Ginaistorya ko usahay ang mga butang:
kalachuchi sa silingan
ang kabaw sa basakan
ug kon may panahon sa gabii, ang bulanGinaagda ko sila nga ako tudluan
sa imong sinultian:
sultian sa mga kahulugan,
sabton ang imong pinulunganUnsa’y ngalan nimong ang pahiyum
galupad-lupad ‘ning hunahuna
nga imbes ako ang nilit-ag
ako man nuon ang natangagUnsa’y ngalan nimong ang mga tingog
daw patak sa taligsik sa linaw
ukon gabon sa kadlawong
gahunat sa unang bidlisiw?Ginapangutana ko usahay ang dahinggay,
ang kahoy dapit sa atabay,
sa mga puyo ug punay:
Unsa’y ngalan ‘ning bobay?