خفايا ضابط
بارت١٥ج٢
بقلم كهرمانه
🖇🖇🖇🖇🖇🖇
شگد چبیره من تحس
كلشي بحياتك
صار ضدك حتى گلبك
عافك لخاطر ظفیره .
___________
بعد مرور يوم
.
إرجوان:-نمت بالليل وكعدت من كابوس خوفني كعدت گلبي يدك سريع بــس وعيت انو چان حلم نزلت دمعتي وماگدرت انام فتحت تليفوني راسلت صديقتي نايمه مجاوبتني شفت يحيى متصل راسلته بدون تردد
-كاعد؟ "حاچاني بنفس اللحضه "
يحيى:-اي ليش شعندچ
إرجوان:-عادي نسولف شويه منا لحد ما اغفى چنت نايمه وتحلمت بكابوس والله كعدت ابچي من الخوف وگلبي يدك سريع
يحيى:-گولي اللهم إني اعوذ بك من شر مارأيت وانفخي على كتفچ تلث مرات ولتحچين بيه لاحد واقري أي سوره من القرآن حافضتها هسه يروح الخوف
إرجوان:-تمام شكراً
يحيى:-عفواً
إرجوان:-"سويت مثل ماگال سويه برد گلبي "
يحيى:-ليش اني بالذات راسلتيني
إرجوان:-عباد الله كلها نايمه بــس انت كاعد خفاش گلت اراسلك
يحيى:-كون يوميه تتحلمين بكابوس وشرد كله ورى الثنتين الصبح
إرجوان:-صدك ليش متنام
يحيى:-عندي أرق
إرجوان:-اشرب منوم من وكت بالسبعه ونام ثاني يوم تكعد من وكت وتتعدل نومتك
يحيى:-اذا اشرب من السبعه انام ويومين ابقى نايم بدون لا احد يكعدني ومرات ابقى كاعد
إرجوان:-يعني مجرب تشرب منوم
يحيى:-اي ومن اكثر اطير بغير عالم
إرجوان:-بــس لا تكبسل
يحيى:-اي بالأربع مرات صارت ويايه وابوي حلفني بعد ما اشرب منوم ولخاطره هسه كاعد
إرجوان:-وضعك صعب
يحيى:-من وراچ
إرجوان:-يا شعليه اني شمسويه هو بــس رفضتك
يحيى:-ابد ماگلتي لزكه ولا سمعتيني حجي يسحل الواحد سحل
إرجوان:-يله اسفه
يحيى:-بعديش مجبور اقبل اعتذارج ،اي شوكت
إرجوان:-شنو؟
يحيى:-شوكت توافقين
إرجوان:-اوافق عليك فكره وشيلها من بالك اني راسه ببالي طموح اريد اتعلم سياقه اريد ادرس اصير فد شي مهم
يحيى:-واذا صرت اني بحياتج شنو راح يتغير
إرجوان:-هواي أمور تتغير راح تقيدني هذا ممنوع وذاك ممنوع ولتطلعين هذا التقيد اني اكرهه
يحيى:-لعد نبقى هيچ عاجبج
إرجوان:-ممسوين شي اني حالياً داحجي وياك بصفتي بنت عمك لا اكثر ولا اقل
يحيى:-الله كريم مانعستي
إرجوان:-لا النوم طاير من عيني
يحيى:-تگدرين تحچين اتصال
إرجوان:-ليش تكره المراسله
يحيى:-صوت أحــسن
إرجوان:-لا ماكدر احچي خاف يطلع صوتي
يحيى:-هو صوتچ اني بالگوه اسمعه اهلچ شلون
إرجوان:-ها يعني ناصي
يحيى:-اي ،
إرجوان:-يحيى فدوه خلي نحچي رسائل مالي خلگ اسولف
يحيى:-لعد اني رايح ابقي كاعده وحدج
إرجوان:-ليش هيج تسوي
يحيى:-مشتاق لصوتج من الاخير
إرجوان:-لتعيش دور الحبيب
يحيى:-عادي مو الا الحبيب يگول هيچ
إرجوان:-اي باجر عندي دوام شلون اكعد مادري
يحيى:-سوي منبه ومن ترجعين عوضي النوم
إرجوان:-هو هم حسوي هيج لأنو الـoff مالتي سووه الاحد يعني ابقى نايمه
