HATE ME NOT (BOLS #1)

06: Vacation

"Mukhang wala namang problema sa groupings eh kaya, magsimula muna tayo sa exercises. Sa paglalaro, kailangang maging aktibo. Siguro naman, alam niyo na kung ano ang gusto kong sabihin. May pupuntahan lang ako at ipapaubaya ko na kayo sa inyong mga leader." utos nito saming lahat.

Nang umalis si Mr. Vegas, nagsimula nang nagtilian ang iba.

"Grabe ang swertee ko talagaa" rinig kong tilian sa grupo nina Marky.

"Jackk, pwede ba ako na lang maging assistant mo?" rinig ko rin sa grupo nina Jack.

"Jhonn-"

"Tahimik!" tumahimik lang sila sa sigaw ni Liam.

'Oo nga pala, si Liam ang kanang kamay ni Mr. Vegas pagdating sa ganito'

"Pumunta na kayong lahat sa ka-group mates niyo, ng tahimik. Gawin niyo ang sinabi ni Mr. Vegas. Kung hindi niyo gagawin, lahat ay maglilinis sa buong field." paliwanag niya sabay ngiti.

Kahit babaero ang loko, nagagampanan niya parin ang utak niya ng maayos.

"Easy lang tol" sabi ni Lance sa kanya.

Si Lance ay kabilang sa grupo nina Marky.

"Geh, leaders.. kayo na ang mag-handle sa ka-grupo ninyo." pagpatuloy ni Liam sa lahat.

Maglalakad na sana ako ng biglang may babaeng humawak sa aking braso.

"Prince, gawin mo kong assistant mo. Promise--" bago niya pa natapos ang sasabihin, tinulak ko agad siya.

"Hoy hindi kita kailangan. At pwede ba, wag na wag mong hawakan ang braso ko." mariing sabi ko sa kanya bago nagsimulang maglakad.

Ang kapal ng mukha ng babaeng yun. Sinira ko na nga yung cellphone niya ta's hindi pa siya makuntento. Palibhasa kasi, spoiled brat!

"Prince, baka naman pwede mo kong gawing assistant?" ngiting salubong na tanong sakin ni Trisha Lim, ang student V.P ng paaralan.

"Nah, masyado kang matalino" simple kong sagot.

Mas matanda siya sakin kaya medyo, may respeto ako sa kanya. Hindi naman kasi siya katulad ng ibang tao dito. Besides, anak siya ng manager namin sa kompanya.

"So anong gagawin mo? gusto mo ba na ako na ang magsasabi sa iba nating ka-grupo?" tanong niya ulit.

"Well---"

May narinig akong boses kaya napahinto ako.

"Pauline, pwede bang change tayo ng number? pleasee, ayaw ko sa demonyong unggoy na yun..." mula rito, rinig na rinig ko ang nakaririndi niyang boses.

'Mapuntahan nga'

"Hey Prince!"

Hindi ko na pinansin ang tawag sakin ni Trisha dahil nasa direksyon ng dalawa ang atensyon ko.

"...Bes, hindi pwede eh kailangan ko ng pumunta sa group mates ko." nadatnan kong sabi ni Pauline sa kanya.

"Ayaw ko talaga sa kanya. Alam kong pahihirapan niya lang ako. Mukhang tama si Marky, mas mabuti yata kung lalayuan ko na lang siya para maging maayos ang pag-aaral ko dito. Pero, gusto ko namang lumaban kaso---"

"Talaga bang may gana ka pang kalabanin ako?" natigilan silang dalawa sa pagsasalita.

"Hoy Prince, wag na wag mong pahihirapan ang kaibigan ko. Dahil..." tumigil ito sa pagsasalita dahil sa pagtawag ni Jhon sa kanya.

"Hoy white lady! Kung ayaw mong bumagsak, pumunta ka na rito!"

"Tsk. Sige Jenny, punta na ako roon. Tinawag na kasi ako ng unano naming leader!" paalam nito at bakas sa mukha ang pagkainis.