لمسة شفاء (ريهام على)

الفصل الأول

الفصل الاول&
  *في بيت ملك
في احدى الاحياء الشعبيه رغم بساطته يتميز بذوقه العالي والممتاز وبه غرفه تسكن بها فتاه تبكي وتضم رجلها لصدرها من كثرة  البكاء  لم تسمع صوت طرق الباب ولا تبالي بمن يطرق الباب يدخل من الباب شاب طويل القامه عريض المنكبين صاحب بشر قمحيه و يجلس بجانبها ويقول.......
محمود /وبعدين يا ملك ايه اخره اللي انتي فيه ده
ملك /من كثرة بكاها  مش عارفه ترد عليه
محمود /اتنهد وقال يا حبيبتي احمدي ربنا دائما في السراء والضراء انا عارف ان اللي حصل لك ده فوق طاقه اي احد بس لازم تقاومي وتقومي وتحاولي تخرجي من حزنك ده وتخرجي للحياه من ثاني اوعى تخلي الحزن يتمللك منك لان الحزن ده شيطان بالضبط و اوعى تسيب شيطانك يسيطر عليكي
ملك/ بصت لمحمود بحزن وتهز راسها يمين وشمال بمعنى الرفض
محمود/ اتنهد وقال خلاص يا حبيبتي اللي يريحك بس لازم تعرفي اني عمري ما اتخلى عنك ابدا ولا هسيبك وعمري ما هاسيب الحزن يسيطر عليك وقرب منها وباس جبينها وسابها ولسه هيمشي....... واقف على الباب وبصلها ثاني وقال لها اقوللك قومي صلي وادعي ربنا يريح قلبك ويطفي نارك ويجيبلك حقك من كل اللي ظلموكي قومي يا ملك واقري شويه قران واسجدي لربنا واحكيله عن كل حاجه وجعاكي مفيش اجمل منه طبيب وقرانه ومفيش اجمل منه دوا ربنا يصبر يصبر قلبك ياحبيبتي وبصلها وسابها وخرج وقفل الباب وراه .......
بصت ملك ناحيه الباب وشافت صوره اولادها اللي على الكومود اخدتها في حضنها وفضلت تعيط وتقول آاااااااااااااه يا رب يا رب صبرني على فراقهم يا رب و باست الصوره وحطتها مكانها و قامت تتوضى وصلت وهي بتسجد فضلت تعيط كثير اوووووي وتدعي ربنا يريح قلبها ويصبرها على فراق اولادها وبعد ماخلصت صلاتها قعدت تقرا قران لحد ما عيونها راحت في النوم؛؛؛؛؛؛؛؛
بس حلمت بنفس الكابوس ثاني :
كانت ملك و ياسين واسر واقفين مستنيين تاكسي اسر وياسين
اسر /ماما انا عايز شوكولاته
ياسين /لا يا ماما انا عايز شيبسي
ملك /اتنهدت وقالت يا حبايبي لما نروح لبيت تيتا خالو  محمود هيجيب لنا كل حاجه
اسر/بترجي والنبي يا ماما والنبي
ملك/اتنهدت وقالت حاضر خليكم هنا وامسكو ايد بعض كويس وانا هاروح اشتريلكم من السوبر ماركت اللي قدامكم ده وشورت عليه*******
راحت ملك السوبر ماركت اشتري لهم وبصيت عليها وجابت شيبسي وشوكولاته وحاسبة الراجل ومشيت
بصت  لاسر وياسين وقالت احلى شيبس وشوكولاته لحبايب مامي
اسر وياسين من فرحتهم هيييييييييييييييييه  وجري عشان يحضنوها لكن للاسف قبل ما يوصلوا لحضنها خبطتهم  عربيه وماتو ؛؛؛؛؛؛؛؛؛؛؛؛؛؛؛
صحيت ملك من الكابوس اللي بتحلم بيه بقالها فتره من يوم ما حصل لها الحادثه وهي مش عارفه تعمل ايه عشان تخلص من اللي هي فيه فضلت تدعي ربها انه يصبرها ويريح قلبها ومسكت صوره اولادها تحضن فيهم وتبوسهم وفي لحظه جه  في دماغها القرار اللي ممكن يريحها ويخليها تنسى كل اللي هي فيه
يا ترى ايه هو القرار هو ده اللي هنعرفه بكره ان شاء الله في الفصل الثاني روايه (لمسه شفا)
ياريت رايكم ف كومنت للتشجيع مش اكتر 😘