Sweet Mistake

Chapter Twenty-Three

Blythe Hunter

Nandito kami ngayon sa park. Malapit kami sa ilog kung saan may ilang mga bibe na lumalangoy.

Ang dahilan ng pag-iyak ko kanina ay gusto kong magpicnic pero dahil may trabaho nga ako, naiyak na lang ako. Mabuti na lang at pumayag si President Zera na hindi ako pumasok ngayon.

I know is sounds lame dahil iniyakan ko yon. Gusto ko lang magpahinga sa magulong mundo. Ang mag-enjoy kasama ang mga kaibigan ko na matagal ko ng hindi nagagawa. Gusto ko ring maayos ang isipan ko, ang mga bagay na pinoproblema ko ay gusto ko munang kalimutan kahit sa madaling panahon lang. And after a short break, haharapin ko ng handa ang lahat.

Tumayo ako sa picnic mat at lumapit sa sirena na nag-iihaw ng pagkain namin. Para siyang timang habang hawak ang tongs at nasa harap ng grill.

Siniko ko siya ng mahina, "Alis. Ako na." Inis na sabi ko sa kanya.

Kanina pa siya nakatayo dito pero hindi man lamang siya gumagalawa. Para siyang ewan dahil kapag nagkakaroon ng malutong na tunog ang karne sa grilling pan ay tumitili at napapatalon siya kaya naman natatawa kami.

"My goodness namern kasi, Teri-boom! Why its so mausok and mabaho? Like eww! Mao-open din ang mga pores ko." Maarteng sabi ni Kloeff at tumayo sa gilid ko.

Napairap na lang ako at nag-ihaw ng karne, isda at gulay.

Mga palamunin talaga ang kasama ko lagi 'e! Nakakapagod na. Konting konti na lang talaga, isa-isa ko silang itatapon sa ilog.

"Lumayo ka nga sa'kin at baka mahampas ko sayo itong grill at tongs," mahina kong sinipa ang paa niya na malapit sa'kin.

Ngumiti siya ng malapad na parang baliw. "Ikaw namern Teri-boom, wala namang ganyanern." At lumayas na ang sirena.

Hindi ko lang siya pinansin at patuloy sa ginagawa ko. Halos lumabas na ang baga ko dito dahil sa usok na nagmumula sa mga inihaw.

Inilagay ko sa isang malaking plato ang mga inihaw ko. Dadalhin ko na sana ang mga 'yon kaso may humawak sa dalawa kong kamay na nakahawak sa gilid nito.

"Gin," banggit ko sa pangalan niya. Malapad na ngiti ang ginawad niya sa'kin.

Tumingin ako sa likod niya. Nakasunod sa kanya ang kapatid niyang si Beatrice at si Ray na kaibigan din namin.

Inimbitahan ko kasi sila dito. Minsan na lang kasi kami nagkakasama at maganda rin ang panahon kaya naman sinabihan ko sila kung pwede sila. Medyo mabilisan ang preparations pero hindi ko naman ine-expect na darating sila.

"Tulungan na kita," binigay ko na sa kanya ang plato.

Si Ray at Beatrice ay kasama na nina Ate Zera kaya naman busy na naman ang mga ito sa pagkikwentuhan. Ang sirenang Kloeff, lalaki mode na naman.

"Congrats," mahinang sabi ni Gin habang naglalakad kami papunta sa puno kung saan nakalatag ang picnic mat namin.

Bahagya akong ngumiti at patuloy lang sa paglalakad.

Pinaalam na sa kaniya ni Simi nang hindi ko nalalaman at tsaka mas mabuti na rin 'yon. Hindi na ako mahihirapan ipaalam sa mga kaibigan ko na isang araw makikita na lang nilang malaki na ang tyan ko.

Natawa ako ng bahagya, "Uhm thanks?"

"Kung ako sana ang nauna. Edi sana may anak na- Aray!" Sinapak ko nga ang gago. Ayan na naman siya sa mga biro niya. Muntik pa niya mabitawan ang pinggan.

"Tigilan mo ko, Giovanni."

"I'm just kidding, okay? Haha."

"Kaya naman pala bumili ka ng baby gloves na 'yon."