الصدفة و القدر

البارت الثاني

#الصدفة_و القدر
#للكاتب _ أيهم _ ابو جود
#البارت_الثاني

ويگول :
تمنيتچ قبل لا اعرف اتمنى
هاي الدنيا گاع و ناس
و انتِ محبتچ جنة♥️

حسن : فزيت من فراشي بسرعة و نزلت اركض ورا بلبل طلعت لكراج البيت لكيت جلال كامش جليكان نفط و هوا دايرها على نفسة

جلال : والله احرك نفسي و خطيتي برگبتكم حرام عليكم خلي اخذها و كلشي ما اريد منكم حتى اطلع اعيش بغير بيت اتبرو مني

ام حسن : انت تخبلت لك فقيرة فقيرةة

حسن : يمة و الي يرحم والديج و اذا فقيرة يعـ... قاطعني جلال

جلال : نديمةةة لا تنسين نفسج وين جنتي و اشلون اجيتي لهنا ترى كلشي اعرف .
( ام حسن اسمها نديمة اصلها فقيرة كلش لكن ابو حسن بعناد اهلة اخذها و خلاها تكمل دراسة و ابو حسن صار محبس عندها )
ام حسن : لك كو...ا...د تعيرني بماضي اهلي يا حيوان يا ..... و يا ......
جلال : ايي ضجتي موو شوفي انتي وين كنتي و وين صرتي و ابتهال هم فقيرة و من اجيبها هنا اعلمها على كلشي من اطباعج و اذا ما تعجبج ابتهال اخذها بغير بيت
( ابتهال حبيبت جلال )
ام حسن : اي ما ضلت علية غير الكح.... و الساق..... اخذلهن بيت موو

حسن بكل عصبية : لا تخافين ما اخذ من فلوسج عندي فلوس خليهن فلوسج اخذيهن وياج للكبر خلي نشوف اذا يفيدنج يم الله

ام حسن : انجب حيوان لا تنسى اني امك و لو تموت ابتهال ما تصير چنة الية

حسن باوعت على ابوية : يابة احجيلك كلمة

ابو حسن : امكم اعرف بمصلحتكم

حسن بداخلي كلت هنيالي زلمة
جلال : امكم اعرف بمصلحتكم لو انت تخاف تحجي وياها  عمي صاطرتك و علي
ام حسن : انجب لك شنو هل اسلوب السز
جلال مد ايدة بجيبة و طلع جداحة
جلال : لعد انسو عدكم ولد اسمة جلال
حسن : ركضت عليه و بلبل كامت تصرخ
جلال : و حق علي الي يوصل يمي احرك روحي
جلال: للاسف يا نديمة راح اموت و السبب انتي
حسن : دخل اياد ابن عمتي و زوج اختي ركض عليه و حضن جلال من ورا و قيد حركتة و اني ركضت اخذت الجداحة من عندا ضل يتلاوى يريد ياخذ الجداحة دخلتة للبيت دخل جلال يسبح و بالكوة قنعتة يهداء و اني نزلت يم اهلي و لكيت اياد رايح
حسن : يمة حرام ترى ما يصير هيج قاطعتني و هي تكول
ام حسن : انجب حيوان ما ضلت علية غير الزعاطيط تعلمني الحرام و عافتني و دخلت لغرفتها
حسن : ضليت فاتح حلكي بصدمة عود هاي اني ابنهم الچبير باوعت لابوية ردت احجي بس غلست لان ادري الامر مو بيدة درت وجهي ردت اصعد شفت اختي بلبل واكفة اباب المطبخ و تباوع علينة رحت بستها براسها
حسن : اختي حبيبة گلبي لا تهتمين كل بيت تصير بي مشاكل بلبل حضنتني و ضلت تبجي
بلبل : والله خفت لا جلال يحرك نفسة
حسن : لا تخافين عيوني تدري بجلال مخبل يلة هسة شوفيني ابتسامتج الحلوة
بلبل ابتسمت و بوستني و راحت لغرفتها و اني صعدت لغرفة جلال
جلال : عوفني اريد انام
حسن : عفت جلال و رحت نمت ثاني يوم الصبح سبحت و بدلت و نزلت لكيت بلبل و ام سعد ( مرة فقيرة امي تجيبها بكل مناسبة تساعد بتنظيف البيت و تنطيها فلوس و مرات ملابس من امي قديمات لو من بلبل )
حسن : صباح الخير
الكل : صباح النور
حسن : لعد امي وين
ام سعد : طلعت صارلها نص ساعة
حسن : هزيت راسي و طلعت جبت الاحتياجات الي رادوها وكفت يم محل كيك جاهز و معجنات شفت جلال بالمحل
حسن : هلا ابو الشباب شسوي هنا
جلال : هلا حسن اجيت اشتري كيكة اليوم عيدميلاد ابتهال
حسن ضحكت : بس انت و ابتهال احتفالكم الصبح ههههه
جلال : شسوي يا عمي بس هسة اكدر التقي بيها بحجة الكلية
حسن يلة : لعد تعال اوصلك . اخذت الغراض و طلعنا رحنة قريب على بيت البنية و منتظرينها تطلع كنت اباوع بموبايلي و جلال يسولف
جلال: اشكد ما اوصف حبي لابتهال قليل والله يا اخي حلوة و خلوقة و متواضعة عدها ابتسامة تسطر العراق بيها لو عيونها لي من تباوعلي اضيع بيهن
حسن : باوعتلة مبتسم و عيونة مدمعة اتمنيت من كل گلبي انو اكدر اساعدة حتى يتزوجها
جلال كمل كلامة : من اتغزل بيها تتخربط احوالها هههه مخبلة تكلي اني اكثر شغلتين احبهن بالدنيا انت و الاندومي هههههه
اااااااخ يا حسن احبها و الله اعش... و سكت
حسن : باوعت على جلال ملامحة باهتة و يباوع بخوف ع الشارع باوعت شفت ....

يتبع
توقعاتكم جلال و حسن شنو شافو ...
و ادري البارت قصير لان القصة قصير و اذا طولت البارت ما راح تكون حلوة و احب اشوف توقعاتكم ع القفلات احبكم لا تزعلون

لا تنسون النجمة ⭐️
تحياتي #للكاتب _ أيهم _ ابو جود

‏ayham_ab12
حساب الانستا
اليوم الساعة 9 بليل راح نلعب لعبة حلوة ع الانستا تعالو نتونس و نلعب سوا ♥

فيديو مختصر عن بارت باجر و انتم حللو احبكم ♥