Mafia Heiress Possession: Hurricane Thurston

Pahina 20

Pahina 20
Joyful Morning

"Cane... Aking binibini." nginitian ko si Taki bago tabihan.

"May pupuntahan ka?" tanong ko. Gabi na at nasa harap siya ng ilog habang nakasandal sa puno at nakatingin sa mga bituin.

"Cane..." mahinang tawag niya sa akin. Lumipat ang tingin ko sa kanya mula sa nakababad kong mga paa.

"Masaya ako dahil hindi ka naaapektuhan sa tulad ko." nakapikit na sambit niya.

Pinagmasdan ko ang payapang mukha niya. Binuksan niya ang lalagyanan niya ng inumin na laging nakasabit sa kanyang leeg.

At binuhos. Kahit madilim ay kita ko ang matingkad na kulay nito. Kulay pula.

"Dugo 'yan ng lobo..."

"Bakit mo binuhos?"

Parang nagulat siya sa tanong ko. Napakurap-kurap ako suot ang nagtatakha kong mukha.

"Wala ka nang maiinom." napalunok siya sa tanong ko.

"Hindi ba't dapat tanungin mo ako kung bakit umiinom ako ng dugo?" di makapaniwalang tanong ni Taki sa akin.

Ganoon ba dapat 'yon?

"Ah... Bakit umiinom ka ng dugo, Taki?"

Natawa siya nang mahina habang hindi pa rin maipaliwanag ang mukha.

"Hindi ka natatakot?" tanong niya muli na kinataka ko.

"Bakit ako matatakot? Si Taki ka lang naman. Si Taki na masayahin, si Taki na mabait, si Taki na maingay. Taki. Taki. Takiiii!" panggagaya ko pa sa boses niyang makulit at nakakatuwa.

"Ibang klase talaga ang aking binibini." nakangiting sambit niya habang nakatingin sa mga mata ko.

"Dahil ba sa dugo ko, kaya ka lumalayo? Natatakot kang manghina ako."

Nag-iwas siya ng tingin.

"Nagsisimula akong baguhin ang pamumuhay ko nang walang dugong iniinom. Gusto ko ang dugo mo dahil parang dumodoble ang lakas ko ngunit ayokong makita kang nasusugatan at duguan."

'Lumalakas siya? Ang galing'

"Kung ganoon ang dugo ko na lang ang tikman mo."

Namilog ang mga mata niya na kinatawa ko nang mahina.

"Alam mo ba ang sinasabi mo, aking binibini?! Hindi ko gagawin 'yan sa'yo!"

"Hahahaha."

Ngayong alam ko na ang epekto sa'yo, Taki, matutulungan na kita. Sa tingin ko, may mga baon akong injections. Inaantok lang ako sa t'wing lalapat ang labi niya sa balat ko habang sinisipsip ang dugo ko.

Napangisi ako sa plano ko at nakita ko ang panliliit ng mga mata ni Taki kaya naman mabilis akong umiwas ng tingin.

Narinig ko ang pag-buntong hininga niya.

"Alam mo, Taki, marinig ko lang ang pangalan mo sumasaya na 'ko." nakangiting sambit ko at diretsong tumingin sa mga mata niya.