#الصدفة_و_القدر
#البارت_الحادي عشر و الاخير
#للكاتب _ أيهم _ ابو جود
الخيبة ان تبكي كل مرة على نفس الوجع💔🖤.
رايح ويّن
إحنه ششفنه مِنك خل نشُوفك زيّن
رايح ويّن ويا بعدين ترجع يَ الكَلت بعديّن؟
ياكُلها السهر لو ما تشُوفك يوم
وانتَ الها الوسَن وتنام بيّك العين
كَلي شراح اكَلك وانتَ راح ترُوح؟
وليّش تلح عليه وتنتظُر ردّي
هذا لسان حاليّ عيُوني تحچي وياك
إذا رايد جواب دمُوعي الـ بخدّي
ظل وياي أريدك والبُقن جم يوم
وهَل جم يوم صارن حدَك وحدّي
خليني ارد اشُوفك كَمت احسّك طيف
ويا عيّن التشوف الطيف اليعدّي ..
-
* اعتذر ما نزلت بارت البارحة بس هذا البارت يراد الة گلب من حجر يلة ينكت
* و بنت اختي كانت بالمستشفى
* يلة نبدي
الدكتور جر حسرة و كال: والله يا ابني ما اخفي عليك المريضة اشك بيها ورم و حسب خبرتي كل هاي السنين يمكن يكون الورم خبيث بس عسى و لعلى يكون كلامي خطاء خلينا ننتظر التحاليل و اذا اتبين بيها ورم نسوي زرع و نشوف خلي عينكم بعين الله و ان شاءالله ماكو شي
حسن: كان كلام الدكتور كسر و جبر هزيت رأسي و طلعت مايا لاحظت علية ضايج
مايا: حسن شبيك ليش هيج گالب وجهك و وين رحت هسة صاير شي
حسن: لا تخافين حياتي ماكو شي
،،، ضلينة ساكتين طول الطريق وصلتها لبيتهم نزلت و اني رحت للبيت دخلت لغرفتي و اني ما اعرف شنو الي بداخلي وجع ما يتفسر ضليت احسب دقيقة دقيقة لثاني يوم رحنا اني و مايا اخذنا التحاليل و السونار و رحنة للدكتور كان الدكتور رجال كبير بالعمر اخذ السونار و التحاليل ضل شويا يدقق بيهن
الدكتور: بنتي اسمعيني كلش زين انتي لحد الان حالتج مو خطرة بس اريدج ما تخافين و خليج واثقة بعطاية رب العالمين
مايا: آن شاءالله دكتور
حسن: دكتور شبين عندك
الدكتور: ابني الي مبين انو المريضة مايا بيها ورم لازم نسوي زرع للورم حتى نعرف ان كان حميد او خبيث و بالحالتين الة علاج لا تخافين بس لازم نستعجل حتى نكشف عن الورم
حسن: اي اي دكتور باجر تسوي الزرع
الدكتور كتب ورقة بيها حجز لعملية الزرع
حسن: مايا انتظريني برة هسة اجيج طلعت مايا ،،،، دكتور ارجوك اشلونها حالتها
دكتور: ابني الورم منتشر بالجسم بس لا تخاف الطب اطور و ان شاءالله نباشر بالعلاج لا تخاف
حسن: طلعت من الدكتور لكيت مايا منتظرتني يم السيارة اثنينة ساكتين لكن اني بالي الف فكرة صارت بي وصلتها لبيتهم و ذكرتها بالموعد
