الصدفة و القدر

البارت الثامن

ابو القفلة 😈

#الصدفة_و القدر
#البارت_الثامن
#للكاتب _ أيهم _ ابو جود

-الوحشة من تذكر سوالف چان اهلها گبال عينك
-الخنكة من تشتاگـ تبجي و الشماتة محاوطينك

حسن: ثاني يوم الصبح اتصلت على مايا و رحتلها قريب على بيتهم صعدت بالسيارة

مايا: صباح الخير

حسن من ورة خشمي : صباح النور

مايا: حسن لا تزعل مني والله كنت عصبية و انت تعرف اهمية الشغل عندي

حسن هزيت راسي و ضليت ساكت وصلنا للمطعم دخلنا و عرفتها على زوج عمتي و هوا بدا يعلمها ع الشغل

و اني طلعت كملت شغلي بالمستشفى
ايام و اشهر مرت البيت تقريباً راح يكمل لان رجعنة رممناه و اني و مايا كل هاي الفترة على تواصل و مرات نلتقي و صار على علاقتنة تقريباً 8 اشهر و بيوم راسلتني

مايا: حسن مخنوكة حيل

حسن : مايا نطلع شويا نغير جو

مايا: ياريت

حسن: رحت قريب على بيت مايا و طلعنا و رحنة لجسر الجادرية مكانها المفضل كانت الدنيا ليل ،، ضلت مايا تسحب نفس بقوة

حسن بأستغراب : شتسوين

مايا: اريد اشبع من هوى بغداد ما اعرف ليش احس نفسي ما راح اعيش هواي

حسن: اسم الله عليج شنو هل كلام

مايا: حسن اتمنى العب بالثلج و اضحك بصوت عالي و ما اهتم لباجر و ما اخاف من باجر العب بالثلج و اركض و اجي هنا اوكف ع الجسر و السما تمطر ثلج ههههه احلام بسيطة لكن كبيرة بالنسبة الية

حسن: كانت مايا تحجي بكل براءة ما احسها بنية شابة عبالك طفلة عمرها 9 سنوات ضليت صافن عليها و اني مبتسم

مايا: هههههه شبيك صافن علية

حسن: مايا احبچ اي لا تستغربين والله احبچ و لا تفكرين اني من الشباب الطايشة و تريد بس تسوي علاقات لا والله اني اريدج نصي الثاني و زوجة الية و من هسة مستعد اخطبج مايا تقبلين تتزوجيني والله احققلج كل احلامج

مايا بخجل: حسن خلي نرجع للبيت

حسن: ما نرجع اذا ما تجوبيني

مايا: ما ادري

حسن ولج كولي ايييي تقبلين تتزوجينييي

مايا : ههههه بس اعصابك اي اي موافقة والله

حسن ضل اصيح بعلو صوتي : لججججج مايااااا احبججججججججججج و حق عيسى و محمد احبجججججججج

مايا: عزااا حسن ههههه فضحتنة عيب مناك
نااس

حسن: ههههه اشتعلت روح ابو الناس يلة خلي نروح
صعدنا بالسيارة و بالطريق سئلتني مايا

مايا: حسن و اهلي

حسن: اني وعدتج من زمان اكون سند الج و لاهلج لا تاكلين هم

مايا: شكرا حسن

حسن: تدلل مريتي بس شنو هاي اشكد خبيثة  بس شكراً لا بوسة لا حبيبي

مايا: هههههه حسن انتبه للطريق لا انوب تسحاسس

حسن: شنو تسحاسس

مايا: ما ادري تتذكر من بستك انت كلت هل كلمة

حسن: ههههههه لج تسرسحت ههههههه خرب بليسج ههههههههه

مايا: ههههه شعرفني أنت مصطلحاتك غريبة

حسن: وصلنا لبيت مايا رادت تنزل كمشت ايدها كلتلها شنو ماكو بوسة اريد اتسرسح

مايا: ههههه لا ما عندي بوسة معزلة باااي و راحت تركض

حسن: كنت حيل فرحان لدرجة لا توصف ما كنت مصدك مايا راح تصير الية و ضليت ابني هواااي احلام الها  و وعدت نفسي امام الله اخذها لاحد الدول الي بيها ثلوج و اخليها تلعب بالثلج لحد ما تمل

رجعت للشقة وصلت لكيت بلبل برة الشقة و ترجف و تبجي ركضت عليها

حسن : شكو شبييييج بلبل شصاير

بلبل : فدوة افتح الباب اذا عندك المفتاح الحك على جلال فدوةةةة

حسن: طلعت مفتاح الشقة من جيبي و فتحت الباب بسرعة و دخلت ركض

اتفاجئت و اني اشوف اخوية جلال......

يتبع...

توقعاتكم للقادم
كافي انطيتكم بارتين بدون قفلات بس هذا البارت راح اطلع حيفي بيكم 🌚♥️

أمسَ واليوُم مامرَوا عليه
أمسَ واليوُم ادگ واصفگُ بيَديّة . .

احبكم ♥️

لا تنسون النجمة
تحياتي #للكاتب _ أيهم _ ابو جود
‏ayham_ab12