يحيى:-اي هم بين فتره وفتره يبدلوه
إرجوان:-اي بداية السنه الخميس وهاي ثالث مره يبدلوه
يحيى:-يله مو عبالج نسيت راح اخابر
إرجوان:-خابر يله هو اني أكدرلك
يحيى:-ههههههه عفيه بالتسمع الكلمه
إرجوان:-"إتصل عليه واني ماعرف احس بشعور ماكدر افسره شنو بمجرد مافكر راح اسمع صوته رديت بدون لا أحجي بمجرد ماسمعت صوته صابتني قشعريره رغم اني جنت احجي وياه مراسله عادي "
يحيى:-تسمعيني لو لا
إرجوان:-ها ألو وياك
يحيى:-مشاق لهالصوت
إرجوان:-مو البارحه حچيت وياك
يحيى:-اي اربعه وعشرين ساعه ماسامعه يعني الحك اشتاق
إرجوان:-تدري شتذكرت
يحيى:-شنو
إرجوان:-اول مره بچيت بسببك شگد كرهتك وحقدت عليك ولهسه بعدني حاقده
يحيى:-ميحتاج تذكريني بين فتره وفتره
إرجوان:-صدك انت مو تكرهني
يحيى:-والله يا روحي كبرتي بعيني كلش مو شلون ماچان صعب الگه مثلج بوكتنا هذا
إرجوان:-شلون يعني
يحيى:-من صديقي يگلي رفضتني عليج يعني چذبته شوفني المحادثات وهم ماقتنعت من اجيتيني بالمزرعه وگلتيلي وبعدها ضربتج وأذيتج وشفتج تبچين خايفه حسيت بروحي شگد أناني
إرجوان:-بــس انت بقيت ورايه تتعرضلي
يحيى:-اي وبعدين عفتج براحتچ مادورتلچ شر ،أكو منچ أمل لو ادور غيرچ
إرجوان:-ما احسنا راح نكون متراهمين
يحيى:-لا غلطانه نتراهم سوه انتي بس وافقي ومعليچ
إرجوان:-اسباب رفضك هوااي اولاً دراستي وثانياً أذيتك الي وثالثاً حبيبتك الماتت وجاي تنساني بيها
يحيى:-الله يرحمها راحت بغذ مترجع والدنيا متوگف على واحد
إرجوان:-"بقيت كاعده وياه نسولف ساعه ونص اخر شي هو گام ينعس وكل شويه يسألني مانعستي أكوله لا رغم اني نعسانه وبين ع صوتي غفيت واني احچي وياه ...
.
.
سيف:-هلا هلا شتسوين
رفل:-شتشوف داسوي عشه
سيف:-تحتاجين مساعده اطبخ بمكانج
رفل:-لا اكعد جذب عليه واني اطبخ
سيف:-لاا شلون يصير لازم اساعدك بمكان ترف اني
رفل:-يله لعد سويلي زلاطه
سيف:-يميي الزلاطه مسقطها اني
رفل:-عفيه "سوه زلاطة خس ورش هواي ملح وليمون عليها "
سيف:-چنها صارت مالحه
رفل:-خربتها يعني
سيف:-اعالجها الج وليهمچ
رفل:-شلون ذبها اسوي غيرها واطلع من المطبخ چفيني شرك
سيف:-معليج لتعلميني بشغلي
رفل:-"فتح المي مال السنك وخله الزلاطه بمصفي وغسلها ورجع خله شويه ملح وليمون واجه سوه الحشو مال التمن اني اعلمه وهو ينفذ
سيف:-هاا تعاي اكلي هسه تعيبين عليه راح افتح مطعم
رفل:-شتسمي بله
سيف:-اسمي اخ بطني
رفل:-ههههههههه اذا يجيك واحد مريض وياكل من ايدك گبل يموت
سيف:-غلسي لتگولين غاسل الزلاطه ورانه شماته
رفل:-اوكي "خلصنا العشه اني وياه وحتى ساعدني بفرش السفره والنقل كعدنا ناكل وابن رسلان عد عمو يوكله وياه هذا الولد كلش راح يتعلق بعمي
.
.
ترف:-طلعنا يوم الجمعه المغرب من البيت تركت قاسم يم رفل ماخلتني اوديه يم بيبي ورحنا للنجف أذن المغرب واحنا بالطريق
طلعنا من بغداد وشفنا حسينيه طبگ رسلان واحنا متوضين من البيت صلينا ورجعنا للسياره طويق النجف طويل وصلنا بالتسعه خله السياره بگراج قريب عالأمام لزم ايدي ومشينا لحد حضرة الأمام يبعدنا التفتيش وبس اطلع الكاه منتضرني
دخلنا الحضره شفته يسلم عالأمام من بره اني هم سويت مثله مشينا وكعدنا بالحضره شويه وهو گام يزور كلي ابقي منتضره هنا من ارجع انتي روحي بقيت منتضرته على ماراح ورجع ربع ساعه
-ها عمري زياره مقبوله
رسلان:-تقبل اعمالج زرت وندعيتلك يله گومي تندلين لو لا
ترف:-اي اندل
رسلان:-يله
ترف:-"مشيت بالحضره ودخلت للضريح إنشرح صدري چان هواي اكو ناس ديزورون مشيت شويه صفنت عالضريح عيوني غرغرت بالدموع وبچيت بخضوع ادعي الأمام بجاهه عند ربه يحفضلي رسلان وابني ويستر عليه وعلى اهلي ويرحم اموات المسلمين والمسلمات ويبرد گلب كل فاقد مثلي إن كان ابو لو ام لو زوج لو اخ لو ابن ويحفظ جميع العراقيين وبچيت اكثر من تذكرت امي وابويه
شفت المره تابعه للعتبه أشرتلي رحت يمها گالتلي تعاي اصعدي هنا وزوري صعدت مكانها بست الضريح وهي مسحت على ضهري وراسي وكتفي بالريشه العدها نزلت وتشكرت منها ودعيتلها على نيتي صليت صلاة الزياره وهديتها لامي وصليت لابويه وصلاة زيارة امير المؤمنين طلعت للمكان اللي كاعد بيه رسلان لگيته متصل ويه خالو وفاتح كامرا كعدت بصفه وحاجيته
ترف:-هلو خالوو
أبو رسلان:-هلا بيج بــآعي ابنج وين
ترف:-فدووه "دخل سيف عالخط وحاجاني "
سيف:-جبتله حجله اذا تنكسر اكسر رجلج
ترف:-ماعدنا واحد يكسرها هــآي راح تضل تذكرني بيها طول عمري مو
سيف:-هههههههههه اليوم اني بمكانج حتى عشه سويت
ترف:-ههههههه "طلعنا من الحضره ورحنا تعشينا بمطعم وضلينا نفتر منتصف الليل رسلان شافني بردانه ماقبل نبقى بالحضره مثل مامقررين اخذني للفندق حجزنا غرفه كم ساعه اول مادخلنا للغرفه نزعت العبايه والحجاب وغسلت ونمت ورسلان هم..
كعدنا على صوت الأذان مال الصبح صلينا وتريگنا بالفندق وطلعنا للمقابر وصلت يم گبور اهلي گعدت بالكاع ابچي رسلان تركني وراح عافني براحتي حچيتلهم كلشي صار بوست صورة ابوي المخلينها ع گبره إجه رسلان جايب مي حتى نغسل الكبور غسلناهم سويه ويم گبر امي اكو لوكر صغير مخلين بيه قرآن وسبحه ومصلايتها وتربتها الجانت تصلي بيهاا اخذ رسلان القرآن وبدا يقرالهم شفت بيبي مدفونه بصفهم رحت قريتلها القاتحه وقريتها الهم هم بعدها رجعنا للسياره من التعب نمت بالطريق
گعدت إحنا ببغداد نص ساعه ووصلنا للبيت نزلت لگيت خالو گاعد بالصاله سلمت عليه وصعدت سبحت ونمت ماگعدت إلا الضهر شفت رسلان نايم شغلت الضوا مال التليفون حضرتلي تراكود طويل حلو وشال خليته على راسي عيوني يوجعني من البچي وصايرات حمر طلعت من الغرفه وسديت الباب نزلت جوه لگيت رفل مكعده ابني وتوكل بيه سيريلاك
-هلاوو
رفل:-اجتي ماامااا ،زياره مقبوله عيني
ترف:-زرت وندعيتلج الله يفرحچ بطفل يملي عليچ الدنيا
رفل:-فدوه لگلبچ
ترف:-تعال ماما حبيبي
رفل:-نساج وراح
ترف:-هم ضوجچ
رفل:-لا والله متونسه وياه مشيت عالجدول المسويته اله يوميه
ترف:-معدله متشوفينه ميت عليج حتى ما گلبني " اخذته بسته وحضنته حييل ريحته كلش طيبه ترد الروح "
-متغدين لولا
رفل:-متغدين وشاربين چاب ماگعدتكم كلت تعبانين
ترف:-اي والله زياره النجف تتعب
رفل:-طريق طويل والمكابر تاخذ نص الحيل.
سيف:-هلو هلو هلو
ترف:-هلو بيك
سيف:-شلونها الزياره
ترف:-تخبل ناقصتك بــس المكابر تعب
سيف:-اكو تله بنص الگبور شايفه لو صاعده عليه تبين الگبور مالها نهايه
رفل:-شلون اذا يكعدون
سيف:-حتى خبز يابس مايضل يكرطونه كرط نكوم نتحسر عالبصلايه
ترف:-اي والله صدگ
سيف:-زمرد متحلمه بامها
ترف:-شوكت
سيف:-چنت يمهم
ترف:-اي شمتحلمه
سيف:-جايتها تكللها ليش ماتذكرينا بثواب
ترف:-ياا خطيه
سيف:-هم بعد بيها روح تطير وتجي بالاحلام عجوز خلي تنتضر يوم القيامه وتشبع خبز يابس
ترف:-يبوو هيه الروح تبقى تفتر على احبابها
سيف:-المهم راح تسوي ثواب من ورى خشمها
ترف:-انت شمدريك من ورى خشمها
سيف:-مبين تحجي لا ضايجه لا شي تكول اي اعزم ولدي واسويلها ثواب
ترف:-شتريدها تگطع روحها هسه اذا تنبش گبر امها ماتلگالها ولا أثر حتى الچفن ماكله الدود
سيف:-يله المهم احنا ناكل ونقرا الفاتحه بــس اكلج نقرالها الها فقط هيه تاكل والموتى يباعون عليها تره واگفه حيل
ترف:-يا يا توصللها ريح ونسمه هوا بارده
سيف:-هي الدنيا بارده شتصخم بالريح والنسمه البارده يعني هسه اني من اموت واروح بالحلم لابني اكله مشتهي مثلا لفة گص ياكلها ويقرالي الفاتحه توصلني ريحه شصخم بيهاااا
ترف:-شمدريني ميته قبل
سيف:-ابوي وين اني شلون ثنين مطفيات يمي
ترف:-روح أسأله
سيف:-اي واذا طلع صدك توصلني بــس ريح ابطل ماموووت اجلب بالدنيا
ترف:-شوف هذا الحمدلله والشكر ربييي "صبيتلي أكل وكعدت اكل "
.
رهف:-كاعده يم ماما اعلمها عالعلاج وچان يصيحلي شهم بصوت عالي كلش مبين مال واحد عصبي حتى ماما تفااچآت من عنده صعدتله للغرفه لگيته لازم تليفوني وحاجيه رفع الفون وگلي شنو هذااا
....
يتبعع
الرجال الديقرا شعر يشبه عمو قاسم ابو رسلان