BHO CAMP #4: The Retribution

CHAPTER 1 ~ Serenity ~

CHAPTER 1

DETECTIVE DALTON'S POV

LOCATION: SUNHIGH TOWER, QUEZON CITY

CURRENT TIME: 11:15 PM

DATE: FEBRUARY 9

TYPE OF CRIME: VIOLENT CRIME: CRIMINAL HOMICIDE: PURPOSEFUL MURDER

Sinuri ko ang paligid bago ako pumasok sa loob ng opisina kung saan mayroon na isa pang opisyales na kasalukuyang may hawak na documentation worksheet at may itinatala roon. Nang maramdaman niya ang presensiya ko ay humarap siya sa akin.

"Detective Dalton?" lumapit siya sa akin at kinamayan ako. "Initial responding officer, Hugo Carbonel."

"Have you secured the place?"

"Yes, Detective. Any potential evidence are secured. Ang mga empleyado ng opisina ay kasalukuyan rin na binabantayan ng iba pang officers."

Inabot niya sa akin ang documentation sheet at binuksan ko naman iyon para suriin bago muling nagsalita. "I need a perspective ang projection sketch. Kailangan ko rin ng larawan ng crime scene."

"I'll send it to you."

Tumango ako. "Any secondary crime scene?"

"None, detective. Wala ring kahit na sino ang nasaktan. The team's currently surveying the security control room of this company again. May nakita kasing glitch sa CCTV recording."

Binasa ko ang worksheet. Ayon sa documentation ay pinatay si Richard Caseres sa oras na 7:01 ng gabi. Ang tinutukoy ni Responding Officer Carbonel na glitch ay ang oras sa pagitan ng 6:50 PM hanggang 7:01 PM. Kita kasi sa CCTV ang paghinto ng recording sa pagitan ng mga oras na iyon.

"No bullet wounds, stabbed once but clean area?" I asked incredulously. "How is this even possible?"

"That we don't know, Detective."

"Paano nakapasok ang suspect? Nasaan ang sekretarya ng mga oras na naganap ito?"

"Nasa labas lang siya nitong opisina at nasa desk niya. Wala raw siyang nakita na kahit na sino na pumasok at hindi rin daw siya umalis sa puwesto niya. Wala din siyang narinig na kahit na ano mula sa opisina ng boss niya."

Kumunot ang noo ko. "May iba pa bang daan na hindi nasa line of sight ng sekretarya?"

"Wala na, Detective. Bago makarating sa opisina ay kailangan talagang duman mula sa sekretarya."

"Put her in police custody. We need to make sure she's not a part of this."

Richard Caseres was a well known business man. Kilala din siya halos ng lahat ng nakakasalamuha niya sa masama niyang ugali. Even I experienced his claw when I first met him. Hindi na bago sa Police Department na makatanggap ng reklamo patungkol sa kaniya. Pero kahit na ganoon ay nagagawa ni Caseres na matakasan ang mga reklamo na iyon. Iba na ang nagagawa ng koneksyon at pera.

Isa sa mga report ay ang haka-haka na pagiging miyembro raw ng lalaki ng Claw Organization. Isang ilegal na organisasyon na siyang nagpapainit ng ulo hindi lang ng Philippine National Police kundi maging ng buong gobyerno. We've been searching for trails to find and put down the said organization but to no avail.

"Mayroon din kaming nakita sa kamay ng biktima." pagbibigay alam ni Responding Officer Carbonel.

Kinuha ko ang hawak niyang plastic evidence bag. Sa loob niyon ay mayroong bilog na kahoy na may tatlong guhit na padayagonal at isang guhit na pahiga sa gitna ng tatlo.

"The same symbol." I whispered.

Naagaw ang atensyon ko mula sa emblem nang mag-angat ako ng tingin at may mapansin. Umikot ako sa likuran ng office desk ni Caseres at lumapit ako sa malaking glass window. Dumukwang ako at tinitigan ko ng mabuti ang mantsa sa carpet. "Blood."