[ ဒုတိယမြောက်ခင်ပွန်း ]#complected#

page_11

Unicode

"ငါ့ကိုချိန်းတဲ့ကိစ္စက??"

"ကိုယ်တို့ အပေးအယူတစ်ခုလုပ်ရအောင်"

အစမရှိ၊အဆုံးမရှိ အပေးယူဆိုတဲ့စကားတစ်ခွန်းကိုပြောလာတဲ့ဂျောင်ကုကြောင့်ထယ်ယောင်း မျက်ခုံးတစ်ချက်ပင့်မိတယ်။သူကတော့ဂျောင်ကုပုံစံကြည့်ပြီးအကဲခတ်ကြည့်နေမိပေမဲ့ ဂျောင်ကုကတော့ကော်ဖီခွက်အားကိုင်ရင်းသူ့ကိုပြုံးကြည့်နေလေတယ်။

"ဘာအပေးယူလဲ??"

"ထယ်ယောင်း အကို့ကိုကြိုက်တယ်မလား"

ဂျောင်ကုအမေးအား ပြန်မဖြေဘဲခေါင်းငြိမ့်ပြမိသည်။ဝန်ခံဖူးထားတာမို့အခုလိုမေးတာလားမသိ။ထယ်ယောင်းကတော့ ဂျောင်ကုဆက်ပြောမဲ့စကားအားရင်တုန်စွာနဲ့နားထောင်နေမိတယ်။ မဟုတ်မှ CEOကိုပြောပြီးနှင်လွှတ်မှာတော့မဟုတ်ပါဘူးနော်။

"ကိုယ်ကူညီပေးမယ်..."

"ဟင်??"

"အကို မင်းဆီလာအောင်ကိုယ်ကူညီပေးမယ်"

ဂျောင်ကုစကားကြောင့်ထယ်ယောင်းအမှန်ပင်ထိတ်လန့်မိပါ၏။လွန်ခဲ့တဲ့ရက်ပိုင်းအတွင်းကပဲ လုံးဝမဖြစ်စေရဘူးလို့ပြောထားတဲ့သူက အခုတော့သူ့ဆီCEOလာအောင်ကူညီပေးမယ်တဲ့လား??။ဝမ်းသာသွားပေမဲ့ဂျောင်ကု့အကြောင်းသိနေနှင့်ပြီးသားသူမို့ သူ့ဘက်ကအကျိုးမရှိပဲဒီကိစ္စကိုကူညီပေးမှာမဟုတ်မှန်းတွေးလိုက်မိသည်။

"မင်းက အကိုကို့ယူပြီး တစ်ခုပြန်ပေးရမယ်"

"ဘာကိုပြန်ပေးရမှာလဲ??"

"မင်းရဲ့ သစ္စာစောင့်သိမှု"

ထယ်ယောင်းအခုထိ ဂျောင်ကုဘာကိုဆိုလိုမှန်းသေချာနားမလည်သေးပေ။

"မင်း ပြောနေတာတွေက မင်းအကိုအိမ်ထောင်ရေးကိုမင်းကိုယ်တိုင်ဖျက်ဆီးပစ်ပြီး ငါ့-"

"ဟိုးဟိုး...နေပါဦး။ဖျက်ဆီးတာကတော့မှန်ပေမဲ့ ကိုယ်ဖျက်စီးရမှာမဟုတ်ဘူး။မင်းဖျက်ဆီးရမှာ"

"ဘာရယ်"

"ကိုယ်က ဘေးကကူညီပေးမယ်"

"မင်း အတည်ပြောနေတာလား!!"