Trust No One

CHAPTER 13: Memories And Just Friends

Paris.

Mas lalong lumakas ang ulan ngayong gabi. Tapos na kaming kumain at ang iba ay nasa kanila ng room. Pero napagpasiyahan kong lumabas muna. Umupo ako malapit sa pinto ng aming room at sumandal sa dingding nito. Pinagpagan ko lang ang inupuan ko, at wala akong pake kung madumihan ang suot ko.

Nakasuot ako ngayon ng black jogging pants at maroon jacket with black v-neck inside of it. Suot ko rin yung cute slippers na binigay sa'kin ni Aza nung birthday ko.

-

"Paris, happy birthday!" niyakap ako ni Aza sabay inabot sa akin yung regalo niya na ang pagkakabalot ay hugis tsinelas.

"Ano 'to? Tsinelas?" tanong ko pero sinagot niya lang ako nang pagtawa.

"Ito ang akin, Paris." niyakap din ako ni Jeya at ibinigay ang isang cute paper bag.

"Mamaya mo na 'yan buksan." sabi ni Aza at hinila ako papunta sa food section.

"Kumain muna tayo." dagdag niya.

"Nakakain na ako kanina." sabi ko at akmang aalis na pero hinila ako ni Jeya.

"Ipagdala mo na lang kami ng desert." sabi niya at nagpa-cute pa.

"FYI! Ako po yung may birthday dito hindi po ako ang waiter." sabi ko pero ngumuso lang sa'kin si Jeya kaya naman pinagdala ko na sila.

Pagkadating namin sa table ay saktong dating nina Maze at Jaxx. Pinakuha rin sila ni Aza ng pagkain para sabay-sabay daw silang kumain. Binigay na rin sa'kin nung dalawa ang regalo nila.

Nagpaalam muna ako kay na Aza para kunin yung regalong binigay nila sa akin. Pagkadating ko sa table nila ay kumakain na silang apat.

"Bakit dala mo yang mga regalo namin?" tanong ni Aza.

"Para kainin?" sarkastikong sagot ko.

"Hindi, bubuksan ko na ngayon mga regalo niyo." sabi ko.

Una kong binuksan ang regalo ni Maze at binigyan niya ako ng color pencil na 128 pieces.

"Grabe ang yaman mo naman! Anyways, thank you so much!" sabi ko at ngumiti naman siya sa'kin.

Since I was a kid, I really like to draw. Kaya nga ngayon kahit activity o performance task pa man 'yan laging may design. Kahit nga hindi ko alam kung tama ba ang sagot ko basta may design, masaya na ako.

"May dumagdag na naman sa mga gagamitin mo kapag cramming ka." pang-aasar ni Jeya sa'kin.

Sunod kong binuksan ang regalo ni Jeya. Pagkabukas ko nung small bag na binigay niya sa'kin ay may laman itong small box. Nung una akala ko ay hikaw pero kwintas pala. Gold necklace at ang nakalagay dito ay isang maliit na heart.

"Thank you, Jeyaya!" sabi ko at niyakap siya.

Sinuot ko ang kwintas na binigay niya at hinawakan yung maliit na heart. Wait, may nakasulat pala sa heart.

"Anong 'JG'?" tanong ko at nakita ko naman ang pagpipigil ni Jeya sa kanyang pagtawa.

"Baka Jaxx Gavien." sabi ni Maze sabay nagpunas ng tissue. Sinamaan ko naman ng tingin si Jeya.

"Hindi ah, JG kasi..." nag-isip pa si Jeya nang matagal na para bang hindi niya alam ang ibig sabihin nung naka-ukit sa kwintas na binigay niya. "JG means Just Great." sabi niya.

Sunod ko namang binuksan ang regalo ni Jaxx at binigyan niya ako ng shoulder bag. Pinabukas sa'kin ni Jaxx yung bag at nakita ko naman ang mga cute little hairpins may design ito na mga hayop.