The Crushed

Mr. Torpe ~ Justin Dale/JD IV

Mr. Torpe

Part IV 

Sobrang gulat ko talaga nung tinotoo ni JD yung pagpunta kay Gracia. Parang gusto ko na magwala. That was supposed to be a joke. At dahil sa lintek kong joke, mukhang mawawalan pa ako ng partner. Syeeeeeeeet.

Naghahyperventilate na ako.. Malapit na talaga akong umiyak. Natataranta na si Dee kung paano ako pakakalmahin. Parang makakapatay ako ng kahit na sino within 30 mile radius. Maya-maya pa.. Bumalik sya. Umupo sya sa tabi ko.

Pinilit kong kumalma.. “O nasan si Gracia?”

Hindi sya sumagot.

My gas. Ano kayang meron? O.o

“Umalis ka nga dito..” Utos ko sa kanya.

“Bakit?”

“Di ba gusto mong partner si Gracia? Ba’t hindi mo sya puntahan? Ba’t di kayo magsama na dalawa?” Galit kong tanong. Kung makaasta ako parang garlfrend lang e. Hahaha

“May partner na sya. Saka.. Ikaw ang partner ko. Bakit ako pupunta sa kanya?”

LECHE KAAAAAAAAAA!

“A ganun? E bakit umalis ka agad-agad nung sinabi ko na pwede mo syang puntahan?” Tumayo ako. Kinuha ko ang bag ko. Kinuha ko rin yung bag nya na katabi ng bag ko tapos tinapon ko yun sa kanya. “Gusto mo sya di ba? Edi magsama kayong dalawa! O! Bag mooooooo!”

Nag-walk out ako.

Tingini. Magsama sila ng babae nya! Tutal naman ayaw nya talaga sa akin e. Edi sila na lang. Hindi ko kailangan ng partner. Hindi ko kailangan ng tulad nya. Hindi kita kailangan JD. Kapal ng mukha mo.

Sobrang sama talaga ng loob ko. Nakauwi ako sa bahay ng hindi oras.

Nag-away kami one day before Prom. Paano na ako bukas? =/

Syempre. Hindi naman pwede na hindi ako tumuloy. Mapapatay ako ng Nanay ko dahil ginastusan na nya ako ng bongga. Saka ako kaya yung sobrang excited. Tss. Kung alam ko lang na ganito ang mangyayari sa akin? Sana hindi na ako nangarap sumali sa prom.

Since member ng faculty si ina.. Maaga pa lang nandun na kami. Nagulat ako kasi pagdating ko, nandun na rin si JD. Ang kapal talaga nya. Nakuha nya pa magsuot ng white suit. Samantalang hindi naman sya kaputian. Bwiset. Hindi ko sya pinansin. Bahala sya sa buhay nya. Manghihiram na lang ako ng partner sa entrance. Hindi ko naman ikamamatay ang kawalan nya.