هذا البارت لعيون خالتي ام رجائي
MoamlAli
و كولو ايهم ما مدللكم
#الصدفة_و القدر
#البارت_التاسع
#للكاتب _ أيهم _ ابو جود
يگول ؛
هي تدري سوالفي وياها عشك؟
وكل حچينه الرسمي من دونه اختنك ؟
يا غشيمه انتِ الـ ( هلآ ) مشتاك حيل ..
والـ ( شلونج ) يعني آحبج بـ الصدك !
والـ ( نعم ) والـ ( شكراً ) هنا كمت أغار
والـ ( رآيحة تنآمين ؟ ) أضل بهدومي اشك !!
والـ ( گعدتي؟ ) بـ غيبتج صاير طبگ فهمي
ما اكول الگلب وآگف عليج
بس من ما نحچي ما حس بي يدگ!! ⚘😘
اتفاجئت و اني اشوف اخوية جلال رافع سلاحة على امي و عيونة حمر و امي كاعدة بالكاع ترجف ركضت عليه وكفت كدامة و رفعت ايدي
حسن: لا جلااال لاااا نزل سلاحك
جلال: حسن ما ارتاح اذا هاي المرة ما تموت
حسن: بداعت ابتهال عليك انطيني السلاح
جلال: نزلت دمعتي و ذبيت السلاح بالكاع و طلعت
حسن: شلت السلاح من الكاع انطيتة لبلبل كلتلها ضمي و طلعت شفت جلال واكف برة
حسن: بس فهمني شكو شصاير
جلال: مرت اشهر على فقدان ابتهال و اني ما عجزت و عندي أمل الكاها بيوم كنت بالمنصور و من بعيد شفت ابتهال طلعت من محل مكياج ركضت عليها و كمشت ايدها الرجفة كانت بيدي و بيدها واضحة حيل
جلال: ابتهال يا عيني والله مشتاقلج ردت احضنها لكن دفعتني استغربت كلتلها شبيج
ابتهال: عفواً اخي اني مرة متزوجة ابتعد مني
جلال: كنت مصدوم بكلامها حيل هزني كلامها كلتلها ش شنو شنو متزوجة
ابتهال: اي متزوجة يعني على ذمة رجال و شوف رفعت ايدها بيها حلقة اتزوجت دكتور غني و يحبني و امة تحبني و ما يعيروني بالفقر مالتي و شايف هذاك المجمع الطبي اني كنت بي دا احلل لان شاكة بنفسي حامل روح جلال ابقى يم امك هههه مع السلامة
جلال: ضليت واكف بدون ما انطق حرف و اني اشوفها اشلون راحت و ابتعدت كنت عاجز و اني اشوف حب حياتي و اميرة احلامي راحت و هية تكول اتزوجت و يمكن حامل مشيت خطوات اني و القهر
رحت لمحل الصياغة ابوية عندا مسدس بالمحل و ضامة بالخزنة كانن اكو نسوان دا يجهزن عروسة و ابوية محتار وياهن و اني غافلت ابوية اخذت المسدس و طلعت من المحل رحت للشقة دخلت لكيت بلبل بالمطبخ اخذتها من ايدها و طلعتها برة الشقة و هية مستغربة
جلال: انتظريني هنا صار وقت اصفي حسابي ويا اهلج و سحبت المسدس بلبل من شافت المسدس ضلت تبجي
بلبل: لا جلالل لاااا ابوس ايدك لا ادمر نفسك
جلال: اششششششش و سديت باب الشقة و دخلت للغرفة الي بيها امي بس شافتني و شافت المسدس كامت ترجف
