الصدفة و القدر

البارت الاول

بارت صغير تعريفي عن البطل ما حبيت اخليكم تنتظرون
لا تنسون التصويت ع البارت ♥

#الصدفة_و القدر
#للكاتب _ أيهم _ ابو جود
#البارت_الاول

عن طريق الخطأ {عرفته}
و بصدفة غير مقصودة دخل حياتي
و مرت الايام و توالت الاحداث
حتى اكتشفت ان افضل ما حصل لها هو'
ذلك الخطأ و تلك الصدفة جعلو حياتنا تتغير
لم تكن سوى صدفة بل حياة بأكملها...
ياترى هل ستستمر تلك الصدفة الجميلة
ام ينقلب الى تعاسة...!

(في احد شوارع بغداد_ سنة 2016)
دنيا ليل و جو بارد و ممطر كنت طالع العصرية لحد مااتأخر الوقت واريد ارجع من الكهوة و دااسوق بكل سرعتي ومندمج وبه صوت الأغاني العالية مااحس الا صارت بنية كدامي دتعبر سريع خليت رجلي بسرعة دست بريك سريع لكن مالحكت طخت سيارتي البنية وانضربت لكن مو ضربة قوية نزلت بسرعة واني دكات كلبي تقرأ الف
شفت البنية واكع بالكاع اجيت عليها واني متوتر دنكت حتى اطمأن البنية ما بيها شي مديت ايدي ساعدها حتى تكوم وحجيت بتأسف

"كلش اعتذر ما انتبهتلج طلعتي كدامي بسرعة"

ردت بكل لطافة

" لا عادي اني الاعتذر انت ما غلطان اني كنت مستعجلة"

عافتني و راحت حجبت واني اقدملها المساعده
اذا ممكن اساعدج و اوصلج للمكان الي تردينة اتفضلي اصعدي للسيارة و اني اوصلج لان دنيا صارت كلش ليل وانتي بنية خاف احد يتعرضلج

اباوعلها شلون صفنت عليية و حجت بتردد

" ياريت لان كلش اتأخرت ع البيت "

صعدت بالسيارة و ضلت ادليني على بيتهم وصلنه للمكان الكالته لبيتها باوعت البيت قديم و شبه متفلش مبينه من عائلة فقيرة رادت تنزل كلتلها ما عرفت اسمج

التفت عليه وكالت اسمي مايا

رديت و اني حسن

مايا : اتشرفت بمعرفتك و شكراً ع التوصيل

حسن : تدللين
نزلت مايا دخلت لبيتها واني رجعت لسيارتي استداريت وطلعت من فرعهم ورجعت للبيت
مالتي و كالعادة دخلت واني اسمع امي و اخوي جلال يتعاركون و صوتهم تارس البيت

ام حسن : لا تتوقع بصوتك العالي تكدر تكسر كلامي مو شفت نفسك كبرت و صوتك يعلى علية اني الأمر و الناهي هنا افتهمت لولا والاريده بكلمه يصير والمااريده هم ميصير فاااهم

جلال : يا يمة بس فهميني البنية من شنو تشكي شو حلوة و اخلاق و مكملة دراسة ليش ما تقبلين اتزوجها

ام حسن : البنية من عائلة فقيرة افهم يعني باجر من اروح اخطبها و النسوان يسئلني على اصلها و فصلها والله اموت بخجلي چنة ام حسن فقيرة والله على جثتي ما اخليها تدخل للبيت

جلال : يمةةةةة البنية اذا راحت من ايدي اموت نفسي والله ليش ما تفهميني احبها احبها والله
احبها حرام عليج

ام حسن : حبتك حية بسبع روس گول امين

جلال هز راسة بقهر كال للاسف يكولون الجنة تحت اقدام الامهات اتمنى لو اعرف انتي شنو جوة رجلج لا تضنين الذهب و الفلوس يفيدنج ترى اخرتنا نتغطه بتراب الله بعالي سماه
يكول ( يَوْمَ لَا يَنفَعُ مَالٌ وَلَا بَنُون )

و عاف امي و طلع

حسن : يمة اخطبيها الة ترى خطية شراح تفيد لفلوس اذا ماكو اخلاق والبنيه خلوقه شتردون اكثر من هذا

ام حسن : مستحيل مستحييييل اخلي الفقير تصير چنة الية

ردت اصعد بس استوقفني كلام امي و هي تكول

باجر خواتك يجن هنة و رجولتهن يتغدون يمنة اريد من الصبح تروح تجيبلي هل غراض و انطتني ورقة بيها الاحتياجات فتحت الورقة لكيت قائمة الها بداية ما الها نهاية من الفواكه و الخظروات و معجنات و الحلويات و اللحوم و كلشي

حجيت بضوجة يمة مو هواي مبالغة شنو اول ام بناتها يجن لبيتها

ام حسن : لعد شتريد اخلي شي ناقص

عفتها و صعدت لان اعرف امي تسوي هيج مجرد تتباهى كدام ازواج خواتي مااعرف بهل فخفخه شحتستفاد
دخلت للغرفة و اتمددت على فراشي و اني صافنة بالحياة

... مرحبا اسمي حسن مواليد 1990 دكتور اسنان لكن احب الاعمال الخاصة و اتمنى تكون عندي شركة و عمل خاص بية عائلتي متكونة من امي دكتورة نسائية و ابوية صايغ ذهب معروف الصياغة عدنا أباً عن جد اني عندي اخو اصغر مني اسمة جلال اكيد عرفتو موضوعة يحب بنية لكن البنية فقيرة و امي ما تقبل تخطبها جلال يشتغل ويا ابوية بالذهب و عندي 3 اخوات اثنين متزوجات و وحدة بعدها اسمها براء و دلعها بلبل بعدها تدرس دائماً اشوف امي بعيدة عن الكل اهم شي عدها كلام الناس و تحب تتباهى للاسف مغرورة و ابوية لا يحل ولا يربط

كنت كاعد و صافن دخلت اختي بلبل
بلبل بخوف : حسن فدوة الحك جلال ...

*
*
*
يتتتتبع

بارت قصير تعريفي عن البطل

توقعاتك للبارت القادم
و شبي جلال

يوزري انستا ليحب يتابعني اتشرف

شاركو القصه وسوو تاكات لاصدقائكم
وتصويت +تعليقات

‏ayham_ab12

تحياتي
#الكاتب_ أيهم_ابو جود
اعتذر عن قصر البارت لكن هوا محرد تعريفي بسيط و القادم افضل ♥