Gods Of Halcon 2: Fergus Tiangco

Kabanata 3

"Good morning!" Malakas na bati ni Aipha nang bumukas ang opisina ng Mayor. Maaga siyang pinapasok ni Miss Monette, ang isa sa pinakamatandang empleyado sa munisipyo para i-orient sa buong Munisipyo. Naluha pa nga ito nang sabihing malaki ang pasasalamat nito kay Mayor Fergus dahil hindi siya inalis sa trabaho kahit galing pa siya sa mga nakaraang termino ng mga Mayor.

"Coffee." Magilas siyang tumayo at sinundan ang matangkad na Mayor na nakatalikod sa kanya. Malapad ang likod, matambok ang pwet, yum! Napakagat labi pa siya habang pinagmamasdan ang lalaki.

Umupo ito sa swivel chair at pumikit. Hindi man lang siya binati!

"Hot. Very, very, very hot." Sambit niya habang nakatitig sa guwapong mukha Mayor at ibinababa niya ang tasa ng kape sa lamesa nito. Pinigilan niya ang pagkasamid. Kamukha ni Superman. Sana ilabas din nito ang brief sa pantalon.

Dumilat ang Mayor at binigyan siya ng matalim na tingin, napansin yata na nagtagal siya ng husto sa paglalagay ng kape sa lamesa nito.

"Super hot ng coffee." Kumindat pa siya at tumalikod na.

Nabasa na kasi niya ang kontrata na iniwanan ng Mayor sa kanyang bagong lamesa. Walang patawad dahil pati ang kanyang make-up ay pinakailaman, bawal daw ang makapal at takaw pansin, bibigyan daw siya ng memo kapag ginawa iyon. Memo agad! Napilitan tuloy siyang bawasan ang kanyang make-up kanina.

Iniangat ng Mayor ang hintuturo nito sa kanya nang makaupo siya sa kanyang lamesa na nakaharap sa Mayor, katabi ng pintuan, tumaas ang dalawang kilay niya.

"Yes?"

"Your make-up." Seryosong sambit nito.

"Ay, binura ko na. Natural yan. Rosy cheeks, red lips. Big boobs, big butt." Hindi niya napigilang idugtong.

Naglapat ang labi ng Mayor at saka inabot ang tasa. Hindi pa man ito nakakailang higop ay naubo na ito.

"Ang pait!" Reklamo nito.

"Talaga ba?" Inosenteng tanong niya. Hindi naman kasi siya nagkakape. Hot chocolate lang siya sa umaga. "Naku, sorry, Mayor. Hindi kasi ako sanay na magtimpla ng kape sa coffee maker. Saka ang sabi niyo lang naman, ayaw niyo sa malamig ng kape so nag-focus ako sa pagpapainit. Importante ang pagpapainit para mas masarap." Itinaas niya pa ang hintuturo na parang minememorya ang kanyang sinabi. Napaawang ang labi ng Mayor sa kanya.

"Nevermind. Hanapin mo si Ipe sa labas, magpaturo ka sa gusto kong timpla ng kape."

Sinunod ni Aipha ang utos ng Mayor. Idinikit niya sa braso ang post-it kung saan naka-summarize ang ayaw at gusto ng Mayor. Nagdikit pa siya ng isang blangkong post-it para naman sa tamang timpla ng kape. Easy! Kung ganito ang kailangan niyang gawin araw-araw, hindi siya basta magkakamali.

Bumalik si Aipha makalipas ang ilang minuto bitbit ang panibagong tasa ng kape. Ngiting-ngiti niyang inilatag iyon sa lamesa ng binata.

"Two scoops ng coffee grind, double filter, dalawang kutsarang creamer at isang kutsaritang brown sugar." She recited. Hindi man lang siya tinapunan ng tingin ng binata dahil tutok ito sa kung anong binabasa sa laptop.

"We will go out after lunch, we will have a meeting in Teresa. Bring your notebook and a pen. I want you to write every details of it. Oras na may makalimutan ka---"

"Memo." Inunahan na niya ang sasabihin nito.

"That's right."

"And your clothes--" Bumuntong hininga ito.