Reincarnated as a Stupid Daughter of the Mafia Boss

Chapter 67

Magkahalong gulat at pagtataka ang naramdaman nila Neri nang makita ang lalaking nasa harap nila ngayon. Hindi sila makapaniwala sa kanilang nakikita at hindi nila matanggap na ang lalaking minamaliit nila ay siyang tinatawag na boss ng mga naka-itim na lalaki.

"Tr–Trider? I–ikaw?!" Nanlalaking matang tanong ni Neri sa lalaki nang maaninag ang nakangising mukha nito.

"Surprised?" tanong nito sa sarkastikong tono.

Hindi pinansin ni Trider ang mga reaksyon nila at tumungo sa swivel chair na inupuan ng isang lalaki kanina. Mabilis naman na nagbigay galang ang mga ito at yumuko sa boss nila.

Ngayon na nasa harap na nila ang kanilang boss ay hindi nila maiwasan na kabahan. Bihira lang kasing lumabas ang kanilang Young lord na si Trider, kaya alam nila na kapag nagpakita ito ay siguradong may problema silang dapat solusyunan.

Bilang parte ng mga tauhan ng dating noble na pamilyang Pierce ay tapat sila sa kanilang amo. Kahit pa na ngayon ay si Trider na lang ang natitira sa mga Pierce ay naniniwala pa rin sila sa kakayahan nito.

Ang hindi lang nila maintindihan ngayon ay kung bakit may galit ang kanilang young master sa tatlong babae na 'to. Hindi naman nila magawang magtanong lalo pa't ganitong nararamdaman nila ang masamang aura ang lumalabas sa amo nila.

"Ayaw pa naming mamatay!", isip-isip ng mga tauhan sa nakikitang itsura ni Trider.

Kalmado itong nakaupo sa upuan habang nakatingin sa tatlong babae na nakaluhod pa rin hanggang ngayon. Sa Nakita nila ay hindi nila maiwasan na mapalunok.

"S–shit! Kapag ganito ang itsura ni boss ay siguradong walang bukas na makikita ang tatlong babaeng 'to!" Naiiling na isip ng lalaking kulay sky blue ang buhok habang nakasandal sa 'di kalayuang pader.

"Boss is ready to kill! Tsk! Tsk!" isip-isip naman ng lalaking kulay green ang buhok.

"Sa itsura pa lang ni Trider ay halatang pinag-iisipan niya na kung paano niya pahihirapan ang tatlong babae. Hayys! Kawawang mga babae at mukhang hindi man lang sila nakaabot sa bar. Hehehe!" Natatawang sabi na lang ng lalaking may kulay pink na buhok sa kaniyang isip.

Naguguluhan man ang tatlo sa biglaang pagtawag ng boss nila sa buong guild ay hindi naman sila nagbigay ng reaksyon na tumututol sila dito. Basta nagulat na lang sila nang bigla silang tawagin isa-isa at pagawa sa kanila ang planong pagpatay sa tatlo.

Ang dahilan kung bakit nasa lungga nila ngayon sila Neri ay dahil sa pagpalit nila ng guild address sa papel na binigay ni Lady Mitchel. Kaya nang makita nila na gumana ang plano ay tsaka lang sila nakahinga ng maluwag.

"Hayys! Mabuti na lang at hindi kami pumalpak sa plano dahil kung nagkataon ay sabay-sabay kaming malilintikan kay boss! Alam niyo ba kung gaano kahirap na pasukin ang teritoryo ng mga Caventry para lang mapalitan ang note?! Ayoko na lang isipin!" Nakasimangot na reklamo ng lalaking kulay pink ang buhok.

"Bakit ang tahimik?! Ito na ba ang oras para mag-joke ako? *sigh* Ayy naku! Kung ayaw ko pang mamatay ay mas mabuti na pigilan ko na lang magsalita. Pero kasi hanggang ngayon ay nalilito pa rin kaming lahat kung anong meron sa mga Caventry at kay boss? Paano pa nagkaroon ng pakialam sa mga nobles itong si boss Trider? Da–damn! Bakit naman kasi hindi siya pala-kwento ehh!" Nanggigigil na isip-isip ng lalaking kulay sky blue ang buhok habang madiin na tinikom ang bibig.