိပ်ဖြေးဖြေးချင်း ခပ်ကာ သေစေခဲ့သည်။ထိုမိန်းမကား အစရှာ၍ မရအောင်ပင် ပျောက်သွားခဲ့၏။မိမိလက်စဖျောက်မဲ့အရေးကို နောက်ဆုတ်ကာ လွှတ်ထားပေးခဲ့သည်။

ငယ်စဥ်ကတည်းက မိမိသားဟုသာ တစ်လောကလုံး သိခဲ့သည့် မင်းကြီးသည် မိမိစကားကို မြေဝယ်မကျ နားထောင်သူဖြစ်၏။သို့သော်လည်း ဝေ့ရင်းကြင်ယာတော်ဖြစ်လာကတည်းက မိမိစကားအား ပယ်ရှားလာခဲ့သည်။

တစ်စတစ်စ ပိုမိုငြင်းပယ်လာသည့်နောက်တွင် မိမိကိုပင် နန်းကျမိဖုရားခေါင်နန်းဆောင်သို့ ပြောင်းရွှေ့စေခဲ့သည်။

မိမိအတွက် အကျိုးမရှိသော အရာကို ဆုပ်ကိုင်ထားရလောက်အောင် သူမသည် အတွေးမခေါင်သေး။အကျိုးမရှိရင် စွန့်ပစ်ရုံပဲပေါ့။လွယ်တယ်လေ။

( A:N/ အဘွားကြီးစယုတ်မာပါပြီ )

❤❤❤❤❤❤❤❤❤❤❤❤

မင်းကြီးရဲ့ မွေးနေ့တော်နေ့

နန်းတော်တစ်ခုလုံး လှပစွာ ဆင်ယင်ထားပြီး မင်းကြီးရဲ့မွေးနေ့တော်ကို ပြင်ဆင်နေကြသည်။

ကျန့်သည်လည်း ကွေ့ဖေးတစ်ပါးပေမို့ စားဖိုဆောင်ကို စီမံရလေသည်။

ကျန့်သည်ကား စားဖိုဆောင်ကို တစ်ဦးတည်းစီမံခြင်း မဟုတ်ပါပေ။ကိုယ်လုပ်တော်များနှင့်မိဖုရားပိုင်ကိုပါ စီမံခိုင်းလေသည်။