Isla Verde #5: All Sweet Nothings

Phase 7

Phase 7

Weeks ran so fast. Tuwing masaya ay mabilis ang mga araw na dumaraan, tuwing malungkot ay siyang pagbagal nito na tila sadyang pinaparamdam ang sakit na dulot noon.

Sa kabutihang palad, mabilis ang bawat araw ko. Meaning, happy days and weeks. Siguro nga ay ganoon talaga, mas maganda nga namang mabilis ang araw para lalong tumibay ang bawat pagsasama habang tumatagal ang araw na magkasama.

Friday to Sunday, magkasama kami ni Minther kung saan maisipan. Every morning of those days, he was in the office located at La Cerde. Doon ang kanyang inaaral na lugar para sa kanilang Resort and Hotel. He's just a worker there, ayon sa kanya. Ganoong pinalaki ang mga Legaspi'ng lalaki.

Magsisimula sa mababa at aaralin ang tungkol sa negosyo, Minther is the heir of their clan together with Kurt Legaspi pero sa pamilyang nahahati. Kung sakaling sa Legaspi, sa mismong kay Lola Evangeline at Lolo Krus ay pwede silang dalawa na maghawak ng negosyo. Kukulangin pa silang dalawa dahil sa dami ng Hotel and Resorts noon kung sakali.

"Engaged na rin si Kurt at sa susunod ay siya na ang ikakasal." sabi ni Zarjiel Alarcon, kaibigan nila Minther.

Kausap ko si Minther sa kabilang linya at panunuya kay Kurt ang aking naririnig ngayon.

Batid kong uso talaga sa kanilang pamilya ang arrangement. Hindi ko alam kung bakit, pero hindi naman nila kailangan ng pakikipagsunduan sa ibang pamilya para magsanib ng negosyo dahil sobra sobra pa ang kanila. Maybe, I should ask Minther about it.

"Tss, I won't marry the girl. Hanggang engagement lang sabi ni Mama." iritadong agap ni Kurt.

Nagtawanan sila.

"Ba't naman? Wala namang mawawala sa'yo." halakhak ni Bronson.

"May iba akong gusto..." si Kurt.

"Bakit? Ilang taon na, ah? Hindi ka pa rin nakakaalis kay Crayon Carlos?"

Nakuha noon ang aking atensyon. Carlos? Kapatid ni Clay si Crayon, sa pagkakaalam ko. Clay was my first crush, first love and first heartbreak. He was my best friend way back in Grade School to High School but he left me.

"Hala ka, seryoso, pre?" ani Lay nang hindi nakasagot si Kurt. "Marami pala ang nabihag ni Color. Si Cyprian din, hindi pa."

"Huh? Cyprian Segovia? How come? Nagkakilala sila?" buong atensyong tanong ni Kurt.

They laughed.

"Oo, dude. Sa hacienda ng Roscoe. Damn, he's crazy for the girl. He introduced Crayon to us years ago. Tell you, he was a coward. He was too stunned when Crayon held his arm." humagalpak si Bronson sa tawa. "And... then boom, pinagbigyan uminom. In the end of the month, nasawi."

"Tsismis pa." Minther butted. "Hey..." tawag niya sa atensyon ko.

I smiled.

"Mmm?"

"Mmm?" he chuckled huskily. "What are you doing?"

"I'm browsing..."

"Facebook? Nasa cafe ka pa ba?"

"Yup." tipid kong sagot.

I was stalking his profile but I won't tell him that, mamaya ay iba pa ang maisip. I saw his tagged photos with some of his friends in Brentdale, so technically I don't know them. Unfamiliar good faces, marami palang gwapo sa eskwelahan niya.

Napatango-tango ako. Hindi ako triggered na marami ang mababaliw sa kanya roon dahil marami ding kababaliwan.

"Have you eaten lunch? I thought you'll be out at lunch? Uuwi ka sa mansyon?"