That Twisted Love Story

43 // Beneath Those Eyes

"I have noticed that if you look carefully at people's eyes the first five seconds they look at you, the truth of their feelings will shine through for just an instant before it flickers away." 
— Sue Monk Kidd

~ ~ ~

“Ash?”

Bumilis ang tibok ng puso ni Ces. Nagkatitigan sila ni Ash. Maraming gumugulo sa isipan ni Ces. Maraming tanong. Maraming impormasyon.

Malamig na hangin ang bumalot sa paligid. Ash's eyes were as red as fresh blood. Naglaho ito at napalingon si Ces sa paligid, hinahanap kung saan napunta ang kamatayan. Kahit ramdam na ramdam ng dalaga ang kaba ay hindi niya ito masyadong ininda.

“Nasaan ka? Ash?”

“Prinsesa. . .” isang mahinang bulong ang narinig ni Ces mula sa kanyang leeg. Kinilabutan siya sa bulong.

Paglingon niya ay nakita niya ang mapupulang mata ng kamatayan. Nakakabulag na liwanag. There was something in his eyes and voice. Something in his presence that gives Ces uneasiness. Hindi maipaliwanag ni Ces kung bakit imbis na matuwa ay natatakot siya sa presensya ni Ash. Imbis na ligtas ang maramdaman ni Ces, nakakaramdam siya ng panganib.

Naglaho muli si Ash at maglalakad na sana siya pabalik nang matigilan si Ces sa naramdaman sa kanyang leeg. Isang matalim na bagay na tumutusok sa kanyang leeg. Isang kutsilyo. Hinawakan din ang kanyang mga kamay upang hindi makagalaw. Nanlaki ang mga mata ng dalaga nang marealize niyang hindi pamilyar ang lalaking nasa likuran niya.

“Ibigay mo sa akin lahat ng pera mo. Kung ayaw mong masaktan.”

Nanginig ang buong katawan ni Ces nang marinig ang boses nito. Hindi siya makagalaw nang lumitaw muli si Ash sa kanyang harap. Nagliliwanag pa rin ang mga mata. Nakangisi. Isang ngiting. . .demonyo.

“Ash. . . a-ano 'to?”

Hindi siya sinagot ni Ash ngunit nagsalita ang lalaking nasa likuran.

“Ash? Baliw ka ba? Ibigay mo na pera mo kung ayaw mong mamatay!” pagkaasar ng lalaki.

Wala nang maintindihan si Ces. Ang tanging naririnig niya ay ang pagbilis at pagbagal ng pagtibok ng kanyang puso. She was staring at Ash. . . she was asking for anything. A help? A hand? An explanation?

Anong nangyayari?

Hindi na nagulat si Ces nang itulak siya ng lalaki sa kanyang likuran nang makuha na nito ang gusto. Pera at cellphone. Napaupo siya sa sahig at tumakbo na ang holdaper. Hindi pa rin maalis ang tingin ni Ces kay Ash. Hindi pa rin nawawala ang ngiti ni Ash. Mga ngiting mapanlinlang. . . mga ngiting nagsasabi kay Ces na hindi siya ligtas.

Will she die? Ito na ba ang oras niya?

Nawala na sa kanyang isip ang Mystery Texter. Nawala na sa isip niya ang saya na makikilala na niya ang matagal nang palaisipan sa kanyang utak. Nawala ang lahat nang may isang palaisipan nabumalot sa kanyang isip